Ireevi 11:7 - IWE ỌNỊNỊ

⁷ Ọ kà asị ẹ́ rị ụra, ẹnịnị e ré e ịsa ene èe zoza. Ẹtụpa ẹnịnị ộ há hi ẹẹva de, ama ẹnịnị ẹ́ yị ma và ịsọyịrị vavẹ ịnị irenu va tọ́.

Ireevi 11:7 ပူးပေါင်းရင်းမြစ်များ

Ayịsaya 65:4

Ịrahụ-ịrahụ vị ẹnẹ enee hi ịnị ụtẹha ọnịrị ụsị ene e ne oku hi. Dị ẹyaa họ̀ oku nịnị usirẹyị. Ẹ yaa rị uye ụra ọnịrị ẹpẹ ana a sị uye ana a sị mẹ̀ ịsọvọ hi ori ne.

Ayịsaya 66:17

Ẹnẹyịmavara kà, ẹzẹtẹ aza ana jị ẹngụ ẹnịnị yị ori ọyị hẹkẹ aa gụrị ẹtẹ. Ẹnịnị va ọkọnị na ngụ ụbazị ori nịnị, dị ẹ rị uye ụra ọnịrị ụsụ beri ịsa enyisi ana vọ.

Ayịsaya 66:3

Ama a raà chi hi aza ana mẹ̀ ene zee wa eyi kẹnẹ, ebira vi ene hine wa. Agụvị avọọ, Ẹnẹyịmavara ẹ̀ yị dọ ịsọvọ ẹnịnị. Ịsọvọ ụnọ ẹnịnị vị ọnị o re anka ọza ọ̀ọ wụ̀ ọza avọọ nị. Ịsọvọ ozi atẹmẹ ẹnịnị vị ana ya anka ọza ana wụ irezi gụ ori avọọ. Ịsọvọ akụ ẹnịnị sị mẹ anka ọza ọ̀ọ sị ụra mẹ̀ ịsọvọ yị ori avọọ nị. Eturare ọnị ẹ̀ẹ rị ịra vaa sị mẹẹ anka ọza o rere aa ma aduwa yị ori avọọ nị.

Ireevi 11:3

Ẹnịnị vaa rị uye tụra uye ẹnẹ ẹtụpa ẹnịnị há hi ẹẹva, dị ẹẹ̄ và ịsa ẹnẹ ẹ rịị vaavẹ ịnị irenu vaa tọ́.

Ireevi 11:6

À sị ẹnịnị rẹ rị adeji agụvị ka adeji ẹ̀ẹ daka aā và ịsọyịrị vàa vẹ ịnị irenu vaa tọ́, ẹnịnị ẹ́ yị nyị ẹtụpa ana há hi ẹẹva, agụvị avọọ, é yi zoza yị wa.

Ireevi 11:8

Asị ẹnịnị rị uye ẹnẹnị, dị asị ẹ́ hyakụ kanyị oku ẹnịnị bẹẹ. Ẹnịnị é yi zoza.

Imatiwu 7:6

Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

Iruuku 15:15

Ộ na, dị ọ naa mẹ ụkọrọọ yị anẹkụra ọnọọ ọnya nị. Dị ọza ọnọọ aa tụ́ ọọ sị ịsọyịrị naa yị ụ̀rá anị ịnị aarẹ nị.

Iruuku 8:33

Dị ụhwẹ echu ẹnẹẹ hụụnị ẹngụ ọnọrụ ọnọọ, dị ẹ na ngụ ịnị ụra ẹnẹẹ nị. Dị avaba ụra ẹnẹẹ zwe putu-putu, di e zina và hi ini irehu, di irehu mụnẹ wa nị.

Iwe Ọhụhị Imosiisi ana aa hị́ Ọyịvatụrọda 14:8

Asị ẹ rị ụra agụvị ka ọ nyị ẹtụpa ana ga hi ama ọ yị mā tọmọ ịsa rị. Asị ẹ hyakụ sị ụvọ kanyị oku anị.