Inehemaya 1:3 - IWE ỌNỊNỊ

³ Ẹnịnị ệ tụ Inehemaya ohi ka aza ana vọ tụ eehi vị ana ya ịnị akanya obobooro. Ẹnịnị vị ana ya ịnị ẹngụkata, dị anẹhẹ ana vọ ee nyi wa unyi. Ẹ ka ọvọ ana a jị kara Ijerusarẹmị e ku wu, dị avaba oze ọbanyị Ijerusarẹmị kụ́ rị ịra nị.

Inehemaya 1:3 ပူးပေါင်းရင်းမြစ်များ

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

2 Ohinọyị 25:10

Avaba isoja Anikaridi ana ya iruvo ọda ọga isoja ene sere ẹtẹ ẹ chaka ọvọ ana kara Ijerusarẹmị ha nị.

2 Ịtọpa 36:19

Ịjị ọ raà kụ́ ẹnya ẹnẹẹ, dị ẹ rị irehi Ohomorihi ịra nị, di e wu ọvọ Ijerusarẹmị, dị ẹ rị irehi ohinọyị ịra, di e du avaba ẹnya ọkatarihi ha nị.

Ẹzịra 2:1

Ịnị ụmẹ ọnị Inebukadineza sị vị ohinọyị Ịbabịrọnị, ộ kụ ịrẹkụ na rị Ijerusarẹmị ọnịrị ẹkụra ene hi ẹtẹ Ijuda, dị ọ kụ aza huu ịzọọ ne hi ẹtẹ Ịbabịrọnị nị. Ezi aza ẹnẹẹ ẹ varẹma ve eehi ohiku ẹnịnị aanị nị.

Ẹzịra 5:8

Taarụ, Ẹnị ệ nọ Ijuda ịzị a yà aa da irehi Ohomorihi ọbanyị. Aniju nịnị ệ kụ ịrẹta ẹbanyị-ẹbanyị aa tụra irehi ọnọọ, dị ẹ kụ ọchị ẹbanyị-ẹbanyị tụra ọvọ anị nị. Ẹ́nịnị nyayịnẹ kụ ẹngụ hi ọ, dị ụsẹ aa hụ wa ịra ẹtẹẹtẹrẹ nị.

Inehemaya 11:3

Ịnị ẹkụra-ẹkụra ẹbanyị-ẹbanyị ana vọ, Anisirẹrị nịnị, ohirẹsụ irehi Ohomorihi nịnị, Anireevi nịnị ọnịrị Anụkọrọ irehi neberi ezi ẹnị ezi ahụ Isoromọnị vị ana ra óbooro ẹnịnị ịnị ẹkụra ẹnịnị. Ịrẹha ẹnị ọdọvịdị ẹkụra nịnị ana ra Ijerusarẹmị yị:

Inehemaya 2:13

Ịrahụ ọnọọ, o ne re ọvọ ene e wu ọnịrị ukere oze ana ngụ ẹkụra nịnị ana a rị ịra. Ẹnịnị ệ zị oze ọbanyị inozi ngụ ịnị oswe ana aā hị́ agụgụ, dị ẹ hụrẹ ịzọọ na ngụ oze ọbanyị ọsa ana va eyi ka ututu.

Inehemaya 2:17

Ịrẹma ụsẹ ọnị ọ zị aanị, ọ vaa kà ịrẹyị yị wa nị. Ọ kà ẹnịnị é re akanya ene tu ẹnị aanị. Ijerusarẹmị ẹkụra ẹnịnị ọ sị vara eburu, dị ukere oze ẹkụra nịnị kụ rị ịra nị. Dị ọ hị́ wa ka ẹ kwẹẹtẹ, dị e tenyi ọvọ ene wu aanị tụra, dị ẹnị ẹ hụụnị ụhị.

Inehemaya 2:3

Dị Inehemaya kà, “taarụ! U vee ku orubo ọcha, orubo ẹya”. Ọ kà, sị ẹ vị ayohine anị ịrẹma ọnị ẹkụra ene e ne ohiku ẹnịnị tụ sị vara eburu, dị ukere oze ana na ngụ ẹkụra kụ rị ịra va ha.

Inehemaya 7:6

Aza ẹnẹnị ẹ vị ezi ẹtẹ ana hụrẹ Ịbabịrọnị vẹ eehi nị. Inebukadineza ohinọyị Ịbabịrọnị ọ vịdị za wa ọrịhị nọ ịzọọ nị.

Ẹsịta 1:1

 nyị ụmẹ ọnya aanị ọnị ọnụra ana aā hị́ Ahasẹrọsị sị vị ohinọyị ẹtẹ Indiya huu na ngụ ẹtẹ Etiyopiya ana aa rẹ hị́ Ikusi. Ịrayị ẹchẹhịnọnyị tụra ịhịmba ọ mẹ ịjọva tụra ẹkụra ẹnịnị ịrẹsụ nị.

Ahẹ Ụgama 79:4

Anokokooro ayị ana ra kara yị vị ana kụkụ aa sị yịị mẹ̀ isiya, di e yee nyị yi unyi.

