Ireevi 1:13 - IWE ỌNỊNỊ

¹³ Ọza ana va mẹ̀ ịsọvọ aanị vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi va sị ịsị ịsọvọ ọnọọ nọ ọvịdị Ẹnẹyịmavara. Ịrẹma anị dị ọ va rị ọ ịra ịrẹsụ ụta ịsọvọ. Agụ ịsị ịsọvọ ọnọnị vị eneē hine Ẹnẹyịmavara.

Ireevi 1:13 ပူးပေါင်းရင်းမြစ်များ

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

2 Ịtọpa 4:6

Dị Isoromọnị rẹ mẹ ẹnyochiruvọ ẹẹwụ, dị ọ sị ẹẹhị tụ́ eyi ụvọha, dị ẹẹhị ọsa ya eyi ụvọrị nị. Ịnị ẹnya ẹnẹnị aa nyịna ịsa ịsọvọ ana a rị ịra nị. Ohirẹsụ irehi Ohomorihi nịnị kẹnẹ aa nyịna ẹngụ ịnị uruku enyi ọbanyị nị.

Ezikẹẹrị 40:38

Ịnị ohweje ana ya ẹhẹ, â nyị irehi oweyi ana á dà vaka aku ana ya enoze, oze ọbanyị ana ya eyi ẹbẹẹba. Ộ nyị oze na ngụ ịnị aku ana á dà tu enoze aanị. Aku ọnọọ vị ana và eyi ka ohweje. Ịzọọ á yaa nyịna uye ana a sị va mẹ̀ ịsọvọ aa si ọ wụ nị.

Ireevi 1:9

Ọza ọnọọ vaa nyịna ẹnya ịnịnẹ uye ọnọọ ọnịrị ahụ anị, dị ohirẹsụ irehi Ohomorihi anaa mẹ̀ ụkọrọ ịzọọ rị avaba ịsị ịsọvọ ọnọọ ịra ịrẹsụ ụta. Agụ ịsa ịsọvọ ọnọnị vị eneē hine Ẹnẹyịmavara.

Ireevi 2:11

Asị a nyị ịbụrẹdị ana a sị a vaa yị Ẹnẹyịmavara, dị a sị owu tụ ọ. Wẹ yị nyayịnẹ sị owu avị ẹhụ tụ ịnị ịsọyịrị ana aa sị va yị Ẹnẹyịmavara; ka ẹ́ yị nyị ịsa ana a sị owu à vị ẹhụ tụ ana aa rị ịra yị Ẹnẹyịmavara.

Ireevi 2:2

dị ọ sị ọ ve tu ezi Eerọnị nịnị ana vị ohirẹsụ irehi Ohomorihi, ohirẹsụ irehi Ohomorihi anaa mẹ̀ ụkọrọ ụmẹ ọnọọ vaa ká ayị ọyịkwọ ọnịrị angwẹ ọnọọ uvoku ọnya beri avaba eturare ọnọọ, dị ọ rị wa ịra ịrẹsụ ụta ịsọvọ. Ọnọọ vaa sịị zụ̀ ka avaba anị asị va yị Ẹnẹyịmavara nị. Agụ ịsị ịsọvọ ọnọnị vị eneē hine Ẹnẹyịmavara.

Ireevi 3:5

Ohirẹsụ irehi Ohomorihi nịnị vaa sị avaba ọsọnị ọnịrị ịsị ịsọvọ ana aā rị ịra, dị ọ rị wa ịra ịrẹsụ ụta Agụ ịsị ịsọvọ ọnọnị vị eneē hine Ẹnẹyịmavara.

Ireevi 4:31

Ọ vaa kụ avaba ụhị ịsụpa ọnọọ anka a mẹ kụ ụhị ịsụpa ana a sị vaa mẹ̀ ịsọvọ ọ yị pe Ohomorihi mẹ uzee avọọ. Ohirẹsụ irehi Ohomorihi vaa rị ọ ịra ịrẹsụ ụta ịsọvọ dị ọọ dà agụ ohine hi Ẹnẹyịmavara. Aanị ohirẹsụ irehi Ohomorihi mẹ vaa mẹ̀ ịsọvọ yị ọza ọnọọ, dị aa vagu ịvị anị yọ nị.

Ireevi 6:14

Ọda ana a vaa sị mẹ̀ ịsọvọ ịsọyịrị yị. Ezi Eerọnị nịnị ana vị ohirẹsụ irehi Ohomorihi ẹ vaa sị ọ vẹ ọvịdị Ẹnẹyịmavara ịrẹsụ ụta ịsọvọ nị.

Ireevi 8:21

Á mẹ raà nyịna iruvu ịdẹba ọnọọ ọnịrị ahụ anị, dị Imosiisi na rị ana vọ ịra nị. Ịsị ịsọvọ ana a rị ịra aanị vị ịsọyịrị. Agụ anị ô hine Ẹnẹyịmavara.

Ịrịka 15:3

di e si ka ẹnị ẹ mẹ̀ ịsọvọ ene vee hine ọnị ayị nị, ẹ sị uye ịsọvọ ọnọọ hụụnị ịsụpa ẹnịnị. Ọ daka vị ịsọvọ tụra ịsọvọ ana aā rị ịra, ọ vị ịzẹzẹ, a vị ịsọvọ ayohine, a vị ịsọvọ ana aā mẹ ịnị eche irenyi-irenyi ana aā rị ịrayị-ịrayị.

Ịrịka 15:4

Ọza anaa sị ẹngụ ịsọvọ ẹnẹẹ vaa yị Ẹnẹyịmavara, ọ sị ayị ikirogirami ọnya vahụra angwẹ orivi vẹ.

Ịrịka 28:11

Ama ịnị ẹkụhị ịpaapa ịnị ụhwẹ, Ẹnẹyịmavara kà a Anisirẹrị nịnị ẹ̀ sị ozi ụnọ ẹẹva ọnịrị ịdẹba ọnya, ne beri ozi atẹmẹ ịrayị ọnya ịhịmba ẹnẹ ẹ yị nyị ụkụ.

Ịrịka 28:8

Ozi atẹmẹ ọhụva ọnịrị ayị ana a kwọ beri eche vị ana a raà rị ịra mẹ̀ ịsọvọ oruva. Agụ areyi oō hine Ẹnẹyịmavara ayị.

Iwe Ọhụhị Imosiisi ana aa hị́ Ọyịvatụrọda 12:27

Yà ịzọọ mẹ̀ ịsọvọ ana a vaa rị ịra bemi-bemi ịrẹsụ ụta ịsọvọ Ẹnẹyịmavara. Ama anya ịsa ịsọvọ ana vọ vị ọnị ụ vaa vàa hi ẹtẹ akaha ụta ịsọvọ Ẹnẹyịmavara Ohomorihi awụ. Wa zụ rị uye anị.