Imika 6:2 - IWE ỌNỊNỊ

² Ẹwụ nịnị ataba, wụ́ ịsa ọnị Ẹnẹyịmavara kà oni ô re. Ẹwụ nịnị ịsị ẹhẹ jẹẹ ịrẹsụ anị ọ̀ wụ́ ịrẹyị Ẹnẹyịmavara Ộ kà a nyị ịsị aza anị mẹ̀ ọnị. Aa vaa kà a ịsị Anisirẹrị mẹ̀ ọnị.

Imika 6:2 ပူးပေါင်းရင်းမြစ်များ

2 Ịsamụwẹrị 22:16

Ẹnẹyịmavara ịjị ụ kụ́ ayị, dị ẹwụ kara eyi hi ọnịvị awụ, oku vị ana maanị tịnọ yaara, dị aza ee re iruvo enyi. Ẹtẹ vị ana maanị há nọ ẹhẹ, dị aza ee re iruvo ẹtẹ nị.

2 Ịsamụwẹrị 22:8

Ịjị Ẹnẹyịmavara nyima aa kụ́ ayị ẹtẹ vi ene ee henyi jigi-jigi. Ataba nịnị vi ene hu iruvo dị ẹnịnị ye zizi nị.

Ahẹ Ụgama 104:5

Wa raà sị ẹhẹ jẹẹ geri-geri o yi zụ henyi,

Ụhịrẹyị 8:29

Dị ọ mẹ ọda yị enyi ịnị oku ka asị ọ kụkụ hi ẹtẹ huna ọpa ọnị ọnị ka nị. Ộ ka eyi anị Ohomorihi ka ẹhẹ ẹtẹ nị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ayịsaya 3:13

Ẹnẹyịmavara o reè tenyi ẹngụ ịrẹyị anị, ọ sị kwẹẹtẹ aa vaa mẹ̀ ọkarẹyị aza anị.

Ayịsaya 43:26

Kà a nịnị, ịsị ụ waa ka maa mẹ̀ nịnị, dị ya kụ ẹngụ tu ikootu. Kụ́ irenu awụ nịnị ana sị zụ ka ịzẹyịza ịrẹyị awụ nịnị vị nị.

Ayịsaya 5:3

Ọta amị aa hị́ ẹwụ nịnị Anijerusarẹmị ọnịrị Anijuda ka wa mẹ̀ ọkarẹyị tụ́ ịnị ịrẹyị ọnịrị ụbazị amị nịnị dị a re.

Ijeremaya 2:9

Ẹnẹyịmavara kà agụvị avọọ, ọnị vee pe aza anị ọnịrị evere ẹnịnị zyaazị.

Ijeremaya 25:31

Avaba ẹhẹ vaa dọ ọ ọngwẹ Ẹnẹyịmavara ọnịrị avaba anẹkụra ẹẹ nyị ịrẹyị, ọ vaa mẹ̀ ọkarẹyị yị avaba aza, dị ọ wụ̀ avaba aza edivi ha.

Ijeremaya 31:37

Ẹnẹyịmavara kà aza ẹ̀ẹ zụ ngọ ẹbẹẹba, dị ẹ rẹ zụ sị iruvo ọnị mẹmẹ ka ẹhẹ ẹtẹ nị, ọnị vaa hụ agụvị avaba ịsị ọnị ezi Anisirẹrị nịnị mẹ, dị ọnị dụ wa kwooze.

Ihoseya 12:2

Ẹnẹyịmavara kà Anijuda nịnị ẹ nyị ịrẹyị anị. Ộ ka ọnị vaa sị ụya ebira Anisirẹrị nịnị rị wa. Ọnị vee si wa atọ ịsị ẹnẹ ệ mẹ̀.

Ihoseya 12:3

Dị a va ma ada ẹnịnị Ijekọvụ, ô sị vụrị ka ọnị ọ mẹ ẹnẹbẹnị anị Iisọ rị ịnị ịrẹka ọnyị anị. Avọọ ọ mẹ rẹ beri Ohomorihi vụ ịrẹvụ ọ mẹ vị ọmụha nị.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Imika 6:1

Batọ wa wụ́ ịrẹyị ọnị Ẹnẹyịmavara kà nịnị: “Kwẹẹtẹ jẹẹ, dị wa kụ́ irenu awụ nịnị, dị ataba ọnịrị otutu nịnị ẹ vị onivenu ịrẹyị awụ nịnị.

Iwe Ọhụhị Imosiisi ana aa hị́ Ọyịvatụrọda 32:22

Ọ kà, ọyịkụ anị vaa sị mẹẹ anka ịra ana za giri-giri avọọ nị. Avaba ịsa ene hi ịrẹsụ ẹtẹ vi ana rị ịra na ngụ ini eku. Avọọ avaba iruvo ataba mẹ vaa rị ịra bemi-bemi nị.

Iwe Ọhụhị Imosiisi ana aa hị́ Ọyịvatụrọda 4:26

Imosiisi ka ọnị ọ sị ẹbẹẹba ọnịrị ẹtẹ mẹ ivenu yị wa ka ẹnịnị ẹ̀ẹ mẹ akamawụ hi ọnị, ịjjịjọo e ye vu ẹtẹ nị. Ẹnịnị ẹ̀ yị vaa ra gọdọ ịnị ẹtẹ ana ya akẹnẹ irehu Ijodani ọnị ẹ yaa vaa dọ, dị ẹ ra ini anị. Ẹnịnị vi ene vee vu ẹtẹ saka-saka.