Ụhịrẹyị 25:28

Ọza ọ̀ọ ya dị ọ̀yị ma zụ sị ụvọ za ẹngụ anị nị, vị ọza ọnọọ sị mẹ anka ẹkụra ọnị ọza ọ̀ yị jị ọvọ kara, dị ọ tịtẹ chaha avọọ nị.

Ayịsaya 43:28

Agụvị avọọ mị mẹ̀ ụhị nyị ohirẹsụ irehi Ohomorihi awụ nịnị nị. Mâ mẹ ka è vu Isirẹrị ẹtẹ, dị aa kụ̀ Anisirẹrị nịnị ụhụ.

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ijeremaya 24:9

Ọ kà ọnị vaa kụ ẹngụkata odivi tù wa ana vaa mẹ angwaa hi anẹhẹ. Ọ kà aza vị ana vaa sị wa mẹ enyinyi, dị aa sị ịrẹyị ẹnịnị mẹ̀ isiya, dị a raa kụ wa ụhụ. Aha tụra aha ọnị ọnị ọọ dụ wa ne hi vị ana a vaa sị ịrẹha ẹnịnịị chii hi aza.

Ijeremaya 29:18

Ọ kà ọnị vaa kụ́ ịrẹkụ ụngwẹ ọnịrị ụkụụ tù wa dị ọnị sị dụ wa. Avaba anẹkụra ene hi ẹhẹ vee re wa dị ayị aa hụrẹ wa ịnẹ. Ịsị ẹ mẹ tù wa vaa za azaa zizi, dị angwa ee hi wa aha tụra aha ọnị ọnị ọọ dụ wa ne hi. Aza vị ana vaa sị wa mẹ ịyẹyẹ, dị ẹ kụkụ aa sị ịrẹha ẹnịnị tụ ozirenuu hi aza.

Ijeremaya 39:8

Anibabironi nịnị ệ rị irehi ohinọyị Ijuda ọnịrị irehi aza ana vọ ịra, dị ẹnịnị wú ọvọ ana jị kara Ijerusarẹmị và hi ẹtẹ nị.

Ijeremaya 42:18

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ayị mẹ kụ ọnị tu Anijerusarẹmị nịnị avọọ, avọọ ayị mẹ rẹ vaa kụ ọnị tu wu nịnị wàa nọ Ijipiti nịnị nị. Ọza enee ré wu nịnị, vị ana angwa vee hí; Aza vị anaa vànaa sị wụ nịnị mẹ ịyẹyẹ, dị we yi me vene re ẹkụra ọnọnị nịnị.

Ijeremaya 5:10

Ọ kà ọnị vaa tụ́ ọnịvị nịnị ka ẹ̀ na má ọchị ịvayịnị aza anị va ha; ama ẹnịnị ẹ yị vee vu wa ẹtẹ bemi-bemi. Ọ kà ọnị vaa kà a yị wa ka ẹ̀ na avọ́ ọchị ẹnịnị ha, agụvị ka ẹ yị vị ọnị ọ nyị avọ ẹnẹ.

Ijeremaya 52:14

Dị isoja ọnị ọ́ kụ́ na wú ọvọ ana jị kara Ijerusarẹmị và ha nị.

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Arụwẹ 2:9

Avaba ozovwoovu ana aā zịị ngụ Ijerusarẹmị vị ene e wu, dị ezi wu ku wa za ẹtẹ. Ọvọrịvọ ene eē sii chere wa vị ana a chaka rugurugu va ha. Á sị ohinọyị ọnịrị ẹnị ọdọvịdị ẹnịnị dụ ne hi ẹkụra ọsa. Ẹ yị kụkụ nyị ọza ana aa zụ ọda Ohomorihi yị aza. Ẹnẹyịmavara ẹ yị kụkụ tụ ọnịsẹ Anị ụtụ hi aza.

Arụwẹ 3:61

Ẹnẹyịmavara ộ wụ́ ụhụ ọnị ẹ yaa kụ mị, dị ọ yẹ avaba eyọgẹ odivi ọnị ẹ hụ vị amị aa gẹ nị.

Arụwẹ 5:1

Ẹnẹyịmavara kwogwo asị ụ hi ayị ịsị e tu ẹnị aanị. Navọ wạ kana eyi dị we re ụhị ana a mẹ̀ nyị yị aanị o.

Ireevi 26:31

avọọ, ọnị vaa jị ẹkụra ẹnịnị eburu, dị ọnị gara ịzị ẹyaa mẹ ahẹkẹẹ ha. Ọnị ẹ́ yị kụkụ vaa dọ ịsọvọ ẹnịnị.

Ireevi 26:33

Ọ kà ọnị vaa kụ ịrẹkụ vee tù wa, dị ọnị gara wa ne hi ẹtẹ anẹkụra ọsa nịnị. Ẹtẹ ẹnịnị vaa tụ́ osusu, dị ẹkụra ẹnịnị jị eburu.