Imika 5:1 - IWE ỌNỊNỊ

¹ Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.

Imika 5:1 ပူးပေါင်းရင်းမြစ်များ

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

2 Ohinọyị 24:2

Ẹnẹyịmavara ộ tụ́ isoja Ikaridi, Aramị, Imowabi, ọnịrị Amọnị nịnị ka ẹ kụ́ ịrẹkụ tụ́ Ijuda di e vu wa ẹtẹ anka Ẹnẹyịmavara mẹ vịdị raà tụ́ ọnịsẹ anị ka ọnị va mẹ̀.

Ijoovu 16:10

Aza vị anaa sị ọnị mẹ enyinyi. Dị ẹ ọkọnị aza ana kara ọnị aa nya ọnị arịhwọtọ nị.

Ụhịrẹyị 8:23

Hụụnị ọyịnyima dị a va yẹ ka a mẹ ẹhẹ a hụrẹ tụ ọnị nị.

Ayịsaya 10:6

ka me si tụ́ aza ẹnẹ ẹ̀ yẹ ẹmị Ohomorihi. Mâ tụ́ wa ka ẹ̀ na kụ́ ogu aza ana mẹ ayị kụ́ mị. Mị ka ẹ̀ na vara wa eteesu dị ẹ̀ẹ kụ́ ahụụ hi wa ini orere.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ayịsaya 8:9

Ẹwụ nịnị anẹkụra, wàa zụ wa kụ́ vabẹ nịnị, vị a vaa gara wụ nịnịị ha nị. Batọ nịnị, o ẹwụ nịnị ana hụrẹ ụtọ ẹhẹ vẹ. Gù ịrẹkụ awụ nịnị ẹtẹẹtẹrẹ, mị ka vị aa gara wụ nịnịị ha nị.

Ayịsaya 9:5

Adava oku isoja nịnị ana ngụ tu wa ọnịrị awuru anya-anya ẹnịnị vị ana vaa rị ịra vaa ha.

Ijeremaya 25:9

Ọnị vaa tụ́ụ hị́ avaba aza ene hi Ịbabịrọnị ọnịrị ozi ahụ anị, Inebukadineza, ohinọyị Ịbabịrọnị ka ẹ̀ kụ ịrẹkụ va ngụ Ijuda. E vee pè avaba aza ene hi Ijuda ọnịrị avaba ẹkụra ana kara waa kụ̀ ịrẹkụ. Ẹnẹyịmavara kà ọnị vee vu Ijuda ọnịrị aza ana kara wa ẹtẹ saka-saka ana ahịka aza èe ré e angwa vị ene vee hí wa pooro zịna-zịna.

Ijeremaya 4:7

Ịsị ee du ẹkụra ha ọ sị jịnẹ tụ ẹhẹ aa vẹ, anka idu ana jịnẹ hụrị aha ọyị tẹ anị avọọ. Ee vee du Ijudaa ha. Avaba ẹkụra ene hi Ijuda vị ọnị vee vú ẹtẹ dị ẹ yi nyị ọza ana kụkụ ra ịnị anị.

Arụwẹ 3:30

Àa daka à nyị ayị arụhwọtọ dị aa kụ yị ụhụ nị, ya sị ẹngụ dọ ọ.

Ezikẹẹrị 21:32

Ọnịvị awụ nịnị vaa jị wụ nịnị hi ẹtẹ ịnị ẹkụra awụ nịnị, dị a rị wụ nịnị ịra ọza ẹ́ yị ma vana tamayị awụ nịnị. Avọọ Ẹnẹyịmavara mẹ kà nị.

Ezikẹẹrị 24:2

Ozi-ọza, ọnị ọ̀ chẹrẹ ẹkụhị ọnọnị tịtẹ, agụvị ka ẹkụhị ọnọnị gẹdẹ-gẹdẹ ohinọyị Ịbabịrọnị si nyima ee gu ịrẹkụ tu Ijerusarẹmị nị.

Ịdanịyẹrị 9:25

Ộ ka agụvị avọọ ọnị ọ yẹ́ ọsọnị ọ vaa mẹ ịrayị ẹtarẹwụ oze ịhịmba hụrị ụmẹ ọnị Ohomorihi sị mẹ ọda ka ene tenyi Ijerusarẹmị dà aanị pooro ne tu ka ọdọvịdị ọnị Ohomorihi nyị ọ vẹ. A vaa sị ịrayị ẹbẹẹta tụra ẹẹva oze ịhịmba tenyi Ijerusarẹmị dà. Dị aa tu oze hi ọ, dị a rẹ jị ọvọ kara a. Ama aza Ohomorihi vaa rị ụya o.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

Emọsị 2:3

Ọ kà ọnị vaa wụ̀ Ohinọyị ọnịrị ọdọvịdị Animowabi nịnịị ha.

Ihabaku 1:6

Ẹnẹyịmavara kà ọnị vaa kụ́ Anibabironi nịnị kwẹẹtẹ ka ẹ dọ̀ avaba ẹkụra ene hi ẹtẹ ọnọọ, dị ẹẹ mẹ ịjọva tụra wa ịrẹsụ. Anibabironi ẹnẹẹ ẹ divi. Ẹ yị nyị aza ene hi wa ụhwẹ.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Imatiwu 26:67

Dị ẹyaa jị atẹẹ kú Ijeesu eyi, di eyee hú ọ ọsẹ nị. Dị aza ẹnyị aa nya a arụhwọtọ nị,

Imatiwu 27:30

Dị ẹyaa jị atẹẹ kú ọọ nị, dị ẹ dọ ọ okutẹ ọnọọ, dị ẹyaa vàa hi ọọ ịrẹsụ nị.

Imatiwu 5:39

Ama ẹma kà a yị wụ nịnị nị ka, ọza ọ̀ọ mẹ wụ odivi, asị u sí ọ atọ! Ọza ọ̀ọ nya wụ arụhwọtọ eyi ụvọrị, rẹ vara eyi ọsa kà a bẹẹ.

Ịjọọnụ 18:22

Ịjị Ijeesu maanị sị kà, dị ọnya ini iporisi ana jẹẹ ịzọọ nya Ijeesu arụhwọtọ, dị ọ ka, “Ohirẹsụ ọbanyị irehi Ohomorihi ụ vavọọ aa kà ịrẹyịị yị nịị?”

Ịjọọnụ 19:3

Dị ẹyaa kụ́ ọọ ka, “Taarụ, ohinọyị Aniju nịnị.” Dị ẹyaa nya a arụhwọtọ nị.

Odeyi 23:2

Di ohirẹsụ ọbanyị irehi Ohomorihi ana aā hị́ Ananịya kà a yị aza ana jẹẹ gụrị Ịpọọrụ ka ẹ̀ nya a ịsa ini irenu nị.

2 Anịkọrịntị 11:20

Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị.

Iwe Ọhụhị Imosiisi ana aa hị́ Ọyịvatụrọda 28:49

Ẹnẹyịmavara vaa hị́ anẹkụra ọnya hụrẹ aha ẹnẹẹnẹ vẹ, dị ẹ va eyirazị kà wụ nịnị. Anẹkụra ọnị wẹ̀ yị wụ ẹkụra ẹnịnị ẹ vị nị. Ẹ vaa ngụ wụ nịnị chire anka ọkasịmẹ mee che uye obonobono avọọ.

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

Ọdọvịdị 17:7

 nyị ozi Anireevi ọnya ịnị ẹkụra Ịbẹtịrẹhẹmị ịnị ẹtẹ Ijuda dị ọ vị ozi ịnị abara Ijuda nị.