Imika 7:14 - IWE ỌNỊNỊ

¹⁴ Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Imika 7:14 ပူးပေါင်းရင်းမြစ်များ

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Ahẹ Ụgama 143:5

Mâ tamayị ịyẹẹyẹ, di mee ro ịrẹyị ịsa ẹbanyị-ẹbanyị ọnị ụụ̄ sị ụkata awụụ mẹ nị.

Ahẹ Ụgama 28:9

Ohomorihi, navọ wa dọ aza awụ tụ́ dị wa mẹ ka ò zee yị wa Weē sere wa, dị wa si eyi pè wa pooro.

Ahẹ Ụgama 95:7

Ọnị ọ vị Ohomorihi ayị nị, dị ẹyị vị aza anị ene ee sere nị. Vị ị sị mẹẹ atẹmẹ anị ana aa tẹsị anị avọọ nị. Wàa wụ́ ka ộ kà ịrẹyị nịnị ajịnị, asị ụ mẹ̀ akamawụ hị́ ọ nịnị. Wâ yẹ ka avọọ ohiku awụ nịnị mẹ̀ me akamawụ hị́ ọ ịzị aā hị́ Imeriba ọnịrị Imasa ịnị ụnọmị nị.

Ọyịkụra 33:16

Wẹ̀ yị saasa ayị na, aza ana vọ ẹ yị vaa yẹ ka we sì ịrẹyị amị ọnịrị aza awụ ana vọ. Sị ẹ kụkụ vaa sị yị vị irenyii yị ẹyịrị aza ana vọ ene hi ịnị ẹhẹ?”

Ahẹ Isoromọnị 4:1

Ẹwụ ọnẹẹ ọnị mị sì ịrẹyị anị. Wâ dá zoza kẹnẹ. Dị ụ daka yị vá ịta ku eyi, igoreyi awụ aa sịị zụ ka wee sì ịrẹyị amị. Ẹyịrẹsụ awụ ee henyi anka ọkọnị ẹvụ enee chí otutu Igiriyadii vẹ avọọ.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 37:24

Wâ tụ́ ọnụtụ awụ nịnị ka è vee wo oto hi mi ka wâ kụ aza awụ anaā sịị ịkẹkẹ kụ̀ ịrẹkụ, dị ụ kụ ịrẹkụ na rị ataba Ịrẹbanọnị ana nẹba hu nị. Wâ nyị irenu ka ọchị isida ana gọdọ hu keekere, ọnịrị ọchị Ịsayịpụrẹsị ene zoza hu keekere vị ọnị ụ má va hi ẹtẹ. Ụ ka aha ene noze hu ini iruku vị ọnị ụ ngụ.

Ayịsaya 40:11

Ọ vaa sị eyi pe atẹmẹ anị anka oseratẹmẹ avọọ. Ọ vaa kụ ezi atẹmẹ anị gụ vabẹ dị ọ kụ wa rị ụvọ; dị ọ tangwa aa zụ ọnyị ẹnịnị oze nị.

Ayịsaya 49:10

Ụngwẹ ọnịrị onyi ẹ yị kụkụ vaa kụ wa. Ẹngụ ẹnịnị vee hi ahị. Ẹnẹyịmavara vaa vayị ẹnịnị, dị ọnị mẹ̀ ịsa ọnị e yee si yị wa anka ọza ene enyi aa kụ ene re enyi ohunẹnẹ hu avọọ.

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ijeremaya 49:31

Ẹnẹyịmavara kà, ọ̀ ka, à kwẹẹtẹ dị ẹnị ẹ̀ kụ́ ịrẹkụ ne tu anẹkụra ana va ẹngụ hi ẹtẹ ka ẹ yị nyị ịsị ẹ vaa mẹ aanị. Ẹkụra ẹnịnị ẹ yị nyị oze ọbanyị, ẹ yị nyị ịsị a zụ sị chire e. Ẹnịnị ẹ yị nyị ịsị e sere wa vụrụ-vụrụ.

