Ireevi 10:6 - IWE ỌNỊNỊ

⁶ Dị Imosiisi kà a yị Eerọnị ọnịrị ezi anị ana aa hị́ Eriyaza ọnịrị Ịtama ka, asị ẹ hụ̀ agụvị ka ẹnị aa zị ẹngụ aza ene zụ, dị ẹ̀ navọ ẹyịrẹsụ ẹnịnị dị à si e che e o. À sị̀ hụ̀ agụvị avọọ na awuru hi ẹngụ ẹnịnị ẹngụ bẹẹ. Ọ kà ẹnịnị ẹ̀ẹ vavọọ mẹ, vị eyee su nị, dị Ẹnẹyịmavara kụ ayị hi avaba ẹnị ịragụ nị. Ama anda ẹnịnị Anisirẹrị ana vọ, ẹ́ nyẹngụ aa zị ẹngụ aza ọnị Ẹnẹyịmavara sị ịra wụ aanị.

Ireevi 10:6 ပူးပေါင်းရင်းမြစ်များ

2 Ịsamụwẹrị 24:1

Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

Ẹzịra 7:5

ozi Abisuwa, ozi Ihwinehasi, ozi Eriyaza, ozi Eerọnị ohirẹsụ ọbanyị irehi Ohomorihi.

Ọyịkụra 33:5

Aa zị wa ẹngụ ka Ẹnẹyịmavara ộ kà a yị Imosiisi ka ọ̀ kà a yị Anisirẹrị ka anakamawụ ẹ vị nị. Ọ rẹ ka ọnị ọ̀ọ hyakụ saasa wa na mẹ ụmẹ chee, ọnị ọ nyayịnẹ wụ̀ wa va ha. Ẹnẹyịmavara rẹ ka Imosiisi ọ̀ kà a yị wa ka ẹ̀ kụ́ ẹnya ọvị ẹnịnị hi ẹtẹ, dị ọnị ò ve ro o ịsị ọnị vaa mẹ wa.

Ọyịkụra 6:23

Eerọnị ọnị ọ na nyị Eriseba ana vị ozi Aminadabi. Eriseba vị ọyịnyara Inahisoni. Eriseba ộ ma Inadabi, Abihu ọnịrị Eriyaza ne beri Ịtama yị Eerọnị.

Ijeremaya 7:29

Ọ kà, ẹwụ nịnị Anijerusarẹmị ọ̀ kụ ịrẹsụ awụ nịnị. Na yà ịnị ataba dị wa jị òrèrè nịnị agụvị ka Ẹnẹyịmavara aa kụ ayị hi anụmọgọnị. Ọ sị wa yi hụụnị aza anị.

Ireevi 13:45

Ọza ọnị ụkụ ọbanyị ọnọọ za vị ana vaa kụ ẹnya ana nàa hi ẹngụ, dị a sị o che ẹyị anị. Ọ̀ và ịsa ku irenu dị oo nowu ka ọnị ẹ́ yị nị o, ọnị ẹ́ yị nị o.

Imika 1:16

Ọ kà a kụ́ ịrẹsụ ẹnịnị ana sị zụ̀ ka ẹ yaa zị ẹngụ ezi ẹnịnị ene e sì ịrẹyị anị. Ẹnịnị ẹ kụ́ ịrẹsụ ẹnịnị hwoohworo anka ụba avọọ. Avaba ezi ẹnịnị vị ọnị ịrẹkụ vaa kụ́ụ nọ aha ọsa.

Ịrịka 1:53

Ama Anireevi nini vị ana a jị udi ẹnịnị kara ajẹngụ Ẹnẹyịmavara. Ẹnị ee sere e agụvị asị a nyị ọza ana gụrị ọ dị Ẹnẹyịmavara ọ vaa kụ ayị hi Anisirẹrị nịnị nị.

Ịrịka 14:6

Ijosuwa ozi Inuni ọnịrị Ịkarẹbị ozi Ijehwụnẹ ya ịnị aza ana a tụ́ ne re ẹtẹ ọnọọ. Ịjị e re ịsa anaa na, ayị ẹnịnị e si du, dị ẹ za awuru ẹnịnị dị ẹ na a nị.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 18:5

Ẹnẹyịmavara kà Eerọnị kẹnẹ ee si eyi pe aha enyisi ọnịrị ụta ịsọvọ nị. Ộ kà a ọnị ẹ yị kụkụ si ka ọnị ọ kụ́ ayị hị́ Anisirẹrị nịnị.

Ịrịka 20:25

Dị Ẹnẹyịmavara kà Imosiisi ọ̀ sị Eerọnị ọnịrị Eriyaza ozi anị nọ ịrẹsụ ataba Ihuuri nị.

Ịrịka 5:18

Dị ọ hụ́ ịta hụrẹ ana vị ọnẹẹ ịrẹsụ, dị ọ sị ịsa ịsọvọ ọnọọ tụra a ụvọ. Dị ọnị sị ịpa ọnịrị enyi ọnyịrẹyị ana a sị tụ́ ozirenu rị ụvọ.

Iwe Ọhụhị Imosiisi ana aa hị́ Ọyịvatụrọda 33:9

Ẹnịnị ẹ sị zụ ka ẹnị ẹ nyị ịrẹsụ ọkahi yị wụ ẹtẹẹtẹrẹ huni aza ana ma wa ọnịrị ẹyịnyara ẹnịnị a vị ezi ẹnịnị. Ẹnịnị ẹ saasa ọda awụ dị ẹ sị ụvọ za ịrẹyị ana a ka tịtẹ.

Ijosuwa 22:18

Vị́ áá vọrọ ka wa rẹ kụkụ kà a ka wẹ yị kụkụ saasa a nịnị booro aanị nị? Wàa kụ hịrẹ ẹ nịnị ajịnị, vị avaba Anisirẹrị ee re ọyịkụ anị ụhwọọ nị.

Ijosuwa 22:20

Tamayị nịnị ka aanị Ekaanị ozi Ịzẹra mẹ̀ mẹ akamawụ ịnị ịsa oni Ohomorihi mẹ ọda ka è vu ẹtẹ nị. Avaba Anisirẹrị ẹ va rị ụya anị nị. Ẹ yị vị Ekaanị ọnịnya o sú agụvị ịvị anị.

Ijosuwa 7:1

Ẹnẹyịmavara ộ vịdị kà a ka avaba ogu Anijeriko vị ene ve du ha bemi-bemi. Â nyị ọnọrụ ọnya aanị, ọnị ịrẹha anị rị Ekaanị ana vị ozi Ikami. Aazị Izabidi ọ vị nị, dị ọ vị ẹmazị Ịzẹra hụụnị obooro Ijuda nị. Dị Ekaanị na sị hụụnị ịsa ana za ido anị yị wa nị. Agụvị avọọ dị Ẹnẹyịmavara du ayị ẹtẹẹtẹrẹ hị́ Anisirẹrị nịnị nị.

Ijosuwa 7:11

Dị ọ ka Anisirẹrị ẹ sị ịvị mẹ. Ẹnịnị ẹ ra va jịnẹ ọda ọnị ọnị mẹ yị wa. Ẹnịnị ẹ ra sị ịsa enyisi na tụ́ ịnị eehi ẹnịnị. Ẹnịnị ê yi oyi dị ê cheeche vakaa nị.