Imika 6:12 - IWE ỌNỊNỊ

¹² Ọzọbanyị awụ nịnị ẹ sị vara ọnyẹkẹhị ọdẹngụ, ẹ maa sị ụkata ọnịrị ako dọ aza ịsa. Ireche ọ sị aza awụ nịnị yẹ ẹngụ. Ẹnịnị ẹ yị kụkụ yara kà ịzẹyịza. Ireche ọ sị vị ebira ẹnịnị.

Imika 6:12 ပူးပေါင်းရင်းမြစ်များ

Ahẹ Ụgama 120:2

Ẹnẹyịmavara, aarịhịnị dọ mị hụụnị ụvọ onireche ọnịrị onirikichi nịnị.

Ahẹ Ụgama 35:20

Ẹnịnị ẹ mā sị ẹngwọọrọ kà ịrẹyị Ẹnịnị vi ene eē cheeche irenyi-irenyi kú ọza ana tangwa sị aanị yaayịtẹ hẹẹ.

Ahẹ Ụgama 78:36

Ẹnịnị ẹ̀ẹ vavọọ vẹ, dị ẹ yaa kụ́ hworo-hworo, di e yee cheeche.

Ayịsaya 1:23

Ọdọvịdị awụ nịnị vị ana aa kụ̀ụ hịrẹ mị, dị ahịka ẹnịrị oyi aa mẹ ụmẹ nị. Ochirerenu vi eni ee hine wa, dị ẹ yaa dụ ịsa ọnị ịsa gógògò. Ozi ahụ ẹ̀ẹ za ịrẹyị nọ ini ikootu, ẹnịnị e mē tụ́ ohi. Osoku ọ̀ọ va sị ịrẹyị ne tù wa ini ikootu, ẹ yị vaa ngụ ẹngụ ịrẹyị ọnọọ.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ijeremaya 9:8

Ịrẹyị irenu ẹnịnị vị ana sị mẹẹ anka ọpa anaā wụ̀ ọza. Ẹngwọọrọ-ẹngwọọrọ ọzọza e sii pe ọnọhụva anị kà ịrẹyị nị, ama ịrẹyị odivi vị ẹnẹ sị tụ ịnị ịnẹ ee be e.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Ihoseya 7:13

Ka ẹnịnị e yi ọnị tịtẹ o vee du wa ku nị. E vee su agụvị ka ệ mẹ̀ akamawụ hi ọnị. Ọnị yaanị dọ wa ha ama e yee cheeche kú ọnị.

Emọsị 2:4

Ẹnẹyịmavara kà ọnị aa pịva yị Anịjuda agụvị ebira odivi ẹnẹ ẹ mẹ̀. Ẹnịnị ẹ yị dọ ịrẹyị Ẹnẹyịmavara tụ́ ịzọọ, dị ẹ yaa mẹ akamawụụ hi ọ nị. Ẹnịnị ệ saasa ohiku ẹnịnị nyeeyi agụvị ka ệ dọ ịrẹyị ireche ọnị ori ẹnịnị ka yị wa wụ.

Emọsị 6:4

Aza ẹbanyị ẹnịnị vị ana mẹ ẹhẹ, dị ẹ hụụtụ hị́ ịrẹsụ ịvẹẹdị ana sị anyị ọdọba mẹ̀ ochị anị. Ẹnịnị vị ana a rị uye atẹmẹ ọnịrị uye ẹvụ ne beri uye imaaru.

Ịzẹhwanaya 1:9

Ịhị ọnọọ, Ẹnẹyịmavara vaa sị ụya rị aza ana aa saasa ori ọnịrị aza ana aa sị àko ọnịrị apẹ kụ́ ogu aza nee hi ịnị eehi ọga ẹnịnị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Odeyi 24:9

Dị Aniju nịnị dọ ọ ivenu ka ịzẹyịza avaba ịsa ọnọọ kà vị nị.

Aniroomi 3:13

Irenu ẹnịnị ọ zụ wụ̀ ọza. Dị ẹyaa sị ịrarẹ ẹnịnịị vene ọza. Ịrẹyị irenu ẹnịnị ọ́ọ rẹ anka ẹchịpa ibe avọọ.