Arụwẹ 1:7

Anijerusarẹmị maa rị ụya, ẹ kụkụ aa tamayị ẹhẹ ọyịza-ọyịza ene ẹnị ra ịyẹẹyẹ. Ịjị ụvọ ọnịvị ẹnịnị ku wa, ẹnịnị e yi re ọza va gụ wa ụvọ, dị ọnịvị ẹnịnị kụkụ è nyị wa unyi nị.

Arụwẹ 5:21

Ẹnẹyịmavara kwogwo, kụ yị varẹma ka ẹngụ awụ vẹ! Kụ yị varẹma! Navọ wa và ayị ịrẹma nọ udi ụbanyị ayị ịyẹẹyẹ.

Ezikẹẹrị 36:11

Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Ireevi 27:32

Avaba achehi ẹẹwụ ịsụpa ineehi vị Ẹ́ẹnẹyịmavara. Àaa za ịsụpa ọnị aza pa ịrịka, avaba anaaa tụ ọ ẹẹwụ vị Ẹ́ẹnẹyịmavara.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Ọbadaya 1:19

Anisirẹrị nịnị ene hi eyi ụvẹtẹ Ijuda ẹ vaa nyị ẹtẹ ézi Iisọ ịrẹsụ ataba nị. Ẹnị ene hi inozi iruvo ataba ẹtẹ Anihwirisiti nịnị vaa dọ ẹtẹ Ehwireemi ọnịrị Ịsamarịya nịnị. Ịbẹnjamịnị nịnị vaa dọ ẹtẹ Anigiriyadi.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ịzakaraya 10:10

Ọnị vaa kụ wa varẹma hụrẹ Ijipiti ọnịrị Asiriya. Ọnị vaa kụ́ vee hi Anigiriyadi ọnịrị Ịrẹbanọnị dị aha ọ yị dọ wa.

Ịzakaraya 11:7

Osohu atẹmẹ nịnị ệ dọ ọnị ụkọrọ, dị ọnị vị oseratẹmẹ yị atẹmẹ ana na wụ̀ nị. Ọnị ộ sị ọchị ẹẹva rị ụvọ nị. Ịrẹha ọnya ọ rị Ẹyịzọhẹ, dị ọsa rị Ẹvabẹ nị. Avọọ ọnị mẹ sị eyi pe atẹmẹ ẹnẹẹ nị.

Ịmarakayị 3:4

Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.

Ịrịka 23:9

Ọnị ee re wa hụrị ịrẹsụ ataba, ẹnịrị aza ẹ yị vahụra. Ẹẹ jẹẹ te yị ẹngụ ẹnịnị nị.

Ịrịka 32:1

Ẹtẹ Irubẹnị ọnịrị Igadi nịnị ẹ̀ nyị ịsụpa rụrụ hu nị. Ịjị ẹnịnị re ka ẹtẹ Ijaza ọnịrị Igiriyadi o zoza ọyị kụ́ ịsụpa rị nị,

Ịrịka 32:4

vị ẹtẹ ọnị Ẹnẹyịmavara nyị ehuna anị yị Anisirẹrị. Aha ẹnịị ee zoza yị ịsụpa, dị ẹnị nyị ịsụpa nị.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Ịjọọnụ 17:16

Ẹ yị vị ẹ́ẹhẹ ẹ vị, anka ẹ́mị ẹ̀yị mẹ̀ rẹ vị ẹ́ẹhẹ.

Iwe Ọhụhị Imosiisi ana aa hị́ Ọyịvatụrọda 33:28

Avọọ Anisirẹrị nịnị ra ịnị ẹngwọọrọ, dị akụ ọnịrị eche ẹnịnị nyayịnẹ mẹ̀ yị wa nị. Avọọ ihinẹba mẹ̀ zụ orihi yị wa nị.