Imika 7:4 - IWE ỌNỊNỊ

⁴ Ana dahi hu ịnị ẹnịnị ê divi huna ikeyi Ọnịsẹ ệ vịdị kà wụ nịnị ọ̀nọ̀ ịhyọọ ka a vaa nyị ịrẹyị. Ịrẹyị ọnọọ ọ vẹ, o, ewee họ̀ use ka ụ mẹ̀ vaa zị.

Imika 7:4 ပူးပေါင်းရင်းမြစ်များ

Ayịsaya 10:3

sị ụ vaa mẹ nịnị ịhị ọnọọ? Eni u vee zwe nee tù ka ọ̀ gụ wụ nịnị ụvọ? Mị ka ịzị ụ vaa kụ́ ogu awụ nịnị nee hi ịhị ọnọọ?

Ayịsaya 22:5

Ẹnẹyịmavara Ananyị yị Ochẹtẹngụ ọ sị ẹkụhị ọnya jị. Ịhị ọnọọ aza ana re hi ini osusuu ịzị Ohomorihiī yàa mẹ ka aza anị è re ẹtẹ vee hí angwa. Ọnịvị ẹnịnị vee huna wa, dị ẹnịnị ẹ yị kụkụ yẹ ịsị ẹ yaa mẹ. E vee wu ọvọ ana kara ẹkụraa vaa hi ẹtẹ, aza vee nowu dị ataba aa dọ wa ọngwẹ.

Ayịsaya 55:13

Ọchị ịsayịpụrọọsị vee nyi hi ịzị avị ikeyi-ikeyi nyị hi booro aanị. Ọchị ana aā hị́ Imatiri vaa chịị tụ ịzị ikeyi nyị hi. Apọtẹrẹwa ọsọnị vaa vị̀ pooro zịna-zịna nị. A vaa sị tamayị ịsa ẹmị Ẹnẹyịmavara mẹ.”

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 11:23

Ọ kà ọnị ọ raa jị ụmẹ ọnị ọnị ve sii vu anị Anatọtị ẹtẹ. Ịjị ụmẹ ọnọọ oo tu, ọza ikonyara ẹ yị yaa vọ ẹtẹ ịnị ẹnịnị.

Ijeremaya 46:21

Isoja ẹnẹ ẹ na hị́ ka ẹ̀ vaa gụ ẹnị ụvọ vị ana tụ ọkụmị jẹẹ anka ozi ụnọ avọọ. Ẹnịnị ẹ́ yị va zụ jẹẹ kụ ịrẹkụ. Ẹnịnị vị ene zwe varẹma. Ẹkụhị ụyọrị ene e ve sii vu Ijipiti ẹtẹ o tù aanị nị ọ.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ezikẹẹrị 2:6

Ẹnẹyịmavara kà, ama, ọnị ozi-ọza, asị ọnị hí angwa ẹnịnị o. A sị ọnị hí angwa ịsa tụra ịsa ọnị ẹẹ ka ẹnịị kà. Ọ kà ẹnịnị vaa sị eyii wụ̀ ọnị, dị ẹnịnị ẹ yị sị ụbanyị yị ọnị; vị́ ọ́ vaa sị mẹẹ anka ọza oo rere ra ịnị akakana iku nịnị avọọ nị. Asị ọnị hí angwa aza ẹnẹẹ anaa kụ̀ụ hịrẹ ọza avọọ. Asị ọnị hí angwa ịsa tụra ịsa ẹẹ ka ẹnịị ka.

Ezikẹẹrị 28:24

Ẹnẹyịmavara kà anẹkụra ana ra kara Anisirẹrị nịnị ẹ́ yị vịdị sị ụbanyị yị wa vụrụ-vụrụ. Ama ẹ́ yị nyị anẹkụra ẹnẹẹ anaa vanaa vị ikenyi, à vị ọchị ikeyi-ikeyii jịị ngụ Anisirẹrị nịnị ẹngụ, dị ẹ̀ vaa zama wa. Anẹkụra ẹnẹẹ vaa yẹ ka ọnị ọ vị̀ Ẹnẹyịmavara Ochẹtẹẹngụ nị.

Emọsị 8:2

Dị ọ họ̀ Emọsị ka ịsị ọ re nị. Dị Emọsị tu ọ ohi ka ọnị o re uji ohihi ini ọhahị ẹtụtụ ẹnẹ vị. Dị Ẹnẹyịmavara kà aanị ẹhẹ Anisirẹrị me va za ịrẹsụ nị. Ọnị ẹ yị kụkụ vaa vagu wa.

Ịnahụmị 1:10

Ọnịvị Ẹnẹyịmavara sị mẹẹ anka aza ọnị eche hu ẹtẹ tịtẹ avọọ. Ị vaa rị ịra anka igegenechi ọnịrị avị ọyịwụ̀ mẹẹ rị ịra avọọ.

Iruuku 21:25

Dị Ijeesu ka, “A vaa nyị apọtẹrẹwa ịnị ọyị ọnịrị ịnị ụhwẹ beri ụzọmị nịnị. Anẹhẹ nịnị vaa rị ụya ẹtẹẹtẹrẹ, dị ayị ẹnịnị kụ́ vazi agụvị òkū ana aa dà, dị aa sụ́ ịrẹyị.

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.