Imika 5:7 - IWE ỌNỊNỊ

⁷ Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Imika 5:7 ပူးပေါင်းရင်းမြစ်များ

2 Ịsamụwẹrị 17:12

Ọ kà ịzị ẹnị ẹ̀ẹ yà re aza Idevidi, dị ẹnị kụ́ chire wa, dị ẹnị sụ và kú wa anka eguhi mèe chiree kú eteesu avọọ. Ọ rẹ ka Idevidi ọnị ụvọta, àa vị isoja anị ọnyọọnyị ẹ yị vaa há.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ahẹ Ụgama 133:3

Vị ọ rẹ sị mẹẹ ka vi eguhi eneē chire hi ịrẹsụ ataba Ihamọnị avọọ ee chire hi ịrẹsụ ataba nị. Ịzọọ Ẹnẹyịmavara yà kà a ka ọnị vaa mẹ ka à ka ọnị vaa mẹ ka ò zee yị aza anị. Ize ọnọọ ọ vị ka ẹnịnị vaa yàra pooro zịna-zịna.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

Ụhịrẹyị 19:12

Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 55:10

Orihi ọnịrị ata orihi vị anaā hụrẹ ẹbẹẹba vẹ, dị ẹ yị vavẹ ịzọọ, ẹ̀ yị vị ịjị ẹtẹ sị enyi hú. Ẹtẹ ọ̀ọ sị enyi hú, dị ọ mẹ ka ịsa ịnị aarẹ ẹ̀ chị́ hi ẹhẹ, dị ẹ si ihu yị ọza eneē mí ịsa ọyịna, dị ọ sị ịsọyịrị yị ọza.

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ezikẹẹrị 14:22

Àa nyị ọza ana vẹtẹ ịzọọ, dị ezi anị ha nị, ẹ̀ẹ yaa vẹ u re wa, dị we re ịzị e divi na za. Ụ vaa dọ ka, a mẹ vọrọ ka ọnị ọ̀ sị ụya rị Ijerusarẹmị gẹdẹ-gẹdẹ, ọnị sị rị wa avọọ nị.

Ezikẹẹrị 47:1

Ezikẹẹrị ka ọnọrụ ọnị ọnị maanị ré ịnị ẹtẹ ọnị ré aanị ộ rẹ sị ọnị varẹma vẹ enoze irehi Ohomorihi. Â nyị enyi anaa tụ̀ụ hụụ iruvo enoze ọnọọ, dị ee sìi zi oze eyi ọnị ọyịị̄ zịị hụrẹẹ vẹ nị. Irehi Ohomorihi vị ana và eyi ka oze avọọ. Enyi ọnọnị vị enee sìi vaachi hụụ iruvo eyi-ụvẹtẹ irehi Ohomorihi di aa parahu eyi-ụvẹtẹ ụta ịsọvọ nị.

Ezikẹẹrị 5:5

Ẹnẹyịmavara Ana nyị avaba ụkata ka, ré Ijerusarẹmị nịnị. Ọnị ọ̀ mẹ ka ọ̀ yà ịnị akakana avaba ẹhẹ, dị ẹkụra-ẹkụra ana vọ ẹ̀ ra kara a nị.

Ịdanịyẹrị 11:32

Ohinọyị Isiriya ọnọọ vee vene aza ẹnẹ ẹ yị kụkụ hẹkẹ Ohomorihi ama aza ana yẹ Ohomorihi ẹnẹ yaa hẹkẹ ẹ́ yị vaa dọ yọ vụrụ-vụrụ.

Ihoseya 14:5

Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ijowẹrị 2:32

Ịnị ụmẹ ọnọọ, Ẹnẹyịmavara vaa dọ ọza tụra ọza ana aa hị́ ọ há. Anka Ẹnẹyịmavara mẹẹ kà a, Aza ana ya ịnị ataba Ịzayọnị ọnịrị Ijerusarẹmị vaa ha. Ịnị ẹngụ aza ẹnẹẹ Ẹnẹyịmavara wo oto ka aza ọnị ọnị hị́ vaa ya nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Imika 4:13

Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Imika 4:7

Ịzẹyịza aza ẹnẹẹ vị ọkụmị, di ahịka ẹkụra huu ọ dụ wa ne hi nị. Ọ kà ọnị rẹ vaa mẹ ẹnị ana vọ anẹkụra ana nyị ụkata. Dị ahịka ọnị ọ kụkụ vị ohinọyị ẹnịnị tụ́ Ijerusarẹmị pooro zịna nị.

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịzẹhwanaya 3:13

Ẹnị ana ha ịnị Anisirẹrị ẹ yị kụkụ vaa mẹ̄ ebira odivi, ẹ yị rẹ kụkụ vee chechee, ẹ yị kụkụ vee vene ọza. Dị Ẹnẹyịmavara ee sere wa, dị angwa o yi hi wa, dị ọ mẹ ka ò zee yị wa.

Ịzakaraya 14:8

Ịhị ọnọọ ẹnyị vee si hụrẹ Ijerusarẹmị, dị achẹva anị aa nọ Irehu Anọ, dị ọsa aa nọ Irehu Imeditareniya Avọọ o me vee si ịnị ị̀rẹ̀sụ̀ ọnịrị ọhahị pooro nị.

Ịzakaraya 9:13

Ọ kà ọnị vaa kara Ijuda anka ọkịta ọkụrẹkụ avọọ, dị ọnị mẹ Ehwireemi anka ọpa, dị Ịzayọnị ọnị sị mẹ anka ụhwọ ọnyeyẹẹva avọọ. Aza ẹnẹnị ọnị vaa sị beri anọrụ Anigirisi nịnị kụ̀ ịrẹkụ nị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Odeyi 11:15

M màa yịị kà ịrẹyị yị wa, dị Ụhwẹ Ọnịnị dọ avaba ayị ẹnịnị, anka ọ mẹ̀ rẹ dọ avaba ayị ẹyị ịpaapa ịhị ọnọọ nị.

Odeyi 13:46

Dị Ịpọọrụ ọnịrị Ịbanabasị aa sị ọtụtụrụma kà ịrẹyị huna avọọ nị. Dị ẹ ka, “Â nyị ka à vịdị kà ịrẹyị Ohomorihi yị wụ nịnị da. Ama ụ wẹ̀ yị mẹ̀ dọ ọ nịnị, dị ụ ka wẹ yị vị aza ana aa yàra ị́dị Ohomorihi pooro zịna-zịna nịnị aanị, yaa hụụ ịdị awụ nịnị, dị ya nọ ịdị anẹkụra ẹnẹ ẹ̀ yị vị Aniju.

Odeyi 16:9

Ịrahụ ịhị ọnọọ, Ịpọọrụ ô re ẹtẹ. Ô re ka â nyị ọnọrụ Animasedoniya ana jẹẹ dị aa dá ịpẹẹ yị ọnị ka, ọnị ọ̀ vẹ Imasedoniya, dị ọnị ọ̀ va gụ ẹnị ụvọ.

Odeyi 9:15

Dị Ananyị yị kà a yọ ka, “Na! Agụvị ka ma sị ọọ nyị ka ọọ mẹ ụkọrọọ mị, dị ọ̀ na kà ịrẹyị amị yị Anigiriki ọnịrị ohinọyị nịnị ne beri Anisirẹrị nịnị.

Aniroomi 10:20

Ayị Ayịsaya ọnị ộ hyakụ vị́ hu avọọ, dị ọ kà a ka Ohomorihi ka, “Aza ene è yi sì mi, e si mi re. Aza ẹnẹ ẹ̀ yị hyakụ họ̀ use amị, ma raà sị ẹngụ zụ̀ wa.”

Aniroomi 11:12

Ịvị ana Aniju mẹ, ọ raà mẹ ka Ohomorihi ọ̀ vayị anẹhẹ ana vọ ẹtẹẹtẹrẹ. Ịsẹẹ mẹ Aniju nịnị ịhị, ọ raà vara ọgụ yị Anigiriki ẹtẹẹtẹrẹ. Ọ̀ọ vavọọ yà, yẹ ka ịhị Aniju ẹ̀ẹ sị gụ, Ohomorihi vaa dàa tụ́ ọọ hu avọọ yị aza ẹtẹẹtẹrẹ.

Aniroomi 9:30

Sị ị vaa kà aanị? Ya zụ kà a ka Anigiriki, dị è yi re sì ka ẹnị ẹ̀ jị ịhị yị ẹngụ ẹnịnị, Ohomorihi ọ raà jị ịhị yị wa, agụvị ka ệ sị ayị tụraa.

1 Anịkọrịntị 3:6

Ẹmị ee chire ịsa, Aporo ọnị aa ká enyi hi ọọ, ama Ohomorihi aa mẹ ka ịsa ẹnẹẹ ẹ̀ẹ hụ nị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Ọdọvịdị 6:36

Dị Igidiyọnị ka yị Ẹnẹyịmavara kà ọ̀ọ ro o ka ọnị aa dọ Anisirẹrị ha zị oze ịnị ụvọ anị.