Imika 5:3 - IWE ỌNỊNỊ

³ Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Imika 5:3 ပူးပေါင်းရင်းမြစ်များ

1 Ohinọyị 14:16

Ọ re vee yi Anisirẹrị tịtẹ agụvị ebira oni Ijerobowami mẹ. Ọnị ọ kụ́ Anisirẹrị nyeeyi ka ẹ̀ẹ mẹ̀ ebira odivi nị.”

2 Ịtọpa 30:7

Asị ẹ mẹ̀ ebira ohiku ẹnịnị ọnịrị avaba anda ẹnịnị Anisirẹrị ẹnẹ ẹ yị mẹ̀ ịzẹyịza ka Ẹnẹyịmavara Ohomorihi ẹnịnị na. Anka ụ me re wa, Ohomorihi vị ana nyayịnẹ sị ụya rị wa ẹtẹẹtẹrẹ.

Ahẹ Ụgama 67:3

Ohomorihi, navọ ahịka vị avaba aza va aa kụ́ wụ avọ nị, mị ka à kà ka avaba aza ẹ̀ẹ kụ́ wụ avọ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ijeremaya 23:5

Ẹnẹyịmavara kà, ụmẹ aa vẹ ọnị ọnị vaa nyị ozi Idevidi ọnya ana vị ọnịrẹyịzẹyịza ka ọ̀ vị ohinọyị. Ọ vaa sị ịzẹyịza mẹ ohinọyị, dị aa mẹ̀ ịsa ana vọrọ ọnịrị ịzẹyịza ịnị avaba ẹtẹ anị.

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ezikẹẹrị 34:16

Ọnị vee sị̀ ẹnị ene vu, ọnịrị ẹnị ana sị ha hụrẹ oze, dị ọnị kụ́ wa vavẹ eehi. Ẹnị ana ahụ aa zị, ọnị vaa jị ịsaa sụ ọ yị wa. Ọnị vaa mẹ ka ẹnị ana tụ ọkụmị ẹ̀ nyị ụkata. Ọnị vaa si eyi pe ẹnị ẹbanyị-ẹbanyị ana nyị ụkata, dị ọnị aa sị ịzẹyịza pa avaba ẹnịnị.

Ihoseya 11:8

Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Ihoseya 2:9

Agụvị avọọ, ịnị ụmẹ ịsa ọyịna, ọnị ọ yị vaa zẹ ka e re akụ ọnịrị ẹtụtụ ọchị anaā sịị mẹ̀ eche. Ẹnịnị e yi vee re ẹyị ịsụpa ọnịrị òwù ene e vee si hi achị kú ahwaahụ ẹnịnị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Imika 4:4

Ọzọza vaa ra ịnị ẹngwọọrọ. Dị ẹ yaa rị ịsa ịnị aarẹ ịvayịnị ọnịrị ihwigi ẹnịnị. Ẹ yị nyị ọza ene vee chẹrẹ wa angwa. Ẹnẹyịmavara Ochẹtẹẹngụ ọ vavọọ wo oto ọnọnị nị.

Imika 4:7

Ịzẹyịza aza ẹnẹẹ vị ọkụmị, di ahịka ẹkụra huu ọ dụ wa ne hi nị. Ọ kà ọnị rẹ vaa mẹ ẹnị ana vọ anẹkụra ana nyị ụkata. Dị ahịka ọnị ọ kụkụ vị ohinọyị ẹnịnị tụ́ Ijerusarẹmị pooro zịna nị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Imika 6:14

Ụ vaa vị ịsa, ama ịnẹ ọ yị vaa há wụ nịnị wàa daka rị ịsa ịrẹka awụ vị ana va tù osusu. Wàa kụ́ ịsa gụ, dị ahịka vị ọ ta hi ụvọ kẹnẹ nị. Ịsị wàa nyị dị ahịka ịrẹkụ o ve du ọ ha nị.

Imika 7:13

Avaba aha ana vọ ịnị ẹhẹ vị ana vaa chakaa ha. Ebira odivi aza ene hi ẹhẹ ọ vaa kụ́ ọnọọ vẹ nị.

Ịzakaraya 10:6

Ẹnẹyịmavara kà ọnị vaa sị ụkata yị Ijuda, ọnị aa dọ anineehi Ijosẹẹhụ ha. Ka ọnị ọ vayị ẹnịnị ọnị vaa va wa ịrẹma nọ udi ẹnịnị. Ẹnịnị vaa sị mẹ ka ọnị ẹ yị yi wa avọọ nị, ka ọnị Ẹnẹyịmavara ọ vị Ohomorihi ẹnịnị, ọnị vaa wụ́ aduwa ẹnịnị.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Imatiwu 25:40

Dị Ohinọyị vee tụ̀ ohi ka: ‘Ịzẹyịza, m maa kà a wụ nịnị nị, ụ mẹ̀ raà mẹẹ yị ene weyi hu ịnị ọhụva amị ẹnẹnị aanị, ẹmị ụ rẹ mẹẹ yị nịnị avọọ nị.’

Aniroomi 8:29

Aza oni Ohomorihi sị yẹ tịtẹ, dị ọ rẹ vịdị sị wa nyị tịtẹ ka ẹ̀ yà anka Ozi anị. Ozi anị ọnọọ ọ vaa vị ozi ịpaapa anị ịnị ẹnị ọrụrụ-ọrụrụ ana vọ ana vị ọyịnyara anị nị.