Imika 6:9 - IWE ỌNỊNỊ

⁹ Ẹnẹyịmavara ee nowuu hị́ anẹkụra Ọza ana àa yẹ ịrẹyị ọ sị ụbanyị yị Ẹnẹyịmavara Ụya awụ nịnị aa vẹ. Ẹnẹyịmavara aa tụ́ ọ hi wu nini.

Imika 6:9 ပူးပေါင်းရင်းမြစ်များ

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ijoovu 10:2

Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ?

Ijoovu 23:14

Ọ vaa mẹ ịsị ọ ka ọnị aa mẹ yị ọnị ịnị ịsa ọrụrụ ọnị ọ mẹ eto anị.

Ijoovu 5:17

Ọza ọ̀ọ mẹ̀ ebira odivi, asị ọ sị eyi wụ ohuvọ Ohomorihi Ochẹtẹẹngụ. A vọrọ ka o re e ịrẹsụ ọyịza yị ẹngụ anị nị.

Ahẹ Ụgama 107:43

Aza ana àa yẹ ịrẹyị, ẹ̀ sị eyi pè ịrẹyị ẹnẹnị, di è re Ẹnẹyịmavara mẹmẹ sì ịrẹyị ọza na za.

Ahẹ Ụgama 48:10

Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ avọọ aza mẹ̀ raa sị ụbanyịị wụ nị Ịzẹyịza ụ waa sịị mẹ ohinọyịị tụra aza nị.

Ahẹ Ụgama 83:18

Navọ ẹ̀ va yẹ ka ẹwụ ọnị ịrẹha anị rị Ẹnẹyịmavara, ẹwụ ịnya kẹnẹ ọ vị Ohomorihi ene hu keekere ana nyị avaba ẹhẹ nị.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ụhịrẹyị 22:3

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.

Ayịsaya 26:11

Ọnịvị awụ ẹ yị yẹ ka waa vaa tana ụvọọ za ẹnị. Navọ wa mẹ̀ ụhị nyị wa dị ẹ̀ yẹ ka wê sì ịrẹyị aza awụ. Navọ wa ẹ̀ rị ụya ọnị ụ ka ẹ vaa rị.

Ayịsaya 27:10

Ẹkụra ọnọọ ana a vịdị jị ọvọ kara, ọ kụ́ jị eburu hi ẹtẹ. Aza ẹ kụ́ kụ̀rà hụụnị anị, dị ahịka osusu ọ kụkụ vị nị. Ịsụpa nịnị vị ana kụkụ ra hị́ ịzọọ dị ẹ za avọ́ ọchị ene hi ịzọọ dị ẹ rị ọ zẹtẹ.

Ayịsaya 30:27

Aza ene hi aha ẹnẹẹnẹ ê re ụkata ọnịrị ụbanyị Ẹnẹyịmavara. Ayị anị vị ana aa dá ọva hụrụ-hụrụ. Vi ọ sị mẹẹ ịra ana aa dà areyi tútútú avọ nị. Wèe re irenu anị kẹnẹ, wâ yẹ ka ayị aa kụ́ ọ. Ịrẹyị ọnị ọ hyakụ aa kà vị ịrịịra.

Ayịsaya 66:6

Ẹnẹyịmavara kà ẹnị ẹ wụ́ ẹtẹ ana sụ ịrẹyị ịnị ẹkụra ọnịrị ịnị irehi anị, Ọnị aa sị ụya rị ọnịvị ẹnịnị ọnị ẹtẹ vavọọ aa sụ̀ ịrẹyị nị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

Ijeremaya 47:7

Ama ịrẹkụ ọnọnị mẹmẹ zụ ji ịrẹma ọnị Ẹnẹyịmavara sị ọda mẹ ka aa kụ̀ ọ? Ọnị ọ mẹ ọda ka a kụ́ ịrẹkụ ne tu Asikeroni ọnịrị aza ana ra hi utenyi nị.

Ezikẹẹrị 7:9

Ẹnẹyịmavara kà ọnị ẹ́ yị vaa sị eyii kwooze yị wụ nịnị, Ọnị ẹ́ yị vaa vayị awụ nịnị. Ọnị vaa sị ụyaa rị wụ nịnị agụvị avaba ịsị enyisi ọnị waa mẹ nịnị. Ịjọnọọ, ụ vaa yẹ nịnị ka, ọnị ọ̀ vị Ẹnẹyịmavara anaa sị ụyaa rị wụ nịnị nị.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Emọsị 2:5

Ẹnẹyịmavara kà ọnị vaa jị ịraa tụ́ Ijuda, dị ọ rị avaba irehi ohinọyị ẹnịnị ana ya Ijerusarẹmị ịra.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Imika 6:10

Ẹwụ nịnị aza edivi ene yi oyi dị ụ kụ́ ọ na na tẹ̀ Ẹwụ nịnị óó ro ka Ẹnẹyịmavara ọ yị tamayị? Wàa ná ịsa yị ọza ụ sị ọ mẹrị, o du wu kù.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ịzẹhwanaya 3:2

Ẹnịnị ẹ yị wụ́ chire Ẹnẹyịmavara. Àa kà a yị wa pooro ẹnịnị ẹ yị dọ. Ẹnịnị ẹ yị sị ayị tụra Ẹnẹyịmavara, di e vee hyakụ si ọgụvọ hụụnị ụvọ anị.

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.