Imika 7:1 - IWE ỌNỊNỊ

¹ Ẹma sị dà me yi re ẹpẹ sị va o. Ịrẹyị amị sị mẹẹ anka ọ́za ọnị ụngwẹ aa kụ̀ ọnị e yi re ẹtụtụ ana vọrọ ka ọ há rị ịrẹsụ ọchị avọọ nị. A raà há avaba ẹtụtụ ọchị ene hi ịzọọ ụmẹ avọọ. Ẹ yị nyị ana vọ vụrụ-vụrụ.

Imika 7:1 ပူးပေါင်းရင်းမြစ်များ

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ụhịrẹyị 20:6

Ọzọza vị anaa kà a ka ọnị ọ wụra chị ayị za, ama ene kụkụ zụ re ọza ana wụra chi ayị tụra kẹ?

Ayịsaya 17:6

Aza chee kẹnẹ ẹ vaa ha nị. Anisirẹrị vị ana vaa sị mẹẹ anka ọchị orivi ana a raà tọ̀ ẹtụtụ anị, dị ahịka ẹhụ ẹtụtụ ẹẹva a vị ẹẹta avọọ ọ vọ tụ ịrẹsụ anị nị. Ẹnẹyịmavara Ochẹtẹẹngụ kà, avọọ Anisirẹrị nịnị mẹ̀ vaa yà nị.

Ayịsaya 24:13

Anẹhẹ ọnịrị avaba anẹkụra vị ana vaa tịtẹ gere-gere anka èe rere kụ avaba ẹtụtụ ọchị ha dị ịrẹsụ anị kụkụ tịtẹ hwesee avọọ.

Ayịsaya 24:16

Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.” Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị.

Ayịsaya 28:4

Ụbanyị oni ohirẹsụ ẹtẹ ozoza ọnọọ aa sii mẹ eyi vị ana a vaa dọ ọ dị ọza o yi kuku re e. Vị ọ vaa sị mẹẹ anka ẹtụtụ ọchị ana aā hị́ ihwigi avọọ nị. Ọza ene èe vịdị re ene vi ịnị anị di ò ve tù ụmẹ ana a sị ha a, ọ wụsẹ vịdị aa ha a nị. Ọ̀ọ sị ọ ha kẹnẹ dị ọ wụsẹ mụnẹ ẹ.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ijeremaya 15:10

Ijeremaya ka, kaaa! Aayẹ asị ọnyị anị ma ọnị va ngụ ẹhẹ. Ọnịrị avaba aza aa kụ́ dị ọnịrị wa aa nyị ahankata ngụ ịnị ẹkụraa zị nị. Ọnị ẹ yị rị ọza ụta, ọza ẹ yị rị ọnị; ama ọzọza vanaa tu ozirenu hi ọnị.

Ijeremaya 24:2

Ijeremaya ka, ihwigi ene hi ini uji ịpaapa vị ozoza-ozoza. Ẹnị ene vịdị vi ẹ vị ẹnẹẹ nị. Ihwigi ene hi ịnị uji ọhụva vị ọyịvụ-ọyịvụ. Ee divi poori, ẹ́ yị hyakụ wụra rị.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 45:3

Ụ ka, wa sị da! ka Ẹnẹyịmavara, ọ raa sị ayodu vaka ẹngụkata awụ yị wụ. Ụ ka, ọ́ sị ngụ wụ ẹngụ u mee rimanya, wẹ́ yi nyị ụhwọtụ vụrụ-vụrụ.

Ijeremaya 5:1

Ẹnẹyịmavara kà, ẹwụ nịnị Anijerusarẹmị, ọ̀ ngụ avaba ẹkụra awụ nịnị dị we re. Ngụ avaba orere awụ nịnị zị dị we re, àa nyị ọza anaa mẹ̀ ịsa ana vọrọ dị aa mẹ ịzẹyịza hi Ohomorihi. Àa nyị, ọnị Ẹnẹyịmavara vaa vagu wụ nịnị.

Ihoseya 9:10

Ohomorihi kà ịpaapa ọnị re Isirẹrị, ọ sị mẹ anka ọza oo rere re ẹtụtụ igirepi ọwọọwa ịnị ụnọmị avọọ nị. Ohiku ẹnịnị vị Ọnịrị re anka ẹtụtụ ọchị ihwigi ene vi sọkọ-sọkọ ịnị ụmẹ anị avọọ nị. Ama dị ẹnịnị va ịrẹma anị na sị ẹngụ ẹnịnị chire ori ana a hị́ Ịbaarị-Ịpẹyọ ụvọ nị. Dị ẹ kụkụ aa nyị ọza īhyẹrẹ anka ori ọnị ẹ yaa hẹkẹ nị.

Ịrịka 18:13

Avaba ịsa ọyịna ịnị aarẹ ịpaapa ịnị ẹtẹ ẹnịnị ana aā kụ́ va yị Ẹnẹyịmavara vị Eerọnị ọnịrị aza anị. Aza ana nị ịnị ovwoovu anị ẹ zụ rị ịnị anị.