Inehemaya 4:2 - IWE ỌNỊNỊ

² Ộ ya eyi ọta anị nịnị ọnịrị ọga isoja Anịsamarịya nịnị aa kụ Aniju nịnị ụhụ. Dị ọ ka, sị Aniju ọkụmị-ọkụmị ẹnẹnị ro ka ẹnị aa mẹ kẹ? Vị ẹnịnị wee sì ka ẹnị ẹ̀ tụra ọvọ ẹkụra ọnọọ nị? Vị ẹnịnị wéé ro ka ẹnị ẹ̀ẹ mẹ̀ ịsọvọ ẹnị ẹ zụ mẹ̀ ụkọrọ ọnọọ ta ẹkụhị ọnya nị? Vị ẹnịnị wéé ro ka ẹnị ẹ zụ kụ ịrẹta hụụnị eburu ọnọnị dị ẹnị varẹma sị tụra ọvọ ọnọọ nị?

Inehemaya 4:2 ပူးပေါင်းရင်းမြစ်များ

Ẹzịra 4:4

Dị aza ana ra ịzọọ sị ka wa ụhwẹ, dị ẹyaa chire wa angwa ka ẹ za ụkọrọ ọnọọ jẹẹ nị.

Inehemaya 12:27

Ịnị ụmẹ ọnị a sị sị ọvọ Ijerusarẹmị chire Ohomorihi ụvọ, â hị́ Anireevi nịnị hụrẹ avaba ẹtẹ Ijuda vẹ Ijerusarẹmị va mẹ ọgụvọ. Ẹnịnị ê ve beri wa jẹ ịrajẹ, dị ẹ jị ahẹ, di e hu ịchacha, Igita, okokoro ọnịrị ẹnya isohu ana vọ kụ́ Ohomorihi avọ nị.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Inehemaya 4:10

Ịjọnọọ dị Anijuda nịnị a rị uhuhu ka ọ sị ngụ anụkọrọ ẹngụ nị. Ẹchaka ọvọ ene wu ọ sị dẹngụ yị ẹnị ọyị kụ. Ẹnị mẹmẹ zụ tụra ọvọ ta ịhyọnịhyọnọọ?

Inehemaya 6:15

Ẹkụhị ẹvarẹwụ tụra ẹẹva a sị tụra ọvọ ọnọọ, dị ụkọrọ ta ịhị ẹ tụ ọ ẹkụhị ohurẹẹhị ịnị ụhwẹ ana aā hị́ Eruri nị.

Ahẹ Ụgama 83:4

Ẹ ka à vẹ dị ẹnị ẹ̀ wụ̀ wa va ha, di asị a kụkụ tamayị ka Anisirẹrị ẹnị rẹ yà ịnị anẹkụra ene hi ẹhẹ.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 33:24

Ọnị ọ́ọ́ si ụtọ pe ẹtẹ dị ọnị ọ wụ̀ aza maa kà a ka Ẹnẹyịmavara o re yị Anisirẹrị ọnịrị Anijuda, ovwoovu ẹyịva ọnị ọ nyị tịtẹ? Agụvị avọọ dị ẹ kụkụ aa sị eyii wụ̀ wa dị ẹnịnị sị eyi ẹkụra ọyịvụrụ rẹ wa nị.

Ịdanịyẹrị 9:25

Ộ ka agụvị avọọ ọnị ọ yẹ́ ọsọnị ọ vaa mẹ ịrayị ẹtarẹwụ oze ịhịmba hụrị ụmẹ ọnị Ohomorihi sị mẹ ọda ka ene tenyi Ijerusarẹmị dà aanị pooro ne tu ka ọdọvịdị ọnị Ohomorihi nyị ọ vẹ. A vaa sị ịrayị ẹbẹẹta tụra ẹẹva oze ịhịmba tenyi Ijerusarẹmị dà. Dị aa tu oze hi ọ, dị a rẹ jị ọvọ kara a. Ama aza Ohomorihi vaa rị ụya o.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ịzakaraya 4:10

Aza ana si eyi wụ̀ ịsị e nyima kiiki vaa jẹ ịjị ee re ka Izerubabẹrị aa da irehi ọnọọ na tụ́ ọvịdị. Anggẹẹrị kà ịhịmba ọnọọ vị eyi Ẹnẹyịmavara ene re avaba ịsa ene hi ini ẹhẹ.

1 Anịkọrịntị 1:27

Ohomorihi ọ raà nyị ịsị anẹhẹ ro ka ịyẹyẹ ọ vị nị, ka ọnị ọ̀ sị mẹ̀ ụhị nyị ọyẹrẹyị nịnị. Ọ rẹ nyị ịsị anẹhẹ ro ka ẹyị nyị ụkata ka ọnị ọ̀ rẹ sị mẹ̀ ụhị nyị ọnụkata nịnị.