Ireevi 10:4 - IWE ỌNỊNỊ

⁴ Imosiisi ộ hị́ ezi ọnọrụ ana aā hị́ Imisayeri ọnịrị Erizahwani ana vị ezi ọnọrụ ọnya aanị ana aā hị́ Uziyẹrị ọnọnị vị ọyịnyara ada Eerọnị. Dị Imosiisi kà a yị ezi ọnọrụ ẹẹva ẹnẹnị ka, và kụ́ oku anda awụ nịnị ẹnẹnị hụụnị ajẹngụ Ẹnẹyịmavara, dị wa kụ wa ne hi ẹhẹ ẹngụ udi nịnị.

Ireevi 10:4 ပူးပေါင်းရင်းမြစ်များ

1 Ịtọpa 6:2

Ikohati ộ ma ezi ọnọrụ ẹẹna ana aā hị́: Amịramị, Iziha, Ihebirọnị, ọnịrị Uziyẹrị.

Ọyịkụra 33:7

Ịzị Anisirẹrị nịnị ẹ̀ẹ kụ́ udi tụ́, di Imosiisi sị ajẹngụ dị ọ ka nọ ẹhẹ chee, di o si hi ẹtẹ. Dị ọ ka ịzọọ ọ vị ajẹngụ ịzị aā gẹ nị. Àa nyị ọza ene ee sì ka oni ò pe Ẹnẹyịmavara kà ịrẹyị dị ọ jịnẹ hụrẹ udi dị ọ nọ ịzị ajẹngụ ana aā gẹ yà.

Ọyịkụra 6:18

Ezi Ikohati vị Amịramị, Iziha, Ihebirọnị ọnịrị Uziyẹrị. Ikohati ộ ra ịnị ẹhẹ mẹ ịrayị ẹchịhịnọnyị tụra ẹwụrẹta.

Ọyịkụra 6:22

Ezi Uziyẹrị ẹnị vị Imisayeri, Erizahwani ẹnịrị Isitiri.

Ịrịka 3:19

Ezi Ikohati ẹ rị Amịramị, Iziha, Ihebirọnị ọnịrị Uziyẹrị nị.

Ịrịka 3:30

Erizahwani ana vị ozi Uziyẹrị ọ vị ọdọvịdị ẹnịnị nị.

Iruuku 7:12

Ọ màa vaa ngụ oze ana na ngụ ịnị ẹkụra ọnọọ, di o re ka â nyị oku ana a sị aa vẹ nị. Oku ọnọọ ọ vị ozi ọnọrụ ikonya ọnị ọnyị anị ma nị. Ọnyị anị vị osoku. Dị anẹkụra ọnọọ hara saasa a aa na nị.

Odeyi 5:6

Dị ozwọọmụha ẹnyị kwẹẹtẹ, di e chire e ikuma, dị ẹ sị ọ jịnẹ tụ́ ẹhẹ, di e ne ne e nị.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.