Imika 7:11 - IWE ỌNỊNỊ

¹¹ Ẹwụ nịnị Anịjerusarẹmị, a vanaa jịị jị ọvọọ kara ẹkụra wụ nịnị. Ụmẹ ọnọọ ọ̀ọ vẹ, ẹkụra awụ nịnị vaa banyịị hu avọọ.

Imika 7:11 ပူးပေါင်းရင်းမြစ်များ

Inehemaya 2:17

Ịrẹma ụsẹ ọnị ọ zị aanị, ọ vaa kà ịrẹyị yị wa nị. Ọ kà ẹnịnị é re akanya ene tu ẹnị aanị. Ijerusarẹmị ẹkụra ẹnịnị ọ sị vara eburu, dị ukere oze ẹkụra nịnị kụ rị ịra nị. Dị ọ hị́ wa ka ẹ kwẹẹtẹ, dị e tenyi ọvọ ene wu aanị tụra, dị ẹnị ẹ hụụnị ụhị.

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Inehemaya 4:3

Dị Itobaya ana vị Anamọnị ana jẹẹ pe Ịsanbaratị tụ ọ ohi, dị ọ ka, ọvọ sị ẹ yaa tụra? Ahaka ọ̀ọ hịrẹ ẹ vi ee wu nị.

Inehemaya 4:6

Agụvị avọọ dị aza kụ ẹngụ hí ụkọrọ ọnọọ mẹ, dị a tụra ọvọ ọnọọ ne tu achẹva ụnẹba ọnị ọ vịdị vị nị.

Ayịsaya 54:11

Ẹnẹyịmavara kà, “Ẹwụ Ijerusarẹmị, ẹwụ anaa rị ụya di wè yi re ọza gụ wụ ụvọ, ẹ yị nyị ọza ana a vọrọ ka ọ̀ hunẹnẹ wụ ayị. Mị vaa sị ịrẹta akaakaa tenyi ohyẹtẹ awụụ dà.

Ayịsaya 54:2

Dà ajẹngụ awụ gana hu avọọ. Tana ịta ọnị ụ sị jị oze irehi awụ. Dà obo awụ gọdọ, dị u we hi ọchị ọnị ụ sụ́ obo ajẹngụ za katẹngụ.

Ayịsaya 58:12

Ẹ vaa varẹma da irehi ẹnịnị ana jị eburu tịtẹ hụrị ụmọrụmọ. Ẹ ka irehi ene wu ẹtẹ. A vaa yẹ wa anka aza ene tenyi ọvọ ẹnịrị irehi ene wu da.

Ayịsaya 61:4

Ẹnịnị vee tenyi eburu ị́yẹẹyẹ dà Ẹ vaa varẹma tenyi avaba ẹkụra ana jị eburu hụrẹ ụmọrụmọ dà.

Ịdanịyẹrị 9:25

Ộ ka agụvị avọọ ọnị ọ yẹ́ ọsọnị ọ vaa mẹ ịrayị ẹtarẹwụ oze ịhịmba hụrị ụmẹ ọnị Ohomorihi sị mẹ ọda ka ene tenyi Ijerusarẹmị dà aanị pooro ne tu ka ọdọvịdị ọnị Ohomorihi nyị ọ vẹ. A vaa sị ịrayị ẹbẹẹta tụra ẹẹva oze ịhịmba tenyi Ijerusarẹmị dà. Dị aa tu oze hi ọ, dị a rẹ jị ọvọ kara a. Ama aza Ohomorihi vaa rị ụya o.