Imika 5:5 - IWE ỌNỊNỊ

⁵ Ọza oni Ohomorihi vaa sị rị ohinọyị aanị vị ana vaa kụ́ ẹngwọọrọ vẹ. Ịhị Anasiriya ẹ̀ẹ kụ́ ịrẹkụ vẹ ịnị ẹkụra ayị dị ẹ va ngụ ịzị ị tẹ tụ́ nị, Dị ị kụ́ ọdọvịdị ayị ana nyị ụkata tù wa.

Imika 5:5 ပူးပေါင်းရင်းမြစ်များ

Ijoovu 5:19

Ọ vaa dọ wụ tụ ụpẹtụrụpẹ agụvị asị a nyị ịsa ana mẹ wụ.

Ahẹ Ụgama 72:7

Ụmẹ ohinọyị ọ̀ vị ụmẹ ana avaba aza vaa sị mẹ ịzẹyịza dị ahịka vi ee zozaa yị avaba aza pooro dị ẹhẹ ọ̀ kara ụ̀pa nị.

Ụhịrẹyị 30:18

Aa nyị ịrẹyị oze ẹẹta a vị ẹẹna enee hi mi irenu ọnị mẹ yị yẹ tu.

Ụhịrẹyị 30:29

 nyị ịsa ẹẹta a vị ẹẹva enee hu ahụ ohi:

Ụhịrẹyị 6:16

Aa nyị ịsa ịhịnọnyị ọnị Ẹnẹyịmavara nyị ịhyẹrẹ anị. Dị a nyị ịhịmba ana vị enyisi yị ọ nị.

Ịrẹyị Ọzwọzịsa 11:2

Re ka waa gà ẹyịza awụ tu aza ọrụrụ-ọrụrụ agụvị ka we yị yẹ ịrẹyị odivi anaa vẹ ọvịdị.

Ayịsaya 14:25

Ọ kà Anasiriya ene hi Ijuda ịnị ẹtẹ anị vị ọnị ọnị vaa kwọrọọ ha. Ọ kà vị ọnị vaa kụ́ ahụụ hi wa ịrẹsụ ịrẹsụ ataba anị nị. Ọ rẹ ka ọnị vaa tụ̀ ọkẹẹkẹrẹ ẹnịnị hụụnị ọrọkọ aza anị, dị ọnị dọ ẹnya ene e kune tụra aza anị va ha.

Ayịsaya 44:28

Mâ kà a yị Ịsayịrọsị ka, “Ẹwụ mị vana sịị mẹ ohinọyị nị. Ụ vaa mẹ ịsị mi sì ka wa mẹ. Ụ vaa kà a ka è tenyi Ijerusarẹmị varẹma dà, dị e re tenyi Irehi Ohomorihi kà ẹtẹ.”

Ayịsaya 59:19

Ẹnẹyịmavara kà ọnị vaa va eyi ịraazị ka wa anka ọhaara enyi ọnịrị opomi ọbanyị. Anẹkụra nịnị ene hi eyi ịzị ọyịị̄ zịị vẹ ọnịrị ịzị ọọ̄ zịị ngụ ẹngụ ẹtẹ vee hí angwa anị dị ẹ sị ụbanyị yị ọnị.

Ayịsaya 65:8

Ẹnẹyịmavara kà, “ọza e yi me du igirepi ozoza ha, vị a sịị̄ mẹ eche ene zoza nị. Ẹ̀ me yi re vee vu aza amị ẹtẹ. Avọọ gẹdẹ-gẹdẹ, mị vaa hụ agụvị ezi ahụ amịị dọ waa ha.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 33:15

Ọ kà ụmẹ ọnọọ, ọnị vaa sị ozi Idevidi ọnyara ana vị ọnịzẹyịzaa rị ohinọyị. Ohinọyị vaa mẹ ịsị ana vọrọ dị ọ vị ịzẹyịza avaba aha ịnị ẹkụra.

Emọsị 1:3

Ẹnẹyịmavara kà, “Anịdamasịkọsị ẹ raà mẹ̀ ebira odivi tụra-tụra, agụvị avọọ ọnị vaa sị ụya rị wa. Ẹnịnị ẹ raà chamayị yị Anigiriyadi ẹnẹmẹhị. Ẹnịnị ẹ yị mẹ̀ ẹ sị rị.

Emọsị 1:6

Ẹnẹyịmavara kà, ọnị aa pa ịvaa yị Anịgaza nịnị agụvị ebira odivi ẹnị ẹ mẹ̀ kú ẹngụ kú ẹngụ. Ẹnịnị ệ ná ẹkụra ọyịvụrụ ọrịhị yị Anedomi nịnị. Ẹnịnị ẹ yị mẹ̀ ẹ sị rị.

Ịzakaraya 10:11

Ẹnịnị ẹ̀ẹ ngụ oku ana jị ayị, Ẹnẹyịmavara vaa za a jẹẹ, irehu Ịnayịrị vị ana wụ́ na za ụnyịnẹ anị. A vaa ka Asiriya chi, dị a dọ Ijipiti ụkata anị.

Ịzakaraya 10:3

Ẹnẹyịmavara kà ọnị ee du ayị hi anikinami ana mẹ ịjọva tụra aza anị ịrẹsụ. Ọnị vaa sị ụya rị wa. Ọ kà Anijuda nịnị vị aza anị, ọnị Ẹnẹyịmavara Ochẹtẹẹngụ vaa tẹsị ẹnịnị. Ẹnịnị ẹ vaa vị umaata ịrẹkụ anị ana nyị ụkata nị.

Ịzakaraya 12:6

Ụmẹ ọnọọ Ẹnẹyịmavara kà ọnị vaa mẹ̀ Ijuda anka ịra ịnị iruku, a vị ịnị aarẹ ọnị akụ anị sị vị. Ẹnịnị vee vu avaba ẹkụra nịnị ana kara wa. Aza ene hi Ijerusarẹmị vaa ha tụ̀ ịzọọ.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ịzakaraya 9:13

Ọ kà ọnị vaa kara Ijuda anka ọkịta ọkụrẹkụ avọọ, dị ọnị mẹ Ehwireemi anka ọpa, dị Ịzayọnị ọnị sị mẹ anka ụhwọ ọnyeyẹẹva avọọ. Aza ẹnẹnị ọnị vaa sị beri anọrụ Anigirisi nịnị kụ̀ ịrẹkụ nị.

Iruuku 2:14

“À vẹ yaa sị ụbanyịị yị Ohomorihi ana yà ẹbẹẹba keekere, ọ vaa sị ẹngwọọrọ yị aza ene hi ịnị ẹhẹ ana ayị anị hine tù.”

Ịjọọnụ 14:27

“Maa mẹ ka wa nyị ẹngwọọrọ nịnị; ẹngụ ẹngwọọrọ ọnị mị nyị m maa mẹ̀ ka wa nyị nịnị nị. Ẹ yị vị ẹngụ ẹngwọọrọ ọnị ẹhẹ sịị yị ọza m maa mẹ̀ ka wa nyị nịnị. Asị ụ zẹẹ ka ayị awụ nịnị ò du; asị u re hí angwa nịnị!

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ẹtore 17:14

Ẹnịnị vee pe Ozi Atẹmẹ ọnọọ kụ̀ ịrẹkụ, ama Ozi Atẹmẹ ọnọọ ọnịrị aza ọnị ọ hị́, dị ọ nyị wa dị ẹ rẹ nyị ịzẹyịza hi ọọ, vaa nyị ehuna ẹnịnị, agụvị ka ọnị ọ nyị avaba aza nị; ọnị ọ vị Ohinọyị avaba ohinọyị nịnị nị.”

Ẹtore 19:14

Di isoja nịnị ẹbẹẹba aa saasa a nị. Ẹnịnị ệ tụra umaata ọvwọọvụ, di e chire awuru ọvụ ana nị sẹnẹ-sẹnẹ nị.