Imika 4:3 - IWE ỌNỊNỊ

³ Ohomorihi vaa mẹ̀ ọkarẹyị yị anẹkụra ene ee pè ẹngụụ zyaazị, ẹkụra ẹbanyị ana nyị ụkata ana gụrị ẹtẹ ọnịrị ene noze. Ụhwọ ana aza ẹnẹẹ vịdị aa sịị kụ́ ịrẹkụ vi eni e venee si tụ́ ẹdụ ana a sịị kụ́ ịrịkụ. Dị ẹ sị ọha ẹnịnị tù ụhwọ ana a sịị mẹ̀ ụkọrọ ini aarẹ, aanị tụ́ ịnị ịrẹyị ẹnịnị. Mị ka o vee ji ịrazị ana aza ee pè ẹngụụ zị. Anẹkụra ẹ mā vana kwẹẹtẹ tụ́ ẹngụ ka vị ẹnị aa kụ̀ ịrẹkụ nị. Ẹ yị kụkụ vaa nyị ka vị aza aa kọsẹ ịrẹkụ nị.

Imika 4:3 ပူးပေါင်းရင်းမြစ်များ

Ahẹ Ụgama 46:10

Ohomorihi ka ẹ̀ za ụvọ jẹẹ, asị ẹ rẹ kụkụ kụ̀ ịrẹkụ dị ẹ̀ yẹ ka ọnị ọ vị Ohomorihi nị ọnị ọ vị Ohomorihi nị Avaba anẹkụra ene hi ẹhẹ vaa sị ụbanyịị yị ọnị

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ahẹ Ụgama 72:3

Navọ ò ve zoza yị avaba aza ene hi ini ẹtẹ awụ, dị ahịka ịzẹyịza avaba aza aa mẹ nị.

Ahẹ Ụgama 72:7

Ụmẹ ohinọyị ọ̀ vị ụmẹ ana avaba aza vaa sị mẹ ịzẹyịza dị ahịka vi ee zozaa yị avaba aza pooro dị ẹhẹ ọ̀ kara ụ̀pa nị.

Ahẹ Ụgama 82:8

Ohomorihi, navọ wa kwẹẹtẹ dị wa mẹ̀ ọkarẹyị anẹhẹ. Ẹwa nyị avaba anẹhẹ nị.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ayịsaya 2:4

Ohomorihi vaa mẹ̀ ọkarẹyị yị anẹkụra ẹbanyị-ẹbanyị ana àa nyị ahankata. Ụhwọ ana aza ẹnẹẹ vịdị aa sịị kụ̀ ịrẹkụ vi eni e vene sii tụ́ ẹdụ, dị ẹ rẹ sị ọha ẹnịnị tụ́ ụhwọ́ ana a sịị mẹ̀ ụkọrọ ịnị aarẹ. Anẹkụra nịnị ẹ mā vana kwẹẹtẹ tù ẹngụ ka vị ẹnị aa kụ̀ ịrẹkụ nị. Ẹnịnị ẹ yị kụkụ vaa jị ẹnya ịrẹkụ.

Ayịsaya 25:3

Ọsọnị vaa mẹ ka anẹkụra ana nyị ụkata ẹ sị ụbanyịị yị wụ Avaba anẹkụra ẹnẹ ẹ̀ yị mā vayị ọza è hí angwa awụ dị.

Ayịsaya 51:5

Ộ ka aza ene hi akẹnẹ enyi vị ana kụ eyi hi ẹba ee zi ọnị eyi. Ọnị vee jintu vayị ẹnịnị, dị ọnị dọ wa ha. Ọnị vaa vị ohinọyị ẹnịnị.

Ayịsaya 60:12

Anẹkụra ene yi ka ọnị ẹ yị hẹkẹ wu vị ọnị e vee vu ẹtẹ.

Ayịsaya 65:25

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ihoseya 2:18

Ộ kà ọnị vaa dọ ka Isirẹrị ọ̀ ra ịnị ẹngwọọrọ. Ọnị vaa mẹ̀ ka asị uye ịnị avị nịnị ọnịrị inomi nịnị kụ́ akanya tù ọ. Dị ọnị rẹ kụ́ ịrẹkụ hụrẹ ẹtẹ kwooze yị ọ.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ijowẹrị 3:2

Ọnị vaa kụ́ avaba anẹkụra nịnị gụ́ ịnozi Ijehosahwati ịzị ọnị vaa họ̀ oponu. Ọnị vaa sị ụya rị wa agụvị ịsị ẹ mẹ̀ aza anị. Ệ dụ aza anị Anisirẹrị ne hi ẹkụra ọsa, dị ẹ ga ẹtẹ ẹnịnị hị́ ẹngụ ụvọ nị.

Imika 5:15

Ọ kà ayị vaa kụ́ ọnịị tù anẹkụra ana ka ẹnị ẹ mā wụ́ ịrẹyị anị Dị ọnị tana ụvọ za wa.

Ịzakaraya 14:3

Ẹnẹyịmavara vaa va eyi ịrẹkụ ka avaba anẹkụra ẹnẹẹ anka ộ vịdị mẹ̀ ẹ avọọ.

Ịzakaraya 8:20

Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị

Ịzakaraya 9:10

Ẹnẹyịmavara kà a ọnị vaa kụ́ ịkẹkẹ ịrẹkụ hụrẹ Ehwireemi, dị ọnị kụ́ umaata hụrẹ Ijerusarẹmị; Dị ọnị che ọkịta ana a sị kụ́ ịrẹkụ ha. Ohinọyị ẹnịnị vaa mẹ ẹngwọọrọ beri anẹkụra nịnị ana vọ. Ọ vaa mẹ ịjọva hụrẹ oku ẹnyị na ngụ ọsa, hụrẹ irehu ọnyị na ngụ ọsa.

Odeyi 17:31

Ohomorihi ộ nyị ẹkụhị ọnya ọnọọ vaa sị sị ịzẹyịzaa mẹ̀ ọkarẹyị avaba anẹhẹ. Ọ vavọọ vaa mẹ ini oze ọza ọnị ọ sị nyị. Ọ raà sị zụ̀ avaba aza ka ịzẹyịza yọ, ọ mẹ̀ ha ọza ọnọọ hụụnị isu.”

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”