Inehemaya 7:2 - IWE ỌNỊNỊ

² Mâ sị Ihanani ọyịnyara amị ọnịrị Ịhananịya ana vị ọga aza eneē sere aha ọyịtẹ̀ ka ẹ̀ sị eyi pè Ijerusarẹmị. Ịhananịya ô hí angwa Ohomorihi huu aza na vọ, dị ọ vị ọza ana wụra sị ayị tụra nị.

Inehemaya 7:2 ပူးပေါင်းရင်းမြစ်များ

Oyinyima 42:18

Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.

2 Ịsamụwẹrị 23:3

Ohomorihi Anisirẹrị ọ sị ịrẹyị kà, Ọza ene ee sere Anisirẹrị ọ sị ịrẹyị kà yị ẹmị. Ọ kà ọza ana sị ịzẹyịza dị ọ yàa sịị̄ mẹ ịjọva tụra ọza. Aza ana yaā mẹ ịjọva, dị ẹnịnị nyị angwahi Ohomorihi,

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

1 Ohinọyị 18:3

Di Ahabị va tụ́ na hị́ Ọbadaya ana sị eyi pè irehi ohinọyị nị. Ọbadaya ọnọọ ọnị ộ nyị angwahi Ẹnẹyịmavara ẹtẹẹtẹrẹ.

Inehemaya 1:2

Ịnị ụmẹ ọnọọ, Ihanani ọnya ịnị ẹyịnyara Inehemaya ọnịrị anọrụ ẹnyị ệ hụrẹ Ijuda ve hee yi. Dị ọ họ̀ wa use Ijerusarẹmị ọnịrị anda ẹnịnị ana varẹma hụrị Ịbabịrọnị nọ eehi nị.

Inehemaya 10:23

Ihoseya, Ịhananịya, Ihasubi,

Inehemaya 13:13

Dị mị nyị aza ẹnị ẹẹta ana nyị ịzẹyịza ka ẹ̀ a sị eyi pe ịsa ana kụ vẹ ịnị irehi Ohomorihi aanị nị, dị ẹẹ ga ịsa ene tu ọzọzaa yị wa nị. Aza ọnị mị vavọọ nyị ẹ vị Iseremaya, ohirẹsụ irehi Ohomorihi ọnịrị Ịzadọkị ana aā zụ̀ aza ọda Imosiisi, ọnịrị Ipedaya ana vị Anireevi nị. Mâ sị Ihanani, ozi Izaku dị ọ vị aazị Imataniya ka ọọ gụ wa ụvọ.

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 7:3

Mâ kà yị wa ka e gu oze ọbanyị Ijerusarẹmị, dị ẹ sị ẹza chire. Asị ẹ na oze pooro, dị ọyị ọ̀ hụrẹ. Ma rẹ kà yị wa ka ẹ̀ nyị oserẹtẹ hụụnị aza ana ra Ijerusarẹmị; ọ̀ kụ aza ẹnyị na jẹẹ aha ẹnyị dị ẹnị ana vọ ee okokooro ẹnịnị.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ahẹ Ụgama 101:6

Aza ana àa mẹ ịzẹyịza ịnị ẹtẹ ọnọọ vị ọnị mị vaa jị ụvọọ yị. Ẹnị ẹnẹẹ ẹnẹ ẹ̀ yị mā mẹ̀ ebira akụvị ẹ vaa yà ịda amị dị ẹ yaa zị mị ụtụ nị.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ịdanịyẹrị 6:4

Ịjọnọọ, dị ẹnị ana a ka è si eyi pe Ịgọvọnọ nịnị ne beri Ịgọvọnọ ẹnẹnị ee si iruvo Ịdanịyẹrị nị. E yee sì ịrẹyị ene e ve sii du ọ ka ẹ yị mẹ̀ ụkọrọ ẹtẹẹrẹ. Ama ẹnịnị e yi re ịsa sị ụvọ za, agụvị ka Ịdanịyẹrị vị anaa sị ịzẹyịzaa mẹ̀ ụkọrọ anị.

Ịrịka 12:7

Ama oze irenyi ọnịrị Imosiisi aa zị mẹ ụna nị. Imosiisi ọnị sị avaba irehi anị chire ụvọ nị.

Imatiwu 24:45

Ẹnẹ vị ozi ahụ ọnịrẹyịzẹyịza ana yẹ ịrẹyị, ọnị ọga anị vaa sị ezi ahụ ana vọ chire ụvọ ka ọ̀ọ sị ịsọyịrịị yị wa ịnị ụmẹ ana vọrọ?

Imatiwu 25:21

Dị ọga anị ka: ‘Akọrọ! Ozi ahụ obooro ana nyị ịzẹyịza ụ vị nị. Agụvị ka wâ nyị ịzẹyịza tụ́ ịnị ịsa oweyi, mị vaa sị wụụ mẹ ọga ịsa ọrụrụ-ọrụrụ. Wa vẹ, ẹwụrị ọga awụ ò duduu jẹ!’

1 Anịkọrịntị 4:2

Àa sị ịsa chire ọza ụvọ, eē sì ka ọza ọnọọ ọ̀ọ mẹ ịzẹyịzaa tụ́ ịnị anị.

2 Itimoti 2:2

Wâ wụ́ ịrẹyị ọnị mị raà sị zụ̀ aza eyi aza ọrụrụ-ọrụrụ. Ẹ̀wà rẹ sị ịrẹyị ọnọọ, dị u we si chire aza ana á zụ sị ayị tụra ụvọ, dị ẹ́ rẹ yẹ, a mẹ̀ vọrọ ka ẹ̀ sịị zụ̀ aza ẹnẹsa.