Imika 7:7 - IWE ỌNỊNỊ

⁷ Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Imika 7:7 ပူးပေါင်းရင်းမြစ်များ

Oyinyima 49:18

Ẹnẹyịmavara ẹwụ m mee zi ka ọ̀ va dọ mị ha nị.

Ahẹ Ụgama 109:4

Mê sì ịrẹyị ẹnịnị dị ẹ yaa kụ́ ayị amị. Maa mẹ̀ aduwaa yị wa, ama dị ẹ yaa kịị kụ́ mị ịrẹkaa zị.

Ahẹ Ụgama 130:5

Ẹnẹyịmavara mi jẹẹ ezi nị. Maa tụra a eyi, ma sị eyi tụra ịrẹyị anị.

Ahẹ Ụgama 25:5

Navọ waa zụ̀ mi oze dị ma zụụ mẹ̀ ebira ana vị ịzẹyịza ini eyi awụ Wâ yẹ ka ẹwa vị Ohomorihi amị ana dọ mị ha nị Ẹwụ kẹnẹ mị sị ayị tụra pooro nị.

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

Ahẹ Ụgama 38:15

Ẹnẹyịmavara, ẹwụ mị jẹẹ ee zi nọ Ohomorihi ana nyị mị, mâ yẹ ka u vee tụ́ mi ohi.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 65:2

Yâ yẹ ka ụụ̄ wụ́ ịpẹ agụvị avọọ avaba anẹhẹ vaa vẹ vaa dá ịpẹẹ wụ agụvị ịsa odivi ẹnị ẹ mẹ Ịvị ayị òo si chi yị ẹngụ, ụ vaa vagu yị ịnị anị.

Ahẹ Ụgama 85:5

Aanị ụ wáá mẹ kụkụ vị vaa kụ́ ayịị hi yi pooro zịna-zịna nị?

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ayịsaya 17:7

Ịhị ẹkụhị, ọnọọ òo si tù, aza vaa vaa vàa ka Ohomorihi vẹ ka ọ̀ gụ ẹnị ụvọ. Ọnị ọ vị Ohomorihi Anisirẹrị nị. Ọnịnị ọ vị nị. Ọnị ọ tụ́ ẹhẹ nị.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 8:17

Ẹnẹyịmavara ọ yị kụkụ zẹẹ ka aza anị è re ọnị. Ama ẹmị aa jịị jẹẹ zi ọ, dị mị sị sị ayị tụra a.

Arụwẹ 3:24

Ẹnẹyịmavara ọ vị avaba ịsa ọnị ọnị nyị nị, agụvị avọọ ọnị ọnị vaa tụra eyi.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ijowẹrị 1:19

Dị Ijowẹrị na owu na za Ẹnẹyịmavara ka avaba avị ọnịrị ọchị ẹ sị wụ̀ za ẹtẹ anka ọrịra ò rere rị ịsa avọọ.

Ihabaku 2:1

Ihabaku ka ọnị ee nee kú, dị ọnị o zi ịsị ọnị Ẹnẹyịmavara vaa ka yị ọnị, Ịjọnọọ ọnị vaa yẹ a mẹ vọrọ ka ọnị o tu o ohi.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Ịrịka 5:28

Ama ana vị ọnyẹnẹẹ ẹ̀ẹ yị sẹ̀ ịrẹka, dị ọ nị ọ nị, ẹ yị nyị ịsị a mẹ̀ ẹ, dị ọ zụ zyẹẹ dị ọ ma a.