Ireevi 10:9 - IWE ỌNỊNỊ

⁹ À sị ọnịrị ezi anị ngụ ịnị ajẹngụ ọnị Ẹnẹyịmavara ẹnịnị èe si eche hú o, ọ ka ẹnịnị ẹ̀ẹ vavọọ mẹ, vị́ eyee sú nị. Aanị avaba evere awụ nịnị mẹ saasa ọda ọnọnị pooro nị.

Ireevi 10:9 ပူးပေါင်းရင်းမြစ်များ

Ọyịkụra 27:21

Ịra ọnọọ vị ọnị ụ vaa sị tụ́ ịnị ajẹngụ ịzị a yàa gẹ éyi ẹhẹ ịta ene gu apoti oto hi. Sị tụ́ ọvịdị amị ịzọọ di Eerọnị ọnịrị ezi anị ẹ̀ẹ sị eyii pe ozotupa ọnọọ. Â nyị ka ịra ọnọọ ọ̀ọ za hụrẹ oruva na ngụ ẹnẹnẹ eyinẹhẹ anị. Ido mị jị ọ wụ nịnị. Ẹwụ nịnị ana vị Anisirẹrị vị ana vaa saasa a pooro ịnị avaba ẹhẹ awụ nịnị.

Ụhịrẹyị 20:1

Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ayịsaya 28:7

Ọnịsẹ nịnị ọnịrị ohirẹsụ irehi Ohomorihi ẹnị vi ene re hú eche dị aa mẹrị wa ẹtẹẹtẹrẹ. Eche ộ mẹrị wa pooro ẹ yị kụkụ yẹ ịsị ẹ yaa mẹ, dị ahịka vị ẹ kụkụ aa và angga kẹnẹ nị. Eche ộ mẹrị ọnịsẹ nịnị pooro ne tu ka Ohomorihi ọ̀ọ kụkụ sị ịrẹyị zụ̀ wa e yi re e. Eche ọnị ọ yị rẹ zẹẹ ka ohirẹsụ irehi Ohomorihi nịnị ẹ̀ kụkụ yẹ a mẹ̀ vọrọ ka ẹ̀ẹ mẹ̀ ọkarẹyị.

Ezikẹẹrị 44:21

A sị ohirẹsụ irehi Ohomorihi ene hú eche ọnyọọnyị di ẹ̀ va ngụ ịnị ohweje ana yà ịnịnẹ irehi Ohomorihi.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ireevi 10:8

Ẹnẹyịmavara ộ kà a yị Eerọnị ka,

Ireevi 3:17

Ọsọnị ọ̀ vị ọda ọnị avaba Anisirẹrị nịnị vaa saasa pooro aha tụra aha ẹnẹ ẹ̀ẹ ra nị. A sị ẹ na rị ụhị ịsụpa avị ọnyọọnyị o.

Ịrịka 6:20

Dị ọ kụ̀rà ẹyịza ẹnẹẹ tụ ẹba hi Ẹnẹyịmavara anka ịsa ịsọvọ. Avaba ịsa ẹnẹẹ ẹnịrị uye ịrẹva ọnịrị usi ẹ sị vị Ẹnẹyịmavara yị ohirẹsụ irehi Ohomorihi. Àa maanị sị ọ mẹ, dị aza ana a nyị tụ irenyi aanị nẹngụ hu eche.

Ịrịka 6:3

ẹ yị kụkụ vee hú eche ọnyọọnyị; ọ yị vee hú eche ịvayịnị ana raà sụrẹyị ọnịrị igirepi, ọ yị rẹ vaa rị ẹtụtụ igirepi ọnyọọnyị ana sị wụ̀.

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Itimoti 3:3

Asị ọdọvịdị ịragụ Ohomorihi na vị ohweche, asị ọ vị ọnịrazị! Ama áa vọrọ ka ọ̀ nyị ebira hẹẹ, asị ọ vị ọnịrẹyị, dị asị ọ rẹ vị eneyiche!

1 Itimoti 3:8

Aza ana aa mẹ ọgụvọ ịnị ịragụ Ohomorihi, áa vọrọ ka ẹnị ẹ̀ rẹ nyị ebira ana vọrọ. Ẹ́ yị vọrọ ka ẹ̀ vị ọnịrarẹ ẹẹva. Asị ẹnị dọ ọda eche oyihú, dị asị ẹ rẹ vị ọza anaā sịị ayịị tụ́ ịnị ẹkẹhị kẹnẹ!

1 Itimoti 5:23

Asị u rè kuku hú enyi kẹnẹ, wee hú eche chee-chee aanị agụvị ịnẹ awụ ọnịrị ịsa, ẹnẹ ẹ̀yị mā jẹẹ dị ọ̀ zị wụ.

Ịtayịtọsị 1:7

Agụvị ka ọdọvịdị ịragụ o si eyi pe ịragụ Ohomorihi, ẹ́ yị vọrọ ka ọ̀ nyị ohuvọ ọnyọọnyị. Asị ọ vị ọza ana ahịka aanị ịnya kẹnẹ ọọ̄ dụ nị, asị ọ rẹ vị ọza anaā hụraa kụ́ ayị, dị asị ọ́ rẹ vị ohweche. Asị ọ vị ọnịrazị, dị asị ọ rẹ vị ọza anaā sịị ayị tụ́ ịnị ẹkẹhị kẹnẹ.