Imika 7:12 - IWE ỌNỊNỊ

¹² Ịnị ụmẹ ọnọọ, aza ệ va hụrị avaba aha vẹ; hụrị Asiriya ọnịrị Ijipiti beri Iyuhwuretisi vaa vẹ. Dị ẹ vavọọ wara hụrẹ ẹkụra ene hi akẹnẹ enyi ọnịrị avaba aha ene noze aa vẹ nị.

Imika 7:12 ပူးပေါင်းရင်းမြစ်များ

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 11:16

A vaa tụ́ oze ọbanyị ị yị Anisirẹrị ana vọ ana aa hụrẹ Asiriyaa vẹ, anka a mẹ̀ tụ́ oze yị Anisirẹrị ịyẹẹyẹ ẹ mẹ hụrẹ Ijipiti aa vẹ.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 49:12

Dị aza kụkụ a hụrẹ avaba aha ana ọnịrị ẹkụra ana hị́ Isini.

Ijeremaya 23:3

Ọ kà ọnị aa vaa kụ aza anịị gụ hụrị avaba ẹkụra ọnị ọnị dụ wa ne hi, dị ọnị kụ wa vavẹ eehi ẹnịnị. Ẹnịnị vaa mẹ ozi ọrụrụ-ọrụrụ, dị ẹyaa rụrụ hu avọọ.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.

Ijeremaya 31:8

Ọ kà, re, ọnị vaa kụ wa hụrị ẹtẹ Ịbabịrọnị vẹ, dị ọnị kụ wa gụ hụrị aha ẹnẹẹnẹ ịnị ẹhẹ. Ogweyi ọnịrị oswahụ, aza enee zyẹẹ ẹnịrị aza ẹnị ịrẹẹ aa zị vee hi ịnị ẹngụ ẹnịnị, dị ẹyaa vẹ gigirigi.

Ijeremaya 46:27

Ẹnẹyịmavara kà, ẹwụ nịnị aza anị, Anisirẹrị, asị ụ hí angwa nịnị. Asị ayị hụrẹ wụ nịnị ịnẹ. Ọnị vaa dọ wụ nịnị ha hụrị aha ẹnẹẹnẹ, ịzị a za wụ nịnị ọrịhị ne hi avọọ. Ụ vanaa và a vẹ eehi awụ nịnị, dị waa mẹ ẹhẹ awụ nịnị ẹngwọọrọ-ẹngwọọrọ. Ọ kà, ọnị vee sere wu nịnị, dị ọza é yi me vene chire wu nịnị angwa.

Ezikẹẹrị 29:21

Ịjị ịrẹyị ọnọnị ọọ maanị sị mẹ, ọnị vaa sị ụkataa yị Anisirẹrị nịnị. Ọ kà ọnị vaa mẹ ka ọnị Ezikẹẹrị ọ̀ kà ịrẹyị ịzị avaba aza va nyẹngụụ wụ, agụvị ẹnịnị ẹ̀ yẹ ka ọnị ọ vị Ẹnẹyịmavara nị.

Ezikẹẹrị 37:21

Ọnị ọ̀ ka ẹ yị wa ka, ọnị, Ẹnẹyịmavara Ananyị ụkata hu vaa kụ́ aza anị hụrị ẹkụra-ẹkụra ẹnẹ ẹnịnị nọ. Ọnị vaa kụ waa gụ, dị ọnị kụ́ wa vavẹ ịnị ẹtẹ ẹnịnị ụvọta.

Ihoseya 11:11

Ẹnịnị vaa zwe anka inomi me hira avọọ hụrị Ijipiti, dị aza ene hi Asiriya zwe vẹ anka arivadi avọọ. Ẹnẹyịmavara kà ọnị vaa kụ́ wa varẹma vẹ eehi.