Imika 7:8 - IWE ỌNỊNỊ

⁸ Ọnịvị ayị asị u rè nyinyi ka vị ẹyị sị hyẹdụ nị Yàa hyẹdụ ẹ yaa yẹ ka ị vaa kwẹẹtẹ. Ịnị ịrahụ ị ya booro nị. Ama Ẹnẹyịmavara vaa sị ẹtohweyi yị yị.

Imika 7:8 ပူးပေါင်းရင်းမြစ်များ

Ijoovu 31:29

Mẹ ma jẹ agụvị ka ọnịvị amị nịnị aa rị ụya, ịrẹyị odivi òo tu wa, ayị amị o yi hine.

Ahẹ Ụgama 112:4

Ẹtẹ ọ̀ọ daka hozi, aza ana nyị ayị ọnya vee re ẹtẹ. Ẹhẹ aza ana aā vayị ọza, dị ẹ nyị ayị ọnya ọyị vaa vara ịrahụ

Ahẹ Ụgama 143:3

Ọnịvị amị aa dụ mị, ọ sị mị gụ hyẹdụ. O si oze gu hi mị tụ́ ịnị ịrahụ anka ọza ene wusu dị ayị anị hi hụrẹ ụmọrụmọ avọọ.

Ahẹ Ụgama 20:8

Aza ẹnẹẹ ene ee woo zị aanị vị ana vaa và angga dị ẹ hyẹdụ ama ẹyị vị ana jẹ nganganga.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ahẹ Ụgama 35:19

Ọnịvị amị ẹnẹẹ vị ana aa kụ́ ayị amị kẹnẹ Ẹ yị nyị m mẹ̀ mẹ wa vụrụ-vụrụ Ohomorihi, aarịhịnị kwogwo asị ụ navọ ka ẹ̀ nyị ẹbẹẹba amị Ẹnịnị ẹ̀ẹ kwẹẹtẹ di e yee kú mị akọnyọ kẹnẹ-kẹnẹ.

Ahẹ Ụgama 37:21

Aza edivi ẹ̀ẹ dọ ọza ịsa rere e mē vene sị ọ varẹma. Ama aza ana aā mẹ̀ ebira ana vọrọ ẹnị vị ana aa mẹ ẹyịza.

Ahẹ Ụgama 37:24

Ẹngụ ọza ọnọọ ọ̀ọ daka tụ́ ahụ, ọ yị vaa hyẹdụ agụvị ka Ẹnẹyịmavara ọ sị ọtụ kà a ịrẹma nị.

Ahẹ Ụgama 38:16

Maa dá ịpẹ ka wa navọ kwogwo asị ụ zẹẹ ka ọnịvị amị è nyị mi unyi ịnị ẹngụkata amị asị ụ zẹẹ ka è re oze jẹ ka ma sị hyẹdụ.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ahẹ Ụgama 97:11

Aza ana mẹ ịzẹyịza dị ẹ nyị ayị ọnya vee re ẹtohweyi, dị ẹ yaa jẹ.

Ayịsaya 2:5

Ẹwụ nịnị ezi Ijekọvụ, vẹ yaa mẹ̀ ebira ẹtohweyi ọnị Ẹnẹyịmavara raà sị zụ̀ yị.

Ayịsaya 49:9

Ọnị rẹ vaa dọ aza ana a mẹ ẹvaya yị ha hụụnị ụya ẹnẹ ẹ yaa rị, dị ẹ nyị ẹngụ ẹnịnị. Dị ọ mẹ ka ẹnịnị ẹ nyị ịsọyịrị ene chi wa ẹngụ. Dị ẹtẹ ọpapara ẹnịnị aa mẹ̀ ịsa yị wa.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ijeremaya 48:27

Ẹwụ nịnị Animowabi, wáá tamayị nịnị ụ́ mẹmẹ mẹ Anisirẹrị nịnị isiya? Dị waa mẹ wa nịnị èee rere za ẹnịrị oyi nịnị avọọ.

Ijeremaya 50:11

Ọ kà, ẹwụ nịnị Anibabironi, waa na kụ aza anị ẹnya nịnị. Waa jẹ dị wee hine ayị nịnị nị. Waa ngwọọ zịịzị nịnị anka ụnọ ana aa sịị chị́ apaapa avọọ, dị wee nowu nịnị anka umaata avọọ nị,

Ijeremaya 8:4

Ẹnẹyịmavara ộ kà a yị Ijeremaya ka ọ̀ kà a yị aza anị ka, aanị ka ọza ọọ hị́ ẹdụ ẹ ma varẹma kwẹẹtẹ? Aanị ka ọza oo nyeeyi, ẹ ma vavẹ eehi?

Ezikẹẹrị 25:6

Ẹnẹyịmavara Ananyị ụkata hu ka, wâ kụ̀rà ụvọ nịnị, dị wee ji iriga nịnị ayị awụ nịnị mee hine agụvị ịrẹyị ene tu Anisirẹrị nịnị nị.

Ezikẹẹrị 35:15

Avaba anẹhẹ vaa jẹ anka ẹwụ nịnị mẹ raa jẹ ẹngụkata odivi me tù aza anị, Anisirẹrị nịnị. Ataba-ataba ene hi ẹtẹ Ịsẹyị ọnịrị avaba ẹtẹ Edomi vaa tu osusu. Ịjọnọọ avaba aza vaa yẹ́ ka ọnị ọ vị Ẹnẹyịmavara nị.

Ezikẹẹrị 36:5

Ẹnẹyịmavara Anahwọ ọ raà sị ọyịkụ-ọyịkụ kà ịrẹyị yị anẹkụra-ẹkụra ana kara Isirẹrị. Anedomi nịnị ayị hyakụ aa kụ ọnịị tùu hu nị. Ẹnịnị ẹ raà sị ẹtẹ anị mẹ ẹẹnịnị, dị ẹ sị ịzị aa kụ ịsụpa naa rị ka ẹnị ẹkụkụ nyị nị. Ẹnịnị vị anaa jẹ dị ẹ́ sị eyi wụ ọnị.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Ọbadaya 1:12

Ẹ́ yị vọrọ ka Anedomi nịnị ẹẹ jẹ ka ịrẹyị odivi o tu wa, a vị dị ayị ẹnịnị oo hine ka Anijuda ee vú ẹtẹ. Ẹ́ yị vọrọ ka ẹnịnị ee wu hi wa ịnị ụmẹ ọnị o si divi yị wa.

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Imatiwu 4:16

Aza ene hi ịnị ịrahụ vee re ẹtohweyi ọbanyị. Etohweyi vee hweyii tụra aza ene hi ịnị ịrahụ ịnị ụvọ isu.”

Ịjọọnụ 16:20

Ịzẹyịza m maa kà a wụ nịnị nị, u vee nowu, di u wee sụ ùnè nịnị, ama dị anẹhẹ ẹnị aa jẹ. Ayị awụ nịnị vee du, ama ayodu awụ nịnị vaa vara ayohine.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

2 Anịkọrịntị 4:9

Aa sị ụyaa rị yị, ama Ohomorihi o yi yi yị tịtẹ. Ịjị ẹnyị e si yi hú ẹtẹ, ama ye yi vu ẹtẹ.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.