Ireevi 10:11 - IWE ỌNỊNỊ

¹¹ Ọ kà, Eerọnị ọ̀ kọ avaba ọda ọnị sị yị ọ zị oze ịnị ụvọ Imosiisi yị avaba Anisirẹrị nịnị.

Ireevi 10:11 ပူးပေါင်းရင်းမြစ်များ

2 Ịtọpa 15:3

Ộ kà a o sị kù ọnị Anisirẹrị nịnị hụrẹ Ohomorihi ụvọ. Ẹnịnị ẹ yị nyị ohirẹsụ irehi Ohomorihi nịnị ana vọrọ ka ẹẹ sị ịrẹyị anị zụ wa. Ẹnịnị ẹ yị nyị ọda Ohomorihi ọnị ẹ yaa saasa.

2 Ịtọpa 17:9

Ọzọza vị ana sị iwe ọda Ẹnẹyịmavara za ọnị o sị na zụ́ aza ịsa ịnị avaba ẹkụra ene hi Ijuda.

2 Ịtọpa 30:22

Ihezekaya ộ ga Anireevi nịnị agụvị ẹ mẹmẹ ku aza mẹ̀ ahẹkẹ ẹtẹẹrẹ. Ịnị ẹkụhị ịhịmba ẹnẹẹ ệ mẹ̀ ịsọvọ ọrụrụ-ọrụrụ ẹnẹ ẹ sị ga Ẹnẹyịmavara ana vị Ohomorihi ohiku ẹnịnị.

Inehemaya 8:2

Ịhị ẹ tụ ọ ẹkụhị ịpaapa ịnị ụhwẹ ịhịmba ịrayị dị aza kụ ẹngụ gụ nị, anọrụ ọnịrị anẹẹ ana sị hụ ọ wụ́ ịrẹyị. Dị Ẹzịra ana vị ohirẹsụ irehi Ohomorihi sị iwe ọda ọnọọ vẹ ọvịdị ịragụ nị.

Inehemaya 8:8

Dị ẹ za iwe ọda ịrịka zụ wa, dị ẹ mẹ ẹhahi anị zụ wa agụvị aza ẹ̀ nyẹngụ yẹ ẹ.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ịmarakayị 2:7

Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Odeyi 20:27

Ma raà kà a wụ nịnị avaba ịsị Ohomorihi ee sì ka ọnị ọ̀ mẹ. Ẹ yị nyị ana angwa hí mi ọnị mẹ̀ yị kà wụ nịnị.

Iwe Ọhụhị Imosiisi ana aa hị́ Ọyịvatụrọda 17:10

Ẹnịnị vaa mẹ̀ ọkarẹyị ama ẹwụ vaa mẹ anka a mẹ ọkarẹyị ịrẹyị ọnọọ.

Iwe Ọhụhị Imosiisi ana aa hị́ Ọyịvatụrọda 17:11

Dọ ọkarẹyị ọnị ẹ mẹ, dị ụ waa saasa avaba ịrẹyị ọnị ẹ ka tu ẹtẹ.

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

Iwe Ọhụhị Imosiisi ana aa hị́ Ọyịvatụrọda 33:10

Ẹnị ẹ vaa zụ aza awụ ka ẹ saasa ọda awụ nị. Ẹnị ẹ rẹ vaa mẹ̀ ịsọvọ ịrẹsụ ụta anị nị.

1 Anịtẹsaronika 4:2

Wáa yẹ ọda ọnị ị sị ụkata Ijeesu Ananyị yị mẹ wụ nịnị.