Ireevi 1:3 - IWE ỌNỊNỊ

³ Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 1:3 ပူးပေါင်းရင်းမြစ်များ

Oyinyima 22:13

Di Abụrahamị kụ̀rà eyi tụ́ ẹba nị. Ọ mẹ̀ kana eyi, di o re ka â nyị ịdẹba ọnya aanị ẹnị ẹchịchị za ọpanyị tụ́ ịrẹma anị nị. Di Abụrahamị na sị ịdẹba ọnọọ, dị ọ wụ̀ ọ dị ọ rị ọ ịra mẹ̀ ịsọvọ yị Ohomorihi nị. Ọnị ọ vana sị dọ ozi anị ịrẹsụ nị.

Oyinyima 22:2

Di Ohomorihi ka ọ sị ozi anị Ayiziiki, ozi anị ikonya gene-gene ọnọọ ọnị ọ vavọọ sì ịrẹyị anị, dị ọ̀ọ nọ ịnị ẹtẹ Imoriya. Ọ kà òo tù ịzọọ, dị ọ nọ ịnị ataba ọnya ọnị ọnị vaa sị zụ̀ ọ, dị ọ wụ̀ ozi anị ọnọọ, dị ọ̀ rị ọ ịra mẹ̀ ịsọvọ yị ọnị.

Oyinyima 22:8

Dị Abụrahamị ka, “Ozi emi, Ohomorihi ọnị ụvọta vee re ka â nyị ọnị ịdẹbaa ọnị ị vaa sị mẹ̀ ịsọvọ ọnọọ.” Dị ẹnịnị a nịị na nị.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

2 Ịtọpa 29:32

Ụnọ vị ẹtarẹwụ, ịdẹba vị ẹchẹhị, dị atẹmẹ vị ịrẹka nị.

2 Ịtọpa 35:12

Dị ẹ ga ịsa ịsọvọ anaā rị ịra yị aza ovwoovu-ovwoovu ka ọzọza ọ na mẹ anị yị Ẹnẹyịmavara anka a mẹ chẹrẹ tụ ịnị iwe Imosiisi. Avọọ ẹ mẹ rẹ mẹ̀ ịsọvọ ụnọ nị.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ahẹ Ụgama 40:8

Ẹwụ Ohomorihi amị, ịsị e zee wu eyi m mee sì ka ma mẹ nị. Oze ọnị ụ ka ma zị vị ọnị mị sị tụ́ ịnị ayị.

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ọyịkụra 24:5

Di Imosiisi tụ́ ezwọọmụha dị ẹ na mẹ̀ ịsọvọ ana aā rị ịraa yị Ohomorihi nị. Dị ẹ rẹ sị ezi imaaru dị ẹ wụ̀ ọ mẹ̀ ịsọvọ yị Ẹnẹyịmavara di e dudu rị ọ nị.

Ọyịkụra 29:18

Dị ụ va sị avaba ịdẹba ọnọọ dị ụ rị ọ ịra ịrẹsụ ụta ọnọọ. Ẹmị ụ rị ọnọọ ịra yị nị. Agụ anị ô zee mi eyi ẹtẹẹtẹrẹ.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Ọyịkụra 29:42

Avọọ ụ mẹ vaa mẹ̀ ịsọvọ ọnọọ enoze ajẹngụ ịzị aa gẹ pooro nị. Ọvịdị amị ịzọọ ịzị ụ yà aa mẹẹ nịnị avọọ, mi vaa vẹ vee tù wu nịnị ịzọọ, di mee pe wu nịnị kà ịrẹyị.

Ọyịkụra 32:6

Ịzẹyịza eyinẹhẹ anị dị aza ẹnẹẹ jintu kwẹẹtẹ dị ẹ mẹ̀ ịsọvọ ana aā rị ịra ọnịrị ịsọvọ ana aā mẹ dị à gà a rị nị. Ịjị ẹ sị ọnọọ mẹ, di e kuku hi ẹtẹ dị ẹ yaa rị, di eyee hú dị ẹ rẹ yaa nyị ẹzẹ nị.

