Imika 5:6 - IWE ỌNỊNỊ

⁶ Dị ọdọvịdị ayị tụ́ Anasiriya ịnị ịrẹkụ Mị ka ịhị Anasiriya ẹ̀ẹ kụ́ ịrẹkụ vẹ ịda ayị Dị ẹ ngụ ịzị ị tẹ tụ́ nị Dị ọdọvịdị ayị dọ yị hụrẹ wa ụvọ.

Imika 5:6 ပူးပေါင်းရင်းမြစ်များ

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

1 Ịtọpa 1:10

Ikusi ộ ma ozi ọnọrụ ọnya ana aā hị́ Inimirodi ọnị ọ vị ọnịpaapa ana nyị ehuna avaba ẹhẹ nị.

2 Ịtọpa 33:11

Avọọ, dị Ẹnẹyịmavara navọ ka ọdọvịdị Anasiriya nịnị ệ kụ́ ịrẹkụ ngụ Ijuda. Dị ẹ za Ịmanasẹ, dị ẹ ka a ẹka, dị ẹ tụ wụ ịchẹkẹchẹkẹ, dị ẹ sị ọ na Ịbabịrọnị nị.

Ijoovu 29:22

Nyị ọza ana kụkụ aa ha irenu ọ́ sị ịrẹyị ka. Ịrẹyị anị vị anaa ngụ wa ẹngụ anka ẹtẹ ọyịwụ mee hu eguhi ene chire avọọ.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

Ayịsaya 14:2

Anẹkụra ana vọ vaa mẹ ọgụvọọ yị Anisirẹrị ka ẹ varẹma nọ ịnị ẹtẹ oni Ohomorihi sị yị wa. Anẹkụra vị ana vaa mẹ ụkọrọọ hẹkẹ Anisirẹrị ịzọọ. Aza ana vịdị za wa ọrịhị vị ẹnị ẹnị rẹ vanaa za ọrịhị. Dị ẹ rẹ yaa mẹ ịjọvaa tụra ọza ana vịdị mẹ ịjọva tụra wa.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 33:1

Wa sị dà, ẹwụ nịnị ana maanị aa wụ̀ aza, dị à yị nyị ọza ana aa wụ nịnị. Mị ka wa sị da, ẹwụ nịnị onireche ene ee vene ọza dị ọza ò yi vene ẹwụ nịnị. Ụ màa wụ̀ ọza nịnị aanị, ịjị ụmẹ awụ nịnị ọ̀ọ ta, a rẹ vaa wụ̀ ẹwụ nịnị. Ịjị wè yi rè kuku vene ọza nịnị, ụmẹ ọnọọ e vee vene wu nịnị nị.

Ayịsaya 37:36

Ịrahụ ịhị ọnọọ anggẹẹrị Ẹnẹyịmavara ọnya, ộ nọ udi Anasiriya nịnị, dị ọ wụ̀ isoja akawụ-akawụ oze ẹnarẹwụ tụra ẹẹva beri akahị (185,000) nị. Etumeyọnị eyinẹhẹ anị, dị avaba ẹnịnị vavọọ su vẹẹrẹ hi ẹtẹ nị.

Ayịsaya 37:37

Di Isenakeribi ohinọyị Ásiriya và hụụ ịzọọ varẹma nọ Ininivẹ nị.

Ayịsaya 6:13

Àa daka nyị ịzị aza gụ ẹẹwụ tụ̀ dị ahịka ọza ịnya ọ vọ nị, ọza ịnya ọnọọ vị ọnị ọ vaa sị hụrẹ oze. Ama aza chee ana vọ aanị vị ana vaa sị mẹẹ anka igugu ọchị ọbanyị ene è yi me sú avọọ. Aza Ohomorihi vị ana vaa sị mẹẹ anka igugu ọnọọ àaa ha avọọ.

Ijeremaya 14:22

Ẹ yị nyị ori Anẹkụra ọnyọọnyị ana zụ zụ̀ ori; eguhi ụvọta ẹ yị zụ mẹ ka orihi ọ̀ zụ̀. Anijuda nịnị ka, tee! Ẹnẹyịmavara ana vị Ohomorihi ẹnịnị ẹnị zi eyi nị, agụvị ka ọyịnyara ọọ̄ mẹ̀ ịsa ẹnẹnị nị.

Ịnahụmị 2:11

Ininivẹ ịjọnọọ wáá yị? Ẹkụra ana sị mẹẹ anka irehi idu avọọ, ịzị ezweyi aa rị di e hu, dị ada ọnịrị ọnyị beri ozi aa zị hwana-hwana kẹnẹ!

Ịzẹhwanaya 2:13

Dị ọ rẹ tana ụvọ za Anasiriya nịnị. Dị ọ jị Ininivẹ, ohyẹtẹ ẹkụra Anasiriya eburu, dị ọ vara a ụnọmị osusu, kẹnẹ.

Ịzẹhwanaya 3:12

Dị Ẹnẹyịmavara kà ọnị vaa navọ aza ana ka ẹngụ ẹnịnị chi di e zwe va rị ọnị ka ẹ̀ ra ịzọọ.

Iruuku 1:71

A vaa dọ yịị ha hụụnị ụvọ ọnịvị ayị nịnị ọnịrị hụụnị avaba aza ana aa kụ́ ayị ayị.

Iruuku 1:74

ka ọnị vaa dọ yịị háa hụụnị ụvọ ọnịvị ayị, dị yaa hẹkẹ ọnị, dị asị i hí angwa;

Iruuku 24:27

Dị Ijeesu ve nyima aa kà a yị wa ịrẹyị ana a kà ini oze anị tụ́ Iwe Ohomorihi nị. Ô nyima hụụnị ịsa oni Imosiisi kà huuu va ngụ ịsa ọnị ọnịsẹ nịnị kà.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.