Imika 6:13 - IWE ỌNỊNỊ

¹³ Agụvị avọọ, ụ vaa rị ụya m maa pá ịvaa wụ Mi vee vu wu ẹtẹ saka-saka agụvị ebira odivi awụ.

Imika 6:13 ပူးပေါင်းရင်းမြစ်များ

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Arụwẹ 1:13

Ohomorihi ọ raà ka ịra ku ẹnị hụrị ẹbẹẹba, ẹngụ ẹnịnị ọ ta jịnẹ ịra gogogo. Ịrẹpa ọnị Ohomorihi va zi ẹnị, ọ sị ẹnị za nya ẹtẹ, dị ọ navọ ẹnị ka ẹnị ẹ̀ maanị rị ụya nị.

Arụwẹ 3:11

Ohomorihi ộ dụ ọnị hụrị oze, dị ọ na ọnị va hị́ ẹtẹ pẹrẹ-pẹrẹ nị. Ọ sị ọnị tụ avọ osusu.

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 5:9

Ohomorihi ka ọnị vaa sị ụya rị Ehwireemi, dị ọnị tụ́ ọ osusu ịnị ẹkụhị ọkarẹyị. Ọ kà ọnị ọ raà hị́ eku eyi avaba ịrẹsụ-ịrẹsụ Anisirẹrị.

Ireevi 26:16

Ụya ọnị vaa sị rị wa yị: Ọnị vaa kụ ẹngụkata odivii tù wa; ụkụ ẹnẹ ẹ̀ yị ma wụ́ ahọ̀nọ ọnịrị ọvanggoro ene vee gù wa eyi vaa za wa, dị ee du wa ẹhẹẹ ha. Ọ kà ịrụkụ ọọhẹ ẹ́ vaa kụ nị, agụvị ka, ọnịvị ẹnịnị ẹ vaa rị ịsa ịnị aarẹ ẹnịnị nị.

Imika 1:9

Ịrẹyị ene tù Anịsamarịya vị ana sị mẹẹ anka ikenebe arụmada ẹnẹ ẹ yị mā vị avọọ nị. Ẹngụ ịrẹyị ọnọọ ee vee tu Ijuda aanị nị. Ẹngụkata ọnọọ ọ sị ngụ tù aza anị ene hi Ijerusarẹmị.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.