Ọyịkụra 35:21

Dị avaba aza ene sì, dị ayị ẹnịnị sị ọ na, dị ẹ na kụ́ ịsa va yị Ẹnẹyịmavara kà à sị mẹ̀ ụkọrọ ajẹngụ ịzị aā gẹ nị. Ẹnya ana a vaa sị mẹ̀ ụkọrọ ịnị ajẹngụ ọnọọ ọnịrị awuru ana aza ana aa mẹ̀ ụkọrọ Ohomorihi vee chire vị ẹnị ẹ kụ́ vẹ.

Ọyịkụra 35:29

Avaba Anisirẹrị nịnị ene sì, anọrụ ọnịrị anẹẹ ệ kụ́ ịsa vẹ ka à sị mẹ̀ ụkọrọ ẹnị Ẹnẹyịmavara kà a yị Imosiisi ka à mẹ.

Ọyịkụra 35:5

Ịsa ọzọza ọ̀ọ nyị ọ̀ sị ịnị anị na yị Ẹnẹyịmavara ọza ana ayị anị ọ̀ọ vavọọ sị ọ ẹngụ ịsị ẹ zụ sị va yị Ẹnẹyịmavara yị: igooru, ẹkẹhị ọnịrị enyusẹ ana aā hị́ ịkọpa.

Ọyịkụra 36:3

Dị ẹ dọ avaba ẹnya anị Anisirẹrị kụ́ vẹ ka à sị jị ajẹngụ Ohomorihi hụụnị ụvọ Imosiisi nị. Dị Anisirẹrị aa sịị sị ịnẹ ohinee kụ́ ịsaa vẹ ẹnẹnẹ-ẹnẹnẹ nị.

Ọyịkụra 38:1

Ibezareri ọ rẹ sị ọchị ịchẹkẹnẹ dị ọ sị jị ụta ịzị a yàa mẹ̀ ịsọvọ ana aā rị ịra nị. Ụta ọnọọ ộ nẹba tù ahụ ẹẹna rị ẹjịjị. Ụgọdọ anị ọnịrị ụgana anị vị ẹbẹẹbẹ. Ahụ ịhịmba rị ẹjịjị ẹ vị nị.

Ayịsaya 1:11

Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ.

Ezikẹẹrị 20:40

Ọ kà, agụvị ka ịnị ataba ọnịnị anị, ataba ana nẹba tụ ẹtẹ Isirẹrị, avaba ẹwụ nịnị Anisirẹrị vaa yaa hẹkẹ ọnị nị. Ayị anị vee hinee tu wu nịnị, dị ọnị ee zì ka wa va mẹ̀ ịsọvọ yị ọnị nịnị ịzọọ dị wa sị ịsị ịsọvọ awụ nịnị ene hu kere-kere ọnị ụ sị tụ irenyi nịnị va yị ọnị.

Ezikẹẹrị 40:39

 nyị itevuru ẹẹna ana ya ịnị aku ana a zịị̄ ngụ eehi aanị. Ẹvẹẹva ẹ́ vị tụ eyi ẹnyị-eyi ọsa ịnị aku ọnọọ nị. Ịrẹsụ itevuru ẹnẹnị aā wụ̀ ịsụpa ana aa sịị mẹ̀ ịsọvọ nị, ọ̀ọ vị ịsọvọ ana aa rị avaba anị ịra, ọ̀ọ vị ịsọvọ ana aa mẹ agụvị ebira odivi, à vị ịsọvọ ọ̀yị si ụta varẹma.

Ireevi 1:10

Àa vị ịdẹba à vị ịdẹ ọza ọnọọ aà sị hụụnị ịsụpa ana aa pá vaa mẹ̀ ịsọvọ nị, ọ̀ sị ẹnẹ ẹ̀ yị tụ ọkụmị.

Ireevi 14:10

Ịhị ẹ tụ ọ ẹkụhị ịhịnta, ọ vaa sị ezi atẹmẹ ẹẹva ọnọrụ-ọnọrụ ọnịrị ozi atẹmẹ ọnẹẹ ikonya. Ịrayị ọnya ezi atẹmẹ ẹnẹẹ vaa vị nị; à sị a nyị ịsị ẹ zị wa. Ọ rẹ vaa sị ayị ọyị kwọ ikirogirami ẹẹta ana a sị angwẹ hura, ọnịrị angwẹ orivi ijongo ọnya.

Ireevi 16:7

Dị ọ va sị ịdẹ ẹẹva ẹnẹẹ tụ ọvịdị Ẹnẹyịmavara enoze irehi Ẹnẹyịmavara.

