Imika 7:6 - IWE ỌNỊNỊ

⁶ Ezi e yị sị ụbanyị yi ada ọnịrị ọnyị ana ma wa vẹ ẹhẹ Ose ozi ọ sị kwẹẹtẹ tù ọnyị ọva anị ka ọ sị dà ajịnị. Anineehi ọza ọ Ẹ kụkụ vị ọnịvị ọza nị, e.

Imika 7:6 ပူးပေါင်းရင်းမြစ်များ

Oyinyima 49:4

Ama ẹ yị vị ewee kuku vee hu ini ezi emi, agụvị ka wẹ yị jẹẹ aha ọnya anka enyi avọọ. Ẹwụrị onyeehi amị ộ sụ. Wa raà sị ọnọọ du mi ẹngụ.

2 Ịsamụwẹrị 16:11

Di Idevidi va hị́ Abisayi ọnịrị avaba ezi ahụ anị dị ọ ka, “Ozi ọnị mị ma hụụnị ẹngụ amị oni ee sì ka ọnị ọ̀ wụ mi aanị nị. Ana Anịbẹnjamịnị ọnọrụ ọnị va mẹ aa óó divi hu nị? Naavọ nịnị ọ̀ọ kụ̀ mị ụhụ. Ẹnẹyịmavara ọ kà a ka ọ̀ọ kụ̀ mị ụhụ nị.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Ụhịrẹyị 30:11

Aa nyị aza ẹnyị anaā kụ̀ ada ẹnịnị ụhụ. Avọọ ẹ mẹ rẹẹ̀ ka chire ọnyị ẹnịnị nị.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Ayịsaya 3:5

Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.

Ayịsaya 9:19

Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ.

Ijeremaya 12:6

Ẹyịnyara awụ ana vị anda awụ nịnị nyẹmba vị enee vene u. Ệ bẹ tụ ịnị aza ana aa kụụ tu u. Ẹẹ daka èe pe u ka ịrẹyị ohine-ohine, asị ụ sị ayị tụra wa.

Ijeremaya 20:10

Ijeremaya ka ọnị aa wụ́ aza maa kà a chire ẹngụ ụtọ ka: Avaba aha vị ayịhụrịnẹ-ayịhụrịnẹ! avọọ, à jẹẹ ẹnị ẹ̀ sị ịrẹyị anị na tụ ọdọvịdị nịnị ịrẹka. Ọta anị nịnị bẹẹ vị enee zí ka ọnị ọ̀ sẹ ẹdụ. Ẹ ka, ẹyịyara, e vee zuu vene ọnị, dị ẹnị ẹ̀ zá ọnị. Ẹnị ẹ̀ẹ zá ọnị, dị ẹnị họ̀ oponu ịrẹyị ẹngụ ẹnịnị.

Ijeremaya 9:4

Ọzọza ọ sị ụvọ za ẹngụ anị ịnị ụvọ ọta anị o; dị asị a nyị ọza ana sị ayị tụra ọza ka ọnịrị ọ ọọ vị ẹyịnyara. Ka ẹyịnyara vene kuku e vene ẹngụ anka Ijekọvụ avọọ. Dị ọzọza kuku e du ọnọhụva anịị zị nị.

Ezikẹẹrị 22:7

Ẹ́ yị nyị ọza Ijerusarẹmị ana sị ụbanyị ada anị ọnịrị ọnyị anị. Waa mẹ azọga nịnịị rị. Dị waa mẹ ehunaa yị osoku nịnị ọnịrị ezi-oku nị.

Ọbadaya 1:7

Avaba anẹkụra ẹnị ẹwịrị wa vịdị ze vee vene wụ nịnị. Ẹnịnị vaa va ụvọ beri ọnịvị awụ nịnị, dị ẹ dụ wụ jịnẹ hụụnị ẹkụra awụ nịnị. Aza ẹnị ụ sị ayị tụra, dị ẹwịrị wa aa rị ịsa vabẹ, ẹ vaa va ịrẹpa zi wụ, di eyi awụ nịnị e yi hweyi tụ́ wa.

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Imatiwu 26:23

Dị Ijeesu tụ́ ohi, dị ọ ka, “Ọza ẹnẹ ẹmịrịị aa jị ụvọọ ngụ ẹnya ọnyaa rị ịsa, ọ vaa sị mịị chire ọnịvị amị ụvọ nị.

Iruuku 12:53

Ada vaa kwẹẹtẹ tù ozi anị, dị ozi ọnị rẹ kwẹẹtẹ tu ada anị. Ọnyị rẹ vaa kwẹẹtẹ tu ozi anị ọnẹẹ, di ozi ọnẹẹ ọnị rẹ kwẹẹtẹ tù ọnyị anị. Ọnyị ọva vaa kwẹẹtẹ tù ose ozi anị, di ose ozi ọnị rẹ kwẹẹtẹ tù ọnyị ọva anị.”

Iruuku 21:16

Aza ana ma wụ nịnị, ọnịrị ẹyịnyara awụ nịnị beri anda awụ nịnị ọnịrị ọta awụ nịnị vaa sị wụ nịnịị chire ọnịvị awụ nịnị ụvọ. Ẹ vaa mẹ ka à wụ̀ aza ẹnyị awụ nịnị.

Ịjọọnụ 13:18

Ẹ yị vị avaba awụ nịnị m maa kà, oo! Mâ yẹ aza ọnị mị nyị. Ama ịrẹyị ini Iwe Ohomorihi vaa sẹ, ộ kà a ka: ‘Ọza ẹnẹ ẹmịrịị aa rị ịsa ọnya, ọ kwẹẹtẹ tù mi nị.’