Imika 4:13 - IWE ỌNỊNỊ

¹³ Ẹnẹyịmavara kà ẹwụ nịnị Anijerusarẹmị ọ̀ kwẹẹtẹ. Ọ kà wa kwẹẹtẹ di we nee tù ọnịvị awụ nịnị. Ọ kà ọnị vaa mẹ ka wa nyị ụkata anka ụnọ ana nyị ọpanyị enyusẹ Dị ọnị sị ụkata wụ nịnị anka ụnọ ana nyị ẹtụpa enyusẹ Dị ụ vavọọ aa sịị gara ọnịvị awụ nịnịị ha. Dị ụ kụ́ avaba ogu ẹnị ẹ sị ụkata dọ aza. Dị ụ dọ wa dị ụ sị na yị Ẹnẹyịmavara ana nyị avaba ẹhẹ.

Imika 4:13 ပူးပေါင်းရင်းမြစ်များ

Ahẹ Ụgama 24:1

Ẹnẹyịmavara ọ nyị ẹhẹ, ọnịrị avaba ịsa ene hi ini anị nị. Ọnị ọ rẹ nyị aza ene hị́ ịnị anị nị.

Ahẹ Ụgama 68:29

Ohinọyị nịnị vaa kụ́ ịsa vaa yị wụ ini eehi awụ Ijerusarẹmị ịzị ụ vavọọ ya mẹ.

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Ayịsaya 18:7

Ụmẹ ọnya aa vẹ. Ịhị ọnọọ anẹkụra ana hụ, dị ẹngụ ẹnịnị swa ana avaba azaa hí angwa anị aanị vaa kụ́ ẹyịza vaa yị Ẹnẹyịmavara, Anẹkụra ọnị maa kà aanị vị ọnọyịha, ọza ọ yị wụ́ ẹkụra ẹnịnị. Okuha vị ana gà ẹkụra ẹnịnị hi. Ẹ vaa kụ́ ẹyịza ẹnẹẹ vẹ ịnị ataba ịzị a yà aa hẹkẹ Ẹnẹyịmavara Ochẹtẹẹngụ.

Ayịsaya 21:10

Ẹwụ nịnị aza amị ana a raà za eyi kwọrọ ẹtẹ, ịrẹyị ẹnẹ Ẹnẹyịmavara Ochẹtẹẹngụ sị zụ̀ mị mị kà wụ nịnị avọọ nị.

Ayịsaya 23:18

Ama ọgụ ọnị ọ̀ọ rị vị ọnị ọ vaa sịị yị Ẹnẹyịmavara. Ọza ọ yị kụkụ vaa kụ́ ọ tẹ. Aza ana ra ịda Ẹnẹyịmavara a vaa kụ́ ọgụ ẹnẹẹ naa yị nị. Dị ẹnịnị aa sị rị ịsa ẹtẹẹtẹrẹ, dị ẹ rẹ yaa sịị hị́ ịta ozozaa kú ẹngụ.

Ayịsaya 5:28

Ọpa ẹnịnị ệ rẹ, ọzọza vị ana tụra ọkịta anị. Ẹtụpa umaata ẹnịnị ộ katẹngụ hu ịrẹta. Ụkẹkẹ ịrẹkụ ẹnịnị oni umaata tụra ọnị ộ rẹ anka ahị.

Ijeremaya 51:20

Ẹnẹyịmavara kà, ẹwụ nịnị Anibabironi, ẹwụ nịnị ọ vị ana sị mẹ ịhama (ọkụkụ) ọnịrị ẹnya ọnị sịị kụ ịrẹkụ avọọ. Ẹwụ nịnị ọnị sị gara ẹkụra-ẹkụra ọnịrị ohinọyị nịnị ha rugu-rugu nị.

Ijeremaya 51:33

Ẹnẹyịmavara Ochẹtẹẹngụ, Ohomorihi Anisirẹrị nịnị ka, ezii Anisirẹrị nịnị vị ana sị mẹẹ anka ịzị eē tụ́ akụ avọọ. A vaa sẹ́ waa vàa hi ẹtẹ ịsọnị-ịsọnị, dị aa kụ ahụ pịrị wa.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ihoseya 10:11

Anehwireemi nịnị vịdị aa mẹ̀ ebira anka ozi ụnọ anaa pà ene si aā sị ọnị tụ́ ịsa ọyịna avọọ. Ẹnẹyịmavara kà a ọnị vaa da ẹnya tụ́ ịnị ọkẹkẹrẹ anị, dị ọọ mẹ̀ ụkọrọ ana katẹngụ hu avọọ. Ẹnịrị Anijuda nịnị ee du avị dị ẹ rẹ jị ịrụkụ anị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ihabaku 3:12

Dị Ẹnẹyịmavara, sị ọyịkụ-ọyịkụ zị ụsẹ che ẹtẹ parahu, dị ọ sị ayodu sị ahụ hi avaba anẹhẹ nị.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ịzakaraya 12:6

Ụmẹ ọnọọ Ẹnẹyịmavara kà ọnị vaa mẹ̀ Ijuda anka ịra ịnị iruku, a vị ịnị aarẹ ọnị akụ anị sị vị. Ẹnịnị vee vu avaba ẹkụra nịnị ana kara wa. Aza ene hi Ijerusarẹmị vaa ha tụ̀ ịzọọ.

Ịzakaraya 4:14

Dị anggẹẹrị kà, aza ẹnị ẹ ẹẹva ọnị Ohomorihi nyị ka ẹẹ hẹkẹ ọnị ana nyị avaba ẹhẹ nị.

Ịzakaraya 6:5

Dị anggẹẹrị tụ́ ohi, dị ọ ka, Ẹnị ẹyịna vị ụhwẹ ana hụrị ẹbẹẹba chi vẹ. Ẹnịnị vị ana aa jịnẹ tụ́ ẹhẹ ịrẹma ọnị ẹ raà jẹẹ ọvịdị Ẹnẹyịmavara ana nyị ẹhẹ ọnọnị.

1 Anịkọrịntị 16:2

Ịnị ẹkụhị ọsẹ ẹkụhị ọsẹ, ọzọza ọ̀ọ sị ịnị ẹkẹhị anịị tẹ̀, anka ọpa ẹkẹhị ọnị ọ nyị; agụvị ịhị màa vẹ ịdị awụ nịnị, asị a na nyị ka àa dọ ẹkẹhị.

Iwe Ọhụhị Imosiisi ana aa hị́ Ọyịvatụrọda 33:25

Oze enyusẹ e vee si gu ẹkụra ẹnịnị. Ẹ yị nyị ịsị ẹ vaa mẹ wa pooro.

Ijosuwa 6:19

Ama ọ ka, avaba ịsa ana sị isiriva ọnịrị Igooru beri enyusẹ ozoza-ozoza ana vọ mẹ, vị Ohomorihi. Ẹnịnị e kụ wa na tụ́ ịnị irehