Imika 4:8 - IWE ỌNỊNỊ

⁸ Ijerusarẹmị, ẹwụ vi irehi ọgọdọ oni oserẹtẹẹ̄ yà. Avọọ Ohomorihi mẹ̀ vaa yà ịzọọ di èe sere aza anị nị. Ụ rẹ vanaa vaa vẹ udi awụ anka ohirẹsụ ẹkụra aza awụ.

Imika 4:8 ပူးပေါင်းရင်းမြစ်များ

Oyinyima 35:21

Di Ijekọvụ ọnịrị aza anị sị ụsẹ ẹnịnị aa na nị. Ọ mẹ̀ sị para irehi ọgọdọ ana yà Ederi hu, dị ọ jị ajẹngụ anị tụ́ ịzọọ nị.

2 Ịsamụwẹrị 5:7

Ama Idevidi ọ va sị ịzị isojaā tẹ̀ rị. Ịzọọ aā hị́ Ẹkụra Idevidi nị.

Inehemaya 3:25

Ipararị ozi Uzayi ộ tụra ọvọ aha okuvọ na ngụ ịpa oregerege irehi ohinọyị ọnịrị ẹbẹẹba irehi oserẹtẹ. Dị Ipedaya ozi Iparosi ọnị ọ rẹ tụra ọvọ ana gụrị Ipararị nị.

Ahẹ Ụgama 24:7

Nā và hi ẹtẹ nịnị, ẹwụ nịnị oze ẹwụ nịnị oze ana yà ịzọọ hụrẹ ụmọrụmọ agụvị Ohinọyị ana nyị ụbanyị ọ̀ ngụ eehi.

Ahẹ Ụgama 48:3

Ohomorihi ọ raà sị zụ̀ ka ọnị yà ịnị ẹkụra ọnọọ agụvị avọọ ọnị ọ yị vaa zẹẹ ka à nyị ịsị ẹ kanyị aza ene hi ịzọọ.

Ahẹ Ụgama 61:3

Ohomorihi, ẹwụ ee sere mị ka asị a nyị ịsị ẹ mẹ̀ mị, nọ Wẹ yị zẹẹ vụrụ-vụrụ ka ọnịvị ò re oze kanyị mị.

Ahẹ Isoromọnị 4:4

Ọrọkọ awụ vị ana jẹ ga anka irehi ọgọdọ ọnị Idevidi dà ka aa kụ ẹnya ịrẹkụụ hị́ avọọ. Aa yooro aanị; dị ọswa nị. Ịsọbẹ awụ sị mẹẹ anka ogonto tuturutu ana a kụ gẹ ịnị irehi ọgọdọ ọnọọ avọọ nị.

Ayịsaya 1:26

Ọ rẹ ka ọnị vaa sị ẹngụ ọmọkarẹyị anịyẹẹyẹ vaa wụ̀ nịnị ne beri ẹngụ onuwọjị ịyẹẹyẹ. Ịjọnọọ a rẹ vanaa hị́ wụ anẹkụra ana aa mẹ ịzẹyịza, dị a ka wâ nyị ayị ọnya.

Ayịsaya 10:32

Ọnịvị nịnị ẹ va sị ngụ ẹkụra Inobi ajịnị, eyee che ọpẹẹ hi ataba ana yà Ijerusarẹmị.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ọbadaya 1:21

Aza ẹnị Ẹnẹyịmavara dọ ha vaa ra ịrẹsụ ataba Ịzayọnị, dị ẹ̀ yaa mẹ̀ ịjọva tụra Anedomi ịrẹsụ. Ẹnẹyịmavara vaa vị ohinọyị tụra wa ịrẹsụ.

Imika 2:12

Ẹwụ nịnị Anisirẹrị ana vọ, Ohomorihi vaa kụ́ wụ nịnị gụ. Ọ vaa kụ̀ wụ nịnịị gụ anka atẹmẹ ana wara va gụ ini eehi ẹnịnị avọọ. Aza rẹ vanaa gụ hi ịnị ẹtẹ ọnọnị anka atẹmẹ mẹ̀ẹ gụụ hi ịzị ẹẹ̄ rị avọọ.

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ịrịka 24:19

Dị Anisirẹrị nịnị kụkụ aa mẹ ohinọyị tụra wa ịrẹsụ, di e vu aza ana vọ ẹtẹ.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Ịmaakị 12:1

Dị Ijeesu nyima aa sị ụhịrẹyịị kà ịrẹyịị yị wa nị; dị ọ ka, “Â nyị ọza ịnya aanị ana dà ụbazị, dị ọ hị́ ọchị ana aā hị́ ịvayịnị tụ́ ịnị anị nị. Dị ọ rẹ họ̀ kara a nị. Ộ jị ụkọ ịzị a vaa yàa kwọrọ ẹtụtụ ọchị ẹnẹẹ, dị ọ re hi ụta oserẹtẹ tụ́ ọọ nị. Ộ sị ụbazị ọnọọ rere aza ẹnyị aanị ka ọnị ọ̀ọ dọ wa ọtụrọsarẹsụ anị. Di o si hu aa hụrẹ eehi nị.

Anẹhwẹsọsị 1:21

Ikirisiti ọ kụkụ nyị ẹbẹẹba avaba anggẹẹrị ọnụkata nị, ọnịrị avaba aza ana nyị ọda ọnịrị ụkata beri ohinọyị nịnị nị. Ọnị ọ nyị ẹbẹẹba ịsa tụra ịsa ọnị ọza ọ̀ọ hị́ ẹngụ anị ịnị ẹhẹ ọnọnị ọnịrị ịnị ẹhẹ ana aa vẹ nị.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.