Imika 4:5 - IWE ỌNỊNỊ

⁵ Ẹkụra ọzọza ẹ nyẹngụ aa hẹkẹ ori ẹnịnị Ẹnẹyịmavara ana vi Ohomorihi ayị ẹ́ yị vaa hẹkẹ pooro zịna-zịna nị. Anisirẹrị vaa vaa vẹ eehi.

Imika 4:5 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

2 Ohinọyị 17:29

Ama aza ana ra hi Ịsamarịya vị anaa yịị mẹ ori ẹnịnị, dị ẹ kụ wa hi ịnị aha ori ọnị Anisirẹrị nịnị vịdị da hi ẹtẹ. Ẹ́ mẹ̀ ya ogu irenyi-irenyi vị ọnị ọzọza mẹ ori anị hi ịzị ẹ ra.

2 Ohinọyị 17:34

Ịsị ẹẹ̄ mẹ ịyẹẹyẹ vị ẹnẹ ẹyaa yịị mẹ pooro tu ajịnị. Ẹnịnị ẹ yị hẹkẹ Ẹnẹyịmavara, dị ẹnịnị ẹ̀ yị rẹ saasa ọda ọnị ọ mẹ dị ọ sị yị Ijekọvụ ohiku ẹnịnị nị. Ijekọvụ ọnọọ ọ rẹ sị ịrẹha yị ka ọnị ọ rị Isirẹrị nị.

Ahẹ Ụgama 20:6

Mâ yẹ kaakara ka ọza oni Ohomorihi raà nyị ka ọ̀ vị ohinọyị vị ọnị ọ vaa dọ ọ tụ́ Ohomorihi ana yà ẹbẹẹba ộ va wụ́ aduwa anị, o nyị ụkata ọnị ọ vaa sị dọ ọ tụ́.

Ahẹ Ụgama 48:14

Ohomorihi ọnọnị ọ vị Ohomorihi ayị pooro zịna-zịna nị Ọnị ọ vaa zụ̀ yị oze pooro ịnị ẹhẹ nị.

Ahẹ Ụgama 71:16

Ẹnẹyịmavara Ananyị yị mị vaa vẹ dị ma vaa kà a ịzị ụ nyị ụkata na za. Ịsa ozoza ẹnị ẹwụ ịnya aa mẹ kẹnẹ mị vaa kà nị.

Ayịsaya 2:5

Ẹwụ nịnị ezi Ijekọvụ, vẹ yaa mẹ̀ ebira ẹtohweyi ọnị Ẹnẹyịmavara raà sị zụ̀ yị.

Ayịsaya 26:13

Ẹwụ Ẹnẹyịmavara ana vị Ohomorihi ayị, aza ẹnẹsa ẹ raà mẹ ịjọva tụra yị. Ama ẹwụ nya kẹnẹ ị yaa sị ụbanyịị yị nị.

Ayịsaya 26:8

Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị. Yàa tamayị ịsa ọnị ụ mẹ, dị ịnẹ sị yị há.

Ijeremaya 32:40

Ẹnẹyịmavara kà, oto ọnị ọnị vee woo yị wa ẹ́ yị vaa nyị ẹzẹtẹ. Ọnị vị ana vaa mẹ ọyịzaa yị wa pooro, ọnị vaa mẹ ka ẹnịnị ee hí angwa nị, dị à sị ẹnịnị kụkụ va ịrẹma anị.

Ịzakaraya 10:12

Ẹnẹyịmavara kà, ọnị vaa mẹ ka aza ẹ nyị ụkata, dị ẹẹ hẹkẹ ọnị, dị ẹẹ wụ́ chire ọnị.

Odeyi 14:16

Ịyẹẹyẹ, ộ zẹẹ ka ọzọza ọ̀ọ mẹ ịsị èe zé wa eyi.

Iwe Ọhụhị Imosiisi ana aa hị́ Ọyịvatụrọda 27:10

Agụvị avọọ, ẹ wụ́ chire e, dị ẹ sị ụvọ za avaba ọda anị ọnị ọnị aa sị yị wa ajịnị.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.