Ireevi 17:4

àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 17:8

Ẹnẹyịmavara kà Imosiisi ọ̀ kà a yị wa ka, Anisirẹrị ọnyọọnyị, à vị anẹkụra ọsa ana ra vahụra wa ọ̀ọ mẹ̀ ịsọvọ ana aā rị ịra, à vị ịsọvọ ọnyọọnyị ọsa aha ọsa,

Ireevi 17:9

dị ẹ̀ yị sị ọ vẹ enoze ajẹngụ Ẹnẹyịmavara ọ̀ yị va mẹ̀ ịsọvọ yị ọ nị, ọza ẹ́ yị ma vana kụkụ ro ọza ọnọọ vaka aza Ohomorihi.

Ireevi 23:12

Ẹkụhị ọnị ẹ̀ẹ sị ọdụ ọnọọ yị Ẹnẹyịmavara, ẹnịnị ẹ̀ rẹ sị ịdẹba ịrayị ọnya ọnị ẹ̀ yị nyị ịsaa zị mẹ̀ ịsọvọ ana aa rị ịra hi Ẹnẹyịmavara.

Ireevi 23:18

Anisirẹrị nịnị vaa sị ozi atẹmẹ ịrayị ọnya, ụnọ ọnya, ọnịrị ịdẹba ẹẹva beri ịbụrẹdị ẹnẹẹ vẹ. Asị a nyị ọnị ịsa zị ịnị ịsụpa ẹnẹnị. Ẹnịnị vị ana vaa sị mẹ̀ ịsọvọ ana aa rị ịraa yị Ẹnẹyịmavara, beri akụ ọnịrị eche. Agụ ịsọvọ ọnọnịị vi enee hine Ẹnẹyịmavara.

Ireevi 3:1

Ọza ọ̀ọ sị ịsụpa aa vaa mẹ̀ ịsọvọ agụvị ọnị rị Ohomorihi ọ̀ nyị uzee, ọ sị ọ hụụnị ịsụpa ana aa pa. Ọ̀ọ vị ụnọ araka, ọ̀ọ vị ọnẹẹ, asị ọ vị ana tụ ọkụmị.

Ireevi 4:15

Ẹnị ọdọvịdị nịnị ẹkụra vaa sị ụvọ tụra ụnọ ọnọọ ịrẹsụ dị ẹ wụ̀ ọ ịzọọ.

Ireevi 4:23

Àa maanịị ka a yọ kẹnẹ ka ọ sị ịvị mẹ, ọ vaa sị ịdẹ ẹnẹ ẹ̀ yị tụ ọkụmị vaa mẹ̀ ịsọvọ ịvị anị.

Ireevi 4:3

Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ireevi 4:32

Ọza àa sị ozi atẹmẹ vaa mẹ̀ ịsọvọ agụvị ịvị anị, ọ sị ẹnẹ ẹ̀ yị tụ ọkụmị.

Ireevi 5:15

Ọza oo nyeeyi, dị ẹ yị sị ịsa ana vị Ẹnẹyịmavara va yọ nị, ọ sị ịvị mẹ. Ọza ọnọọ vaa sị ịdẹba à vị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ọyị sị ụta varẹma yị Ẹnẹyịmavara. Ịsa a sịị̄ ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị.

Ireevi 5:18

Ọ vaa sị ịdẹba à vị ẹvụ ẹnẹ ẹ̀ yị tụ ọkụmị vee tu ohirẹsụ irehi Ohomorihi ọyị mẹ̀ ịsọvọ oyi sí ụta varẹma yọ. Ịsa a sịị ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị. Ohirẹsụ irehi Ohomorihi ọnọọ vaa mẹ̀ ịsọvọ yị ọza ọnọọ agụvị ịvị anị, dị a vagu ọ

Ireevi 6:2

Àa nyị ọza ọnị ọnọhụva anị Anisirẹrị sị ịsa yị tẹ, di o yi dị ẹ yị và a ịrẹma yọ nị, àa vị ka vị o sima a ụvọ dọ ịsa nị, àa vị ọ rẹ va mẹ ọnọhụva ịrẹma ụvọ nị, ọza ọnọọ ọ sị ịvị mẹ̀ hi Ẹnẹyịmavara.

Ireevi 6:8

Ẹnẹyịmavara ộ kà a yị Imosiisi ka

Ireevi 7:16

Ọza ọ̀ọ mẹ̀ ịsọvọ ọ̀yị pe Ohomorihi varẹma mẹ uzee, dị ahịka vị ọ mẹẹ ọ̀ yị sị va mẹ ịsị ọ kà a yị Ohomorihi ka ọnị vaa mẹ nị, àa vị ayị anị sị ọ kẹnẹ dị ọ mẹ nị, ọza ẹ̀ yị rị avaba uye anị ta ịhị ọnọọ ẹ́ yị nyị ọ mẹ ka. Ana àa vọ, a zụ rị ọ ẹnẹnẹ eyinẹhẹ anị.

Ireevi 8:18

Ịjị Imosiisi sị ọsọnị mẹ, dị ọ va sị ịdẹba ana aa sị mẹ̀ ịsọvọ ana a rị ịra vẹ. Dị Eerọnị ọnịrị ezi anị sị ụvọ tụra a ịrẹsụ nị.

Ireevi 8:21

Á mẹ raà nyịna iruvu ịdẹba ọnọọ ọnịrị ahụ anị, dị Imosiisi na rị ana vọ ịra nị. Ịsị ịsọvọ ana a rị ịra aanị vị ịsọyịrị. Agụ anị ô hine Ẹnẹyịmavara.

Ireevi 9:2

dị ọ kà a yị Eerọnị ka, ọ̀ sị ụnọ ọnyara ọnịrị ịdẹba ọnyara, ẹnẹ ẹ̀ yị nyị ịsị aa zị, dị ọ̀ sị mẹ̀ ịsọvọ hi Ẹnẹyịmavara nị. Ụnọ ọnọọ vị ana aa sịị mẹ̀ ịsọvọ ịvị, dị ọ sị ịdẹba ọnọọ mẹ̀ ịsọvọ ana aa rị ịra.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịmarakayị 1:14

Ẹnẹyịmavara kà e yi ve zoza yị ọza ana mẹ ọza rị. Ọza ana nyị ịsụpa araka ozoza ana vọrọ ka ọ sị vaa mẹ̀ ịsọvọ, ama dị ahịka ene divi ọ sị va yị ọnị Ananyị yị nị. Ẹnẹyịmavara Ochẹtẹẹngụ ka ohinọyị ọbanyị ọnị avaba anẹhẹ ee hí angwa anị ọnị vị nị.

Ịrịka 15:3

di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 15:8

Àa sị ụnọ mẹ̀ ịsọvọ anaā rị ịra, a vị ịsọvọ kẹnẹ, a vị ịzẹzẹ, a vị ịsọvọ ẹngwọọrọ,

Ịrịka 19:2

ẹ ka yị Anisirẹrị nịnị ka ẹ za ido ọnẹnị. Ọ kà ẹnịnị ẹ̀ sị imaaru ovivi ọnị ẹ yị nyị ụkụ, dị ọza ẹ yị vịdị sị mẹ̀ ụkọrọ ịnị aarẹ da va yị wa.

Ịrịka 23:19

Ohomorihi ọ yị vị ọzarẹyịrẹsụ. O yi mē cheeche, a vị dị ọ vara ayị anị. Ịsị ọ ka ọọ̄ mẹ̀ nị.

Ịrịka 23:27

Dị Ịbarakị rẹ ka Ịbaraamị ọ vẹ ẹnị ẹ na aha ọsa, ẹyịyara Ohomorihi vee chi hi wa yị ọnị ịzọọ.

Ịrịka 23:3

Dị Ịbaraamị kà yị Ịbarakị ka ọ jẹẹ pe ịsọvọ anị, dị ọnị ọ jẹẹ oboka ọnya, ẹyịyara Ẹnẹyịmavara vaa sị ẹngụ zụ ọnị. Ịsa tụra ịsa ọnị Ẹnẹyịmavara ọ́ kà ọnị vaa ka nị. Dị Ịbaraamị ọnịnya hịrẹ nọ ịrẹsụ ataba nị.

Ịrịka 23:30

Dị Ịbarakị mẹ̀ avaba ịsa ọnị Ịbaraamị ka ọ mẹ nị.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Ịrịka 28:19

Ịhị ọnọọ, ẹnịnị ẹ̀ mẹ̀ ịsọvọ ana aa rị ịra yị Ẹnẹyịmavara. Ẹ sị ụnọ ẹẹva ọnịrị ịdẹba ọnya ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ ọnyọọnyị.

Ịrịka 28:31

Ịsa ịsọvọ ẹnẹnị vị ana a mẹ beri ịsọvọ ana vọ ana aa mẹ ụmẹ tụra ụmẹ. Asị a nyị uye ana a sị mẹ̀ ịsọvọ ana nyị ikụ vụrụ-vụrụ.

Ịrịka 29:13

Mẹ ịsọvọ anaā rịịra. Agụ ịsọvọ ana a rị ịra hine Ẹnẹyịmavara ayị ẹtẹẹtẹrẹ. Avaba ịsụpa ẹnẹ vaa kụ vaa mẹ̀ ịsọvọ vaa uye ịrayị ọnya ene zoza. Ẹ sị ezi ụnọ ẹwụrẹta, ịdẹba ẹẹva ọnịrị ezi atẹmẹ ẹwụrẹna vẹ.

Ịrịka 29:2

Ọ kà ẹnịnị ẹ sị ozi ụnọ ọnya ọnịrị ịdẹba ọnya ne beri ozi atẹmẹ ịrayị ọnya ịhịmba mẹ̀ ịsọvọ ana aa rị ịra ọnị agụ anị vee hine Ẹnẹyịmavara. Avaba uye ẹnẹnị ẹ vị uye ẹnẹ ẹ yị nyị ụkụ.

Iruuku 1:35

Dị anggẹẹrị ọnọọ kà a yọ ka, “Ụhwẹ Ọnịnị vaa vàa kú wu, dị ụkata Ohomorihi và kú wu, agụvị avọọ ozi ọnị ụ vaa ma avọọ, ọnịnị a vaa hị́ ọ nị, Ozi Ohomorihi a rẹ vaa hị́ ọ nị.

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Ịjọọnụ 10:7

Dị Ijeesu va kà a yị wa ka, “Ịzẹyịza m maa kà a wụ nị, ẹmị ọnọnị ọ vị oze irehi atẹmẹ nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

2 Anịkọrịntị 9:7

Ịsa ọzọza òo ro tụ́ ịnị ayị, ọ̀ vavọọ sị ọọ vẹ! Agụvị ka ọza ana sị ayohine sị ịsa vẹ Óhomorihiī sì ịrẹyị anị nị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Anẹhwẹsọsị 5:27

Ộ vavọọ mẹ, agụvị anịragụ anị ò nyengu zoza nịkị-nịkị, dị asị ọ rẹ nyị ịdọtị ikonya. Ịjọnọọ dị ọ va sị ọọ yị ẹngụ anị ọgọnị.

Iwe Ọhụhị Imosiisi ana aa hị́ Ọyịvatụrọda 12:27

Yà ịzọọ mẹ̀ ịsọvọ ana a vaa rị ịra bemi-bemi ịrẹsụ ụta ịsọvọ Ẹnẹyịmavara. Ama anya ịsa ịsọvọ ana vọ vị ọnị ụ vaa vàa hi ẹtẹ akaha ụta ịsọvọ Ẹnẹyịmavara Ohomorihi awụ. Wa zụ rị uye anị.

Iwe Ọhụhị Imosiisi ana aa hị́ Ọyịvatụrọda 15:21

Ama àa nyị ịsụpa ene che ahụ, a vị dị o gu eyi nị, a vị dị a nyị ịsa ọsa ana mẹ̀ ẹ nị, asị ẹ sị ẹngụ ịsụpa ẹnẹẹ mẹ̀ ịsọvọ yị Ẹnẹyịmavara Ohomorihi

Iwe Ọhụhị Imosiisi ana aa hị́ Ọyịvatụrọda 17:1

Wàa mẹ̀ ịsọvọ, asị ụ sị imaaru a vị atẹmẹ ana nyị ẹngụkata na mẹ̀ ịsọvọ yị Ẹnẹyịmavara ana vị Ohomorihi awụ nịnị. Ọọ̀ nyị ịhyẹrẹ ẹngụ ịsa ịsọvọ ẹnẹẹ.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.