Imika 6:14 - IWE ỌNỊNỊ

¹⁴ Ụ vaa vị ịsa, ama ịnẹ ọ yị vaa há wụ nịnị wàa daka rị ịsa ịrẹka awụ vị ana va tù osusu. Wàa kụ́ ịsa gụ, dị ahịka vị ọ ta hi ụvọ kẹnẹ nị. Ịsị wàa nyị dị ahịka ịrẹkụ o ve du ọ ha nị.

Imika 6:14 ပူးပေါင်းရင်းမြစ်များ

Ayịsaya 30:6

Ịrẹyị oni Ohomorihi kà ini oze uye ene hi ịnị ụnọmị éyi ụvẹtẹ yị. Ọnịtụ ẹnẹẹ ệ zi oze ịnị ụnọmị odivi ọnọọ na para hu. Idu ọnịrị ẹwụ edivi irenyi-irenyi vi ene hi ịnị ụnọmị ọnọọ. Ọnịtụ ẹnẹẹ ệ hara ogu ẹnịnị di e kune e tụra ịnyaakụmị dị ẹ kụ́ ọ aa nọ ẹkụra ịzị ẹ̀ yị nyị ọgụ ene e vee re ịzọọ nị.

Ayịsaya 65:13

Agụvị avọọ, Ẹnẹyịmavara Ohomorihi ka: Ezi ahụ amị anaa saasa ịrẹyị amị vaa rị ịsa, ama ụngwẹ vị ana vaa kụ̀ ẹwụ nịnị. Ẹnịnị vee hú, ama onyi vị ana vaa kụ̀ wụ nịnị. Ezi ahụ amị vee hine ayị, ama ẹwụ nịnị vị ana a vaa mẹ ụhịị nyị.

Ayịsaya 9:20

Avaba ịzị aza ẹ̀ẹ ya re ịsọyịrị ịnị ẹkụra ọnọọ vị ene vee zunee rị, ama dị ụngwẹ aa kịị kụ̀ wa. Ẹ hyakụ vaa wụ̀ ozi ẹnịnịị rị bẹẹ.

Ijeremaya 48:44

Ọza enee zwè yị ịsị ee chire ọza angwa aanị, vee horo ngụ ụsị, ọza anaa jịnẹ hụụnị ụsị ọnọọ tụ ẹhẹ dị ịrẹpa za a, agụvị ka ụmẹ ọnị ọnị Ẹnẹyịmavara jị ka ọnị ee sii vu Animowabi nịnị ẹtẹ ọ vị ọnọọ nị.

Ezikẹẹrị 5:12

Ọ kà, achẹta awụ nịnị vị ọnị ụkụ ọnịrị ụngwẹ vaa wụ̀ wụ ha. Dị aa kụ́ ịrẹkụ va wụ achẹta awụ nịnị ọsa. Achẹta awụ nịnị ana vọ vị ọnị, ọnị Ẹnẹyịmavara vaa tụ̀ ụhwọ, dị ọnị dụ wa ne hi avaba aha.

Ihoseya 4:10

Ịsa ọyịrị ọnị ẹ yaa rị ọ yị vaa ha wa ịnẹ. Ịrẹkọyịsẹ ọnị ẹ yaa sẹ aha ori irenyi-irenyi ọ yị vaa sị ozi yị wa agụvị ka e re yi Ẹnẹyịmavara tịtẹ na saasa ori.

Ireevi 26:26

Ẹnẹyịmavara kà ọnị vee gù wa oze ịsọyịrị ẹnịnị, dị ọnyẹnẹẹ ẹẹwụ aa mẹ̀ ịsa ịnị arasị ọnya. Dị a kụkụ aa gà ịsọyịrị swẹ-swẹ tụ wa ụvọ. Ẹnịnị ẹ̀ẹ rị ọ, ịnẹ ẹ́ yị vaa há wa.

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.

Ịhagayị 2:16

Dị ọ ka, ẹnịnị ẹ̀ẹ nọ ịzị ẹ kụ akụ ikirogirami oohu hị́ dị ahịka ẹhụ ikirogirami ẹẹwụ kẹnẹ e ne tu nị. Ọza ana nyị ẹhụ eche apori ẹvarẹwụ tụ ịnị ụnọkọ avọọ, dị ahịka ẹhụ eche apori oohu kẹnẹ ọ kụkụ vọ nị.