Ireevi 1:2 - IWE ỌNỊNỊ

² Ọ kà Imosiisi ọ̀ kà a yị Anisirẹrị nịnị ka, ọza ọnyọọnyị aa sị ịsụpa vaa yị ọnị, ọ̀ sị ọ hụụnị ịnị ịsụpa ana aa pa, ọ̀ọ vị imaaru, ọ̀ọ vị atẹmẹ à vị ẹvụ.

Ireevi 1:2 ပူးပေါင်းရင်းမြစ်များ

Oyinyima 4:3

Ẹkụhị ọnya di Ikeeni sị ịsa ịnị aarẹ anị ka ọnị ọ̀ sị na mẹ̀ ịsọvọ yị Ẹnẹyịmavara nị.

Oyinyima 4:5

Ama ebira Ikeeni ọnịrị ịsọvọ ọnị ọ mẹ e yi zee Ohomorihi eyi. Agụvị avọọ dị ayị Ikeeni aa dà ọ̀va, dị ọ sụ́ eyi anị nganganga nị.

1 Ịtọpa 16:29

Wàa wụ́ ịrẹha Ẹnẹyịmavara, waa sị ụbanyị ana vọrọ tụra a yọ nịnị. Sị ịsa va mẹ̀ ẹ ẹyịza ịnị ohweje anị nịnị. Tana tụra ẹtẹ dị waa kụ́ Ẹnẹyịmavara nịnị anka ọ mẹmẹ nyị ụbanyị.

Ẹzịra 3:5

Ịrẹma ịsọvọ ẹnịnị, dị ẹ rẹ yaa mẹ̀ ịsọvọ eyinị-eyinị ọnịrị ịsọvọ ụhwẹ ọwọọwa neberi ịsọvọ eche ịrayị-ịrayị yi Ẹnẹyịmavara nị. Dị ẹ rẹ yaa mẹ̀ ịsọvọ ọnị ọzọza ụvọta anị sị ayị anị sị hẹkẹ Ẹnẹyịmavara nị.

Ọyịkụra 20:24

Tụ ụvụ dụ wa sị jị ụta mị nịnị. Ẹvụ ọnịrị imaaru ọnị ụ wàa sị va mẹ̀ ịsọvọ ana aā rị ịra, dụụ rị ọ ịra ịrẹsụ ụta ọnọọ nịnị. Wàa raa mẹ̀ ịsọvọ ene e duduū rị, ịrẹsụ ụta ọnọọ ụ rẹ vaa yàa mẹ̀ ẹ mị nịnị nị. Ịzị màa nyị ka wa yàa hẹkẹ mị nịnị, ịzọọ mị vaa yàa mẹ ka ò zee wu nịnị nị.

Ịrịka 15:3

di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 5:15

dị ọ̀ sị ọ vee tu ohirẹsụ irehi Ohomorihi. Dị ọ sị ibaari ana kwọ orogo ẹẹva dị asị a sị angwẹ hura a, dị asị ọ rẹ nyị eturare agụvị ka ịsa ịsọvọ ọnị ọva anị mẹ agụvị ka aa kụ ụhị ka ọnị ọ yẹ ịzẹyịza ose anị yọ nị.

Ịrịka 7:15

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Ịmaakị 7:11

Ama ẹwụ nịnị ka: Ọza ọ̀ọ kà a yị ada anị, àa vị ọnyị anị ka: ‘Ikobani yọ nị’, ọnọọ vị ka ịsa ana vọrọ ka ma yaanị sị mẹ ọgụvọ wụ, maa sị naa yị Ohomorihi;

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Aniroomi 12:6

Anka Óhomorihi mẹmẹ nyị ọzịnya-ọzịnya ayị iyi, dị ọ sị ụkata yị, avọọ a mẹ̀ vọrọ ka yaa sị ụkata ọnọọ mẹ̀ ụkọrọ nị. Ohomorihi ọ̀ọ sị ụkata yị ka ya vị ọnịsẹ, áa vọrọ ka yaa kà ịsẹ ọnọọ, anka ịzị Ohomorihi mẹ̀ ka ya dọ wụ́ ne tù.

Anẹhwẹsọsị 5:2

Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.