Ireevi 10:2 - IWE ỌNỊNỊ

² Kẹnẹ, dị ịra vana dà hụrị ọvịdị Ẹnẹyịmavara ve ku wa, dị ọ wụ̀ wa va hi ẹtẹ ọvịdị anị nị.

Ireevi 10:2 ပူးပေါင်းရင်းမြစ်များ

2 Ịsamụwẹrị 6:7

Ebira ọnị Uza mẹ ọ sị kụ́ Ẹnẹyịmavara ayị, agụvị ka ọ yị sị ụbanyị yị Apoti ọnọọ. Dị Ohomorihi wụ Uza, di o sú pè Apoti Ohomorihi nị.

1 Ohinọyị 13:28

Dị ọnịsẹ ọkụkụ ọnọọ si hu aa na, di o ne tù oku ọza Ohomorihi ọnọọ ene e tura tụ́ oze nị. Di o re ka ịkẹrịkẹtẹ ọnịrị idu jẹẹ pè oku ọnọọ nị. Idu ọ yị rị oku ọnọọ, ọ yị rẹ wụ ịkẹrịkẹtẹ ọnọọ.

1 Ohinọyị 18:38

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

2 Ohinọyị 1:10

Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra da chí vẹ, dị ọ wụ ọga isoja ọnọọ ọnịrị aza anị nị.

2 Ohinọyị 1:12

Dị Erija ka, àa vị ọza Ohomorihi ọnị vị nị, ịra ọ̀ dà hụrẹ ẹbẹẹba chí vẹ, dị ọ̀ wụ ọga isoja ọnọnị ọnịrị aza anị nị. Obooboro ọnọọ, dị ịra dị hụụ ịdị Ohomorihi chí vẹ, dị ọ wụ̀ wa nị.

1 Ịtọpa 13:10

Obooboro ọnọọ, dị Ẹnẹyịmavara kụ ayị hi Uza nị. Ộ yà a arụhwẹ, dị ọ wụ̀ ọ nyẹtẹ nị agụvị ka ộ sị ụvọ kanyị apoti oto ọnọọ.

1 Ịtọpa 15:13

Idevidi ka, agụvị ka ẹ yị vị ẹnị ẹ vịdị na sị ọ, ịhị ịpaapa ẹnẹ ẹnị na sị ọ, Ẹnẹyịmavara, Ohomorihi ẹnịnị sị kụ́ ayị hi ẹnị nị; agụvị ka ẹnị ẹ yị saasa ọda ọnị Ohomorihi ka à sịị sị ọ.

1 Ịtọpa 24:2

Inadavu ọnịrị Avihu e vịdị sú tụ́ ada ẹnịnị nị. Ẹnịnị ẹ yị ma ozi di e su, agụvị avọọ dị ahịka ẹyịnyara ẹnịnị, Eriyaza ọnịrị Ịtama ẹ vana vị ohirẹsụ Ohomorihi.

Ijoovu 1:16

Ịrẹyị anị ọ yị ta a ka, dị ozi ahụ anị ọsa sị enube vẹ ka yị ọ nị. Ọ kà Ohomorihi ộ tụ ịra hụrẹ ẹbẹẹba va wụ̀ avaba atẹmẹ anị ọnịrị ezi ahụ anị ene hi ịzọọ. Ọnị ịnya kẹnẹ ọ ha ka ọnị ọ va ka enube yị ọ nị.

Ahẹ Ụgama 50:3

Ohomorihi ayị aa vẹ, o yi kuku kú irenu re ẹtẹ kẹnẹ Ịra vị ana aa za ọvịdị anị, dị ẹtẹ ee henyi jigi-jigii karaa.

Ọyịkụra 24:1

Dị Ẹnẹyịmavara hị́ Imosiisi dị ọ ka ọnịrị Eerọnị ne beri Inadabi ọnịrị Abidu è dudu hịrẹ ataba ve tù ọnị nị. Ọ kà ẹnịrị azọkụ Anisirẹrị ẹnị ẹtarẹwụ ẹ̀ jẹẹ ẹ́nẹẹnẹ dị ẹ̀ tana tụra ẹtẹ yị ọnị

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ireevi 10:5

Ịzẹyịza, dị ẹnịnị ve, dị ẹ jị ụvọ chire wa awuru, dị e tura wa tụ ẹtẹ hụrị ẹngụ udi anka Imosiisi mẹ kà a nị.

Ireevi 16:1

Ẹnẹyịmavara ộ kà a yị Imosiisi ịrẹma ọnị ezi Eerọnị ẹyịva ana zị oze ẹnẹ ẹ̀ yị vọrọ kà pe Ohomorihi wusu ka,

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Ịrịka 14:37

avọọ Ẹnẹyịmavara tụ ụkụ odivi ka ọ wụ̀ wa nị.

Ịrịka 16:35

Dị ịra chi hụụ ịdị Ẹnẹyịmavara vẹ vaa rị aza ẹnị ịrẹka tụra ẹvarẹwụ anaa rị eturare ịra.

Ịrịka 16:49

Ịrẹma aza ene su beri Ikora, aza ọnị ụkụ akwoosu wụ̀ va ha vị aza ẹnị akawụ-akawụ oze ịhịmba tụra akatarẹchẹhị (14,700)

Ịrịka 26:61

Ama Inadabi ọnịrị Abihu ê su agụvị ka ẹ sị ịra irenyi vị ọvịdị Ẹnẹyịmavara.

Odeyi 5:10

Obooboro, dị ọnị rẹ mẹ viri éteesu ọ́vịdị anị, di o sú nị. Dị ozwọọmụha ẹnẹẹ vẹ, di e re ka ô wusu nị. Dị ẹ rẹ sị ọọ jịnẹ, di e ne ne e pe ọva anị nị.

Odeyi 5:5

Ánaniya mẹ̀ maanị wụ́ kẹnẹ, viri dị ọ hyẹdụ nya ẹtẹ di o sú nị. Avaba aza ana wụ́ ọ, angwa ô hí wa ẹtẹẹtẹrẹ.

1 Anịkọrịntị 10:11

Ịsa ẹnẹẹ ana mẹ wa vị ana aa kà aza ọnọ. Â chẹrẹẹ tịtẹ ka ẹyị ene hi ịnị ụmẹ ọdịrẹma aanị, ọ̀ zụ kọ ịrẹyọyẹ hụụnị anị.

1 Ịsamụwẹrị 6:19

Anịbẹtị Isemesi mẹ̀ jịnẹ vẹ di eyee re Apoti Ẹnẹyịmavara ọnọọ goro-goro, dị Ẹnẹyịmavara wụ ẹnị ẹtarẹwụ ịnị aza ẹnẹẹ nị. Ịjị Ẹnẹyịmavara vavọọ tana ụvọ za Anịbẹtị Isemesi, di eyee sụ ùnè ẹtẹẹtẹrẹ nị.