Ireevi 1:14 - IWE ỌNỊNỊ

¹⁴ Àa vị inomi ọza ka ọnị aa sị vaa mẹ̀ ịsọvọ hị́ Ohomorihi nị, ọ̀ sị arivadi avị ozi arekuku.

Ireevi 1:14 ပူးပေါင်းရင်းမြစ်များ

Oyinyima 15:9

Di Ohomorihi kà a yị Abụramị dị ọ ka: Ọ̀ Sị imaaru ọnya ana vị ịrayị ẹẹta, ọnịrị ọnyị ẹvụ ana vị ịrayị ẹẹta ne beri ịdẹba ịrayị ẹẹta ọnịrị arekuku beri ozi arekuku dị ọ̀ kụ́ ọ va yị ọnị.

Ireevi 12:8

Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.

Ireevi 5:10

Ohirẹsụ irehi Ohomorihi vaa sị ọhụva mẹ̀ ịsọvọ ana a rị ịra anka a mẹ mẹ ọda anị. Aanị ọ mẹ vaa mẹ̀ ịsọvọ agụvị ịvị ọnị ọza ọnọọ mẹ dị a vagu ọ nị.

Ireevi 5:11

Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Imatiwu 11:29

Navọ maa zụ̀ wụ nịnị oze, dị ma rẹẹ zụ̀ wụ nịnị ịsa; agụvị ka miī ro o yị ọza, dị mị rẹ nyị ayohunẹnẹ nị. Ịjọnọọ ayị awụ nịnị vaa nyị ụhwọtụ.

Imatiwu 21:12

Ijeesu ộ ngụ ini irehi Ohomorihi, dị aa dụ aza ana aa sẹ ohu ini irehi Ohomorihi ọnọọ nị. Dị ọ và iteevuru ọza anaā vara ẹkẹhị nịnị angga nị, ọnịrị aga aza anaā ná arekuku nịnị.

Iruuku 2:24

Ẹ rẹ na ka ẹnị ẹ̀ na sị arekuku ẹẹva, àa vị ezi arivadi ẹẹva, dị ẹnị ẹ̀ sị mẹ̀ ịsọvọ, anka ọ́da Ohomorihi mẹ̀ rẹ kà a.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.