Imika 7:17 - IWE ỌNỊNỊ

¹⁷ Vị ẹ vaa ba ẹtẹẹ rị anka ẹ́wụ́ mẹ̀ẹ ba ẹtẹẹ rị nị. Ịzị ẹnịnị ẹ̀ẹ na na tẹ̀ tụ́, angwahi ẹ vá sịị vẹ nị. Ẹnịnị vee hí angwa ẹwụ Ẹnẹyịmavara Ohomorihi ayị. Ẹnịnị vee hí angwa awụ dị ẹ si và aa ka wụụ vẹ.

Imika 7:17 ပူးပေါင်းရင်းမြစ်များ

2 Ịsamụwẹrị 22:46

Angwahi mẹ̀ ngụ wa ẹngụ ẹnịnị e si zwe hụrẹ ịzị ẹ na tẹ̀. Ẹnịnị màa vẹ, ẹnịnị vị ana aa dá ẹgahị.

2 Ịtọpa 17:10

Dị Ẹnẹyịmavara tụ́ anẹkụra ana kara Ijuda angwahi, dị ẹnịnị ẹ yị nyayịnẹ beri wa kụ́ ịrẹkụ nị.

Ahẹ Ụgama 18:45

E si zwe hụrẹ ịzị ẹ na tẹ̀ tụ́ Ẹnịnị aa dà ẹgahịị vẹ áyị màa hụrẹ wa ịnẹ.

Ahẹ Ụgama 72:11

Avaba ohinọyị vi ene vee kú ẹtẹẹ yị ohinọyị ayị ọnọnị, dị avaba anẹhẹ aa hẹkẹ ẹ.

Ahẹ Ụgama 72:9

Aza ana ra hi ịnị ẹtẹ ọpaapara vaa vẹ vee kú ẹtẹẹ kụ́ ohinọyị, dị ọnịvị anị maanị ee muna eteesu.

Ahẹ Ụgama 9:20

Ẹnẹyịmavara, navọ we chire wa angwa dị ẹ̀ yẹ ka aza rị ẹyị ịrẹsụ kẹnẹ ẹnị vị nị.

Ayịsaya 25:3

Ọsọnị vaa mẹ ka anẹkụra ana nyị ụkata ẹ sị ụbanyịị yị wụ Avaba anẹkụra ẹnẹ ẹ̀ yị mā vayị ọza è hí angwa awụ dị.

Ayịsaya 49:23

Ohinọyị anẹkụra nịnị ịzị a ya pa ezi ẹnẹẹ vaa va ku ẹtẹ yị wụ, dị ẹ tẹsị awụ anka ọrịhị mẹẹ̄ tẹsị adarehi anị avọọ. Isirẹrị vaa yẹ ka ọnị ọ vị Ẹnẹyịmavara nị. Aza ana àa sị ayị tụra a, ọ yị vaa va ịrẹma anị.

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ayịsaya 60:14

Ezi ọnịvị awụ nịnị ana nyị ịhyẹrẹ awụ nịnị, dị ẹ sị ụya rị wụ nịnị vee ku ẹtẹ agada awụ nịnị. Ẹ vaa hị́ Ijerusarẹmị Ịzayọnị, ẹkụra Ẹnẹyịmavara, aha ọnịnị Isirẹrị.

Ayịsaya 64:2

Ẹnịnị vaa da ẹgahị anka enyi ene sì hii ịra, dị aa há avọọ. Vẹ, wa va sị ụkata awụ zụ ọnịvị awụ nịnị, dị ụ wa mẹ ka anẹhẹ ẹẹ da ẹgahị eyi awụ.

Ayịsaya 65:25

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Ayịsaya 7:19

Ẹ vavẹ dị ẹ va gara hi ini ozi ọnịrị ịnị ụtẹha. Dị ẹ vavọọ chaka kú avaba avị ene hi ịzọọ.

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Arụwẹ 3:29

Navọ ya wụ̀ chire ịnị ịrẹsụ ọkahi, ka ẹyịyara ẹ vaa nyị ọyịtureyi.

Ịzakaraya 14:5

Anijerusarẹmị nịnị vee zwe zị oze ịnị upoporo ataba ẹyịva ẹnẹẹ. Upoporo anị ộ gọdọ na ngụ Azeeri. Ẹnịnị vee zwe anka ụmẹ ọnị ẹtẹ sị ziizi ịnị ụmẹ Uziya ohinọyị Ijuda. Ẹnẹyịmavara vaa vẹ, dị avaba anggẹẹrị ọnịnị saasa a vẹ.

Iwe Ọhụhị Imosiisi ana aa hị́ Ọyịvatụrọda 32:24

Ụngwẹ vị ana vaa wụ̀ wa ha, dị ụkụ edivi-edivi za wa. Uye ịnị avị vị ana vaa va eyi ịrazị ka wa, Dị ẹwụ ẹnẹ ẹchịpa divi ẹ yaa mẹ wa.

Ijosuwa 9:24

Dị ẹ tụ Ijosuwa ohi ka agụvị ka â kà a yị ezi ahụ anị ka Ẹnẹyịmavara Ohomorihi anị ộ raà mẹ ọda yị Imosiisi ka ọ sị avaba ẹtẹ, dị ọ wụ̀ avaba aza ana ra ịnị ẹtẹ ọnọọ. Agụvị angwahi ụhwẹ ẹnịnị, ẹ vavọọ mẹ̀ ẹ nị.

Ẹtore 3:9

Re, aza ana vị ezirẹma Echu ene ee cheeche ka Aniju ẹ́nị vị nị, dị ẹ̀yị vị Aniju avọọ, mị vaa mẹ ka è ve ku ẹtẹ ọ́vịdị awụ, dị ẹ̀ yẹ ka mée sì ịrẹyị awụ.

1 Ịsamụwẹrị 14:11

Ịzẹyịza dị ẹnị ẹyịva sị ẹngụ ẹnịnị na ka isoja ene hi udi Anihwirisiti è re ẹnị nị. Dị Anihwirisiti nịnị ka, “wéē re, Anihiburu nịnị aa tụ̀ụ jịnẹ vẹ hụụnị ụsị ẹnị ẹ na tẹ̀ tụ́.”