Imika 5:8 - IWE ỌNỊNỊ

⁸ Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Imika 5:8 ပူးပေါင်းရင်းမြစ်များ

Oyinyima 49:9

Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ.

Ahẹ Ụgama 104:20

Ẹwa mẹ ịrahụ, dị avaba uye nịnị aa jịnẹẹ hi ẹhẹ ẹtẹ òo si hozi nị.

Ahẹ Ụgama 44:5

Ẹwa sị ụkata yị ka ye zụ huna ọnịvị ayị dị ya và wa nẹtẹ nị.

Ahẹ Ụgama 50:22

Ohomorihi ka ẹwụ nịnị ene hi ayị anị ọ̀ wụ́ ịrẹyị, ọ! Ọ kà asị ụ zẹẹ ka ọnị ọ̀ pa ịva wụ nịnị ka à yị vị avọọ ẹ yị nyị ọza ana va zụụ dọ wụ nịnịị tụ́.

Ụhịrẹyị 30:30

Udu ana nyị ụkata huu ịnị avaba uye o yi mē hí angwa,

Ayịsaya 5:29

Ezirẹkụ ẹnịnị èe nowu, vị ọ sị mẹẹ anka idu avọọ nị. Vi eē nowu anka ezi idu mẹ̀ẹ ẹ̀ẹ si uye za avọọ nị. Ịsị ẹ̀ẹ za dị ẹ sị ọ aa na, ẹ yị nyị ọza ana zụ dọ wa.

Ezikẹẹrị 39:10

Ẹ́ yị kụkụ vaa nyị ka ẹnịnị ẹ̀ ngụ ịnị avị ne si ọkụ. Ẹnịnị ẹ́ yị kụkụ vaa ngụ iruku naa má ọchị ọ̀ yị va kà ịra, agụvị ka ẹnya ịrẹkụ ẹnẹnị vaa hụ waa kà ịra. Aza ana vịdị va sị ụkata-ụkata va kụ wa ẹnya, vị ẹnẹ nị rẹ va naa kụ ẹnya. Ẹnẹyịmavara Ananyị yị ọ kà avọọ nị.

Ihoseya 5:14

Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Imika 4:7

Ịzẹyịza aza ẹnẹẹ vị ọkụmị, di ahịka ẹkụra huu ọ dụ wa ne hi nị. Ọ kà ọnị rẹ vaa mẹ ẹnị ana vọ anẹkụra ana nyị ụkata. Dị ahịka ọnị ọ kụkụ vị ohinọyị ẹnịnị tụ́ Ijerusarẹmị pooro zịna nị.

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzakaraya 10:5

Anijuda nịnị vaa nyị ehuna anka isoja mẹẹ̄ nyị ẹbẹẹba ọnịvị ịnị oze ana nyị ụvụ avọọ. Ka Ẹnẹyịmavara ya pe wa, ẹ vaa kụ́ ịrẹkụ dị ẹ nyị ẹbẹẹba aza ana aa sị umaata kụ ịrẹkụ nị.

Ịzakaraya 11:6

Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ịzakaraya 14:18

Anigipiti nini ẹ̀ẹ ka ẹnị ẹ yị nọ Ijerusarẹmị na bẹ tụ ọ, orihi ẹ yị vaa zụ́ yị wa.

Ịzakaraya 9:15

Ẹnẹyịmavara Ochẹtẹẹngụ vee sere aza anị, di e vu ọnịvị ẹnịnị ẹtẹ. Ẹnịnị vee nowu eyi ịrẹkụ anka aza ene hu eche avọọ. Ẹ vaa dọ ọnịvị ẹnịnị anya vaa ha, di e sii anka anya ịsa ịsọvọ ana a và hí ịrẹsụ ụta hụụnị ẹnya avọọ.

Ịmarakayị 4:3

Dị Ẹnẹyịmavara Ochẹtẹẹngụ ka ẹkụhị ọnị ọnị maanị va mẹ, ẹ vaa nyị ẹbẹẹba aza ọhịmị. Ẹ vaa sị mẹẹ anka atịtọ iruvo ahụ ẹnịnị nị.

Ịrịka 24:9

Anisirẹrị vị ana hụtụ anka idu ana tụ́ ụhwọ́ ịrẹma ọnị o ba egidi kwooze avọọ. Ẹnẹ nyayịnẹ ne ziizi ọ re? Ọza ana ka o zee yọ, vị ọnị o vee zee yị, ọza ene chi hi ọ vị ọnị ozirenu va za.

Imatiwu 10:14

Ọza tụra ọza ẹnẹ ẹ̀ yị dọ wụ nịnị, dị ẹ̀ yị rẹ wụ́ ịrẹyị awụ nịnị nị, bànyị edudu ahụ awụ nịnị hi ịzọọ, wàaa hụụnị ẹkụra ọnọọ, àa vị ini eehi ọnọọ nịnị.

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.