Imika 5:2 - IWE ỌNỊNỊ

² Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imika 5:2 ပူးပေါင်းရင်းမြစ်များ

Oyinyima 35:16

Di Ijekọvụ ọnịrị aza nị sị ụsẹ ẹnịnị hụrẹ Ịbẹtẹrị nị; ẹ yaa vaa ngụ ẹkụra ana aā hị́ Ehwirati, di Irechẹrị nyima dị aa barẹẹ nị. Ịrẹẹ ọnọọ ộ sị ụya rị ọ ẹnẹmẹhị.

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Oyinyima 48:7

Ọ kà agụvị ọnya anị ọnị vavọọ sị kà nị. Ọ kà ọnị mẹ̀ hụrẹ akẹbẹẹba Imesopotamiya aa vẹ Irechẹrị ve sú ịnị ẹtẹ Ikanaani nị. Ịrẹyị ọnọọ ộ zị ọnị ẹtẹẹtẹrẹ. Ọ kà ịjọnọọ ẹnị aa vaa ngụ Ehwirati. Dị ahịka oze Ehwirati ọnị ne e tụ́ nị. Ehwirati ọnọọ a kụkụ aa hị́ Ịbẹtịrẹhẹmị booro aanị nị.”

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

1 Ịtọpa 2:54

Ịsarịma ana dà Ịbẹtịrẹhẹmị ọ vị ohiku Aninetohwa, Anatịrọtị Ịbẹtị Ijowabi ọnịrị achẹva Animanahati ne beri Anizori.

1 Ịtọpa 4:4

 nyị ọnọrụ ana aā hị́ Ịpẹnụwẹrị. Ọnị ọ vị ada Ịgẹẹdọ, ọnịrị Ezeri ada Ihusahi nị. Ezi ẹnị Ihuuri ọ ma yị: ozi ịpaapa anị ọ rị Ehwirati, ada Ịbẹtịrẹhẹmị nị.

1 Ịtọpa 5:2

Ama ịrẹsụ ezi Ijuda ẹ vana nyị ụkata hu nị. Dị ahịka ẹnị ẹ vanaa mẹ ohinọyị yị avaba ịrẹsụ ana vọ nị).

Ahẹ Ụgama 132:6

I mè hi Ehwirati, yâ wụ́ ịrẹyị Apoti ịrẹyị oni Ohomorihi kà tịtẹ, di i ve ne tù apoti ọnọọ Ijaari nị.

Ahẹ Ụgama 90:2

Dị ụ va yẹ ka ụụ mẹ ataba nịnị ne beri eteesu ọnịrị ẹhẹ hụrẹ ụmọrụmọ ẹwụ vị vị Ohomorihi nị.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ọyịkụra 18:25

Di Imosiisi nyị aza hụụnị avaba Anisirẹrị ana zụ mẹ ẹkụra nị. Dị ọ sị wa mẹ odeyi aza ẹnẹẹ nị. Dị ọ sị wa mẹ odeyi aza ẹnẹẹ nị. Aza ẹnyị ệ sị eyi pè aza ẹnị akahị, dị aza enyi si eyi pè aza ẹnị ẹchẹhị, di aza ẹnyị vị aza ẹnị ẹvarẹwụ dị áaza ẹnyị vị aza ẹnị ẹẹwụ nị.

Ayịsaya 11:1

Irima ovwoovu Idevidi ana vị ozi Ijeese vị ana sị mẹẹ anka ọchị ana a ma, di igugu anị yị yà ịnị ẹtẹ avọọ. Anka igugu mẹ̀ẹ varẹma ha dị aa tụ́ avọọ, avọọ ọza ịnya mẹ vaa chịị hụụnị ovwoovu Idevidi dị ọ rị ohinọyị nị.

Ayịsaya 53:2

Agụvị ka ộ hụ ọvịdị Ẹnẹyịmavara anka ọchị ene èe yị kù ọnị ọ chị. Vị ọ rẹ sị mẹẹ ọchị anaa hà ẹ̀pà ịnị ẹtẹ ọyịwụ avọọ nị. Ẹ yị nyị ịsị ó vene; ẹ yị nyị ụbanyị ọnyọọnyị ana a vọrọ ka à sị kana eyi si ọ. Ẹ yị nyị ịsị ẹ yà ịnị ẹngụ anị ana a vọrọ ka ò tura ọza kà pe e.

Ayịsaya 55:4

Re, Ẹma mẹ̀ ẹ onivenu yị aza nị, dị mị mẹ̀ ẹ ọdọvịdị ọnịrị ọga isoja yị aza anị,

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Ijeremaya 30:21

Ọ kà, ịnị ẹngụ ẹnịnị ẹ vaa nyị ọdọvịdị ẹnịnị ọnịrị ohinọyị ẹnịnịị hụrẹ nị. Ọnị vee turaa pe ẹngụ dị ọ gụrị ọnị, agụvị ka ẹ́ yị nyị ọza ana nyayịnẹ ka pe ọnị ẹ̀ẹ vị ọnị hị́ ọ.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Ịzakaraya 13:7

Ẹnẹyịmavara Ochẹtẹẹngụ kà ụhwọ ọ kwẹẹtẹ tu oseratẹmẹ anị ana mẹ ụkọrọ yị ọnị. Ọ wù ọ dị atẹmẹ anị gara hi ozi. Ọnị a va eyi ịraazị ka aza anị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Iruuku 23:2

Dị ẹyaa sị ịrẹyị anịị tụ́ ịrẹka nị ka, “Yâ za ọnọrụ ọnọnị ka ee du ẹkụra ayị; ọ ka asị ẹ rẹ̀ tụ́ ẹkẹhị irehi yị ohinọyị Aniroomi. Ọ rẹ ka ọnị ọ vị Ikirisiti ana vị ohinọyị nị.”

Iruuku 23:38

Dị ẹ chẹrẹ ịrẹyị ọnọnị tụ́ akẹbẹẹba nị ka, “Ohinọyị Aniju nịnị yị”.

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Iwe Ọhụhị Imosiisi ana aa hị́ Ọyịvatụrọda 1:15

Dị Imosiisi sị aza ẹnẹ ẹ nyị aanị mẹ ọdọvịdị ẹnịnị nị. Aza ẹnyị ịnị ẹnịnị vị ọga tụra aza akahị ịrẹsụ nị, ẹnyị aza ẹchẹhị, a vị ẹvarẹwụ, a vị aza ẹnị ẹẹwụ.

Anikorasi 1:17

O si kù ọnị ọ hụrẹ yà ịzọọ, dị a va yẹ ka aa mẹ avaba ịsa. Ọnị ọ za avaba ịsa jẹẹ nị

Anihiburu 13:8

Ijeesu Ikirisiti yị vị ọnyọọnya ẹẹrị ọnịrị ajịnị ne beri pooro zịna-zịna.

Anihiburu 7:14

Yâ yẹ ka Ananyị yị vị ana chị hụụnị ovwoovu Ijuda vẹ. Imosiisi ọ yị hị́ ịrẹha anovwoovu ọnọọ, àaa kà ịrẹyị ini oze ohirẹsụ irehi Ohomorihi.

1 Ịjọọnụ 1:1

Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.

Ẹtore 19:16

 chẹrẹ ịrẹha ọnya aanị tụ́ ịnị awuru anị ọnịrị ịnị usi anị ka, “Ọza ana nyị avaba aza ọnị Ohinọyị avaba ohinọyị nịnị.”

Ẹtore 2:8

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ịsịmụna ka: Ọza ana vị ọnịpaapa ọnịrị ọdịrẹma, ene sú dị ọ rẹ varẹma yàra, ọ tụ́ ụtụ ọnọnị nị.

Ẹtore 21:6

Dị ọ ka, “A sị ọọ mẹ! Ẹma vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma. Ọza ene enyi àa kụ̀, mị vaa sị enyi ene ee sìi hụụnị enyi ẹtẹ anaā mẹ ka ọza ọ̀ yàra pooro zịna-zịna, yọ ọọhẹ.

Ọdọvịdị 17:7

 nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị.

Iruutu 1:1

 nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị.  nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi.

Iruutu 4:11

Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 17:18

Dị ọ ka ọ̀ rẹ sị ịrẹva ụnọ ana za avụsụ ana a yẹrẹ tụ́ oze ẹẹwụ, dị ọ̀ sị na yị ọga isoja ana si eyi pe isoja akahị. Di Ijeese rẹ ka Idevidi ò họ̀ use ẹnẹbẹnị anị nịnị ẹ̀ẹ dahi, dị ọ̀ rẹ dọ wa ụtụ vẹ ana sị zụ̀ ka ệ dahi.

1 Ịsamụwẹrị 23:23

Ne họ̀ use avaba ịzị ọ̀ọọ̄ tẹ, dị wa yẹ dị wa va kà a mị nịnị. Màa sị yẹ ka ọ yà ịzọọ, dị ẹmịrị ẹwụ nịnị zị na. Aha tụra aha ọnị ọ̀ọ yà ịnị Anijuda nịnị, mi vee sì ọ di me re e.”

1 Ịsamụwẹrị 8:12

Dị Ohomorihi rẹ ka, Â nyị ezi ẹwụ ịnị ẹnyị ọnị o vaa sị mẹ ọga isoja ana a gà hi udi-udi. Aza ẹnyị vaa vi isoja akahị, dị ẹnyị vị isoja ẹvarẹwụ. Ọ rẹ vaa kụ́ aza ẹnyị ana vaa dà aarẹ yọ, dị ẹnyị ee tụ́ ẹnya ịrẹkụụ yọ, dị ẹnyị raa mẹ ịkẹkẹ ọnị ọ vaa sị kụ́ ịrẹkụ.