Ireevi 10:12 - IWE ỌNỊNỊ

¹² Imosiisi ộ kà a yị Eerọnị ọnịrị ezi ọnọrụ anị ẹyịva ana vọ ana aā hị́ Eriyaza ọnịrị Ịtama aanị ka, ẹ̀ sị ayị ana vẹtẹ ịnị ịsọyịrị ana a sị va yị Ẹnẹyịmavara aanị, dị ẹ̀ sị mẹ ịbụrẹdị ọnị ọza ẹ̀ yị sị owu tụ. Ọ kà ẹnịnị ẹ̀ yà akaha ụta ịsọvọ dị ẹ̀ rị ịbụrẹdị ọnọọ, agụvị ka ịsa ọnịnị ọ vị nị.

Ireevi 10:12 ပူးပေါင်းရင်းမြစ်များ

2 Ịtọpa 31:14

Ikore ozi Imina ọ vị Anireevi ana vị ọga aza ene sere oze ovwoovu irehi Ohomorihi ana ya eyi ịzị ọyị hụrẹ vẹ nị. Ọnị aa dọ avaba ẹyịza ana kụ́ va yị Ẹnẹyịmavara dị ọ rẹ ga yị aza nị.

Ẹzịra 7:5

ozi Abisuwa, ozi Ihwinehasi, ozi Eriyaza, ozi Eerọnị ohirẹsụ ọbanyị irehi Ohomorihi.

Ọyịkụra 29:2

Dị ụ kwọ akụ dị asị ụ sị òwù tụ́ ọ dị wa sị jị ịbụrẹẹdị. Rẹ ká ịnị akụ ọnọọ dị wa sị jị akara. Angwẹ ẹtụtụ ọchị ana aā hi orivi ụ vaa sị jị wa nị. Dị ụ rẹ mẹ ibisikiiti dị ụ kụ́ angwẹ sisi ọ.

Ọyịkụra 29:33

Ịsa ana a sị mẹ̀ ịsọvọ ka à vagu wa ịnị ịvị ẹnịnị, dị a rẹ sị nyị wa tụ́ ịnị ụkọrọ amị vị ẹnị ẹ vaa rị. Ẹ yị nyị ọza ẹnẹsa ana nyayịnẹ rị ịnị ịsa ọnọọ agụvị ka a raà sị yị ẹmị Ẹnẹyịmavara.

Ọyịkụra 6:23

Eerọnị ọnị ọ na nyị Eriseba ana vị ozi Aminadabi. Eriseba vị ọyịnyara Inahisoni. Eriseba ộ ma Inadabi, Abihu ọnịrị Eriyaza ne beri Ịtama yị Eerọnị.

Ezikẹẹrị 44:29

Ịsọyịrị ana a sị va mẹ̀ ịsọvọ, ọnịrị ịsị a sị va mẹ̀ ịsọvọ ịvị beri ịsị a sị va mẹ̀ ịsọvọ ọyị si ụta varẹma ẹ vaa vị ịsọyịrị ohirẹsụ irehi Ohomorihi nịnị. Avaba ịsa ana àa sị tụ irenyi yị ọnị Ẹnẹyịmavara ịnị ẹtẹ Isirẹrị vị ana a vaa sịị yị wa.

Ireevi 10:13

Ẹnịnị ẹ̀ rị ọ aha ọnịnị agụvị ka ene tu wa ịnị ịsọyịrị ana a sị va yị Ẹnẹyịmavara ọ vị ọnọọ nị. Avọọ Ẹnẹyịmavara mẹ̀ ẹ ọda nị.

Ireevi 21:22

Ẹngụ ọza ọnọọ ọ yị zụ rị ịsa ịsọvọ Ohomorihi, ịsa ịsọvọ ọnịnị ọnịrị ịsa ịsọvọ ọnịnị keekere.

Ireevi 24:9

Eerọnị ọnịrị ezi anị ẹ nyị ịbụrẹdị ọnọọ nị. Aha ana a kà yaa rị ọ, ẹnịnị vaa yaa rị ọ nị, agụvị ka ịsa Ohomorihi ịnya kẹnẹ ọ vị nị, ịnị ịsọyịrị ana a sị va yị Ẹnẹyịmavara ọ vị nị.

Ireevi 7:9

Ọza ọ̀ọ sị ayị ana a sịị̄ mẹ ịbụrẹdị à vị ana a sị jị akara va mẹ̀ ịsọvọ, ohirẹsụ irehi Ohomorihi ene èe pe e mẹ̀ ẹ, ọ nyị ịsọyịrị ọnọọ ana a sị va yị Ohomorihi nị.

Ịrịka 3:2

Ịrẹha ezi Eerọnị ẹ vị Inadabi ana vị ozi ọzọkụ anị, Abihu, ọnịrị Erizari ne beri Ịtama nị.