Imika 5:4 - IWE ỌNỊNỊ

⁴ Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Imika 5:4 ပူးပေါင်းရင်းမြစ်များ

Ahẹ Ụgama 145:12

Ọnọnị ọ vaa mẹ ka avaba aza ẹ̀ yẹ ụkọrọ ẹbanyị-ẹbanyị ọnị ụ mẹ ọnịrị ụbanyị ọnị waa sịị mẹ ohinọyị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 72:19

Ẹwụ ana maanị nyị ụbanyị, ị vaa kụ́ wụ avọ pooro nị. Ụbanyị awụ vi ene vee chì avaba ẹhẹ ẹngụ. Aamị, mị ka Aamị.

Ahẹ Ụgama 72:8

Ọnị ọ vaa vị ohinọyị avaba aha nị. Ọnị ọ vaa nyị ẹtẹ huu hụrẹ Okuha Iyuhwireti na ngụ ọzarẹyịrẹsụ ẹtẹ nị.

Ahẹ Ụgama 93:1

Ẹnẹyịmavara ọ vị ohinọyị, dị ọ sị ụbanyị mẹ awuru chire nị. Mị ka Ẹnẹyịmavara vị ana sị ụbanyị ọnịrị ụkata mẹ awuru chire. Ẹhẹ vị ọnị ụ sị jẹẹ nganganga, o yi zụ henyi.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ọyịkụra 23:21

Sị ụtọ pè e dị waa wụ́ ịrẹyị anị nịnị. Asị ụ na kụ̀ hịrẹ ẹ nịnị. Wàa na kụ̀ hịrẹ ẹ nịnị, ọ yị vaa vàa hụụnị anị, agụvị ka ẹma tụ̀ ọ nị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ayịsaya 49:5

Dị a va ma mị Ẹnẹyịmavara nyị mị nị; ộ mẹ̀ mị ozi ahụ anị ọnị ọ ka ọ kụ aza anị Isirẹrị ana gara hi ẹhẹ varẹma vẹ. Ẹnẹyịmavara ộ raà sị mị tụ ẹbẹẹba, dị ọ sị ụkata yị mị nị.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 52:13

Ẹnẹyịmavara kà, o vee zee yi ozi ahụ amị ịnị ụkọrọ anị; a vaa sị ụbanyịị yọ ẹtẹẹtẹrẹ. A vaa sị ọ tụ ẹba, dị ọ varẹma nyị ụbanyị ẹtẹẹtẹrẹ.

Ayịsaya 8:7

Ananyị yị ka ọnị vaa sị ohinọyị Anasiriyaa vẹ beri avaba isoja anị. Ẹnịnị vị ana vaa vẹ anka okuha ana aa kụ́ ọhaara dị aa káa jịnẹ abobo anị avọọ.

Imika 7:14

Ẹnẹ yị mā vara o, si okutẹ awụ we sii sere aza awụ. Aza ẹnẹẹ vị ogu awụ, dị ẹ ra ịnị ọpaapara nị. Dị ẹ vavọọ hi ịzọọ, â nyị ẹtẹ ozoza kara wa; kụ́ wa nọ ịnị ẹtẹ Ịbasanị ọnịrị ẹtẹ Anigiriyadi Ẹnịnị mẹ̀ vịdị ra ịzọọ, ẹtẹ ọnọọ ô zoza yị wa.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ịmarakayị 1:5

Anisirẹrị nịnị vaa sị eyi ẹnịnị re e, ẹ vaa kà a ka ụkata Ẹnẹyịmavara o chi avaba ẹtẹ ẹngụ.

Imatiwu 16:18

Dị ma rẹ kà a yị wụ ka ẹwa vị Ipita (ọnọọ vị ka ‘ịda’) ana yàa anka ịda nị. Ịrẹsụ ịda ọnọnị m maa dà ịragụ amịị tụ́ nị; isu ẹ yị vaa nyị ehuna anị.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Iruuku 1:32

Ọzọbanyị ọ vaa vị nị, Ozi Ohomorihi ene hu keekere a vaa hị́ ọ nị. Ohomorihi Ananyị yị vaa mẹ̀ ẹ ohinọyị tụ́ udi Idevidi ohiku anị.

Ịjọọnụ 10:38

Ama àa vị ụkọrọ Ada amị m maa mẹ̀ nị, wàa daka ka wẹ yị yaanị dọ mị wụ́ nịnị, â vọrọ ka wa dọ mị wụ́ nịnị agụvị ụkọrọ ẹbanyị-ẹbanyị ọnị maa mẹ̀. Ọnị ọ vaa mẹ ka wa yẹ pooro nịnị ka ẹmịrị Ada amị vị ọnya, ẹmịrị Ada amị ọ rẹ vabẹ.”

Ịjọọnụ 20:17

Dị Ijeesu kà a yọ ka, “Asị ụ sị ụvọ kanyị mị, agụvị ka mẹ yị varẹma nọ ẹbẹẹba ị́dị Ada amị! Ama na kà a yị ẹyịnyara amị ka: maa nọ ẹbẹẹba ị́dị Ada amị ana rẹ vị Ada ẹwụ nịnị; ọnị ọ vị Ohomorihi amị, dị ọ rẹ vị Ohomorihi awụ nịnị nị.”

Anẹhwẹsọsị 1:3

À vẹ ya sị ụga yị Ohomorihi Ijeesu Ikirisiti Ananyị yị, ọnị ọ rẹ vị Ada anị nị. Ohomorihi ọ raà mẹ̀ ịsa ọyịza yị ẹyị ẹnẹ ẹyịrị Ijeesu sị vị ọnya. Ohomorihi ọ raà sị avaba ịsa ozoza anị ana yà ẹbẹẹba ịdị anịị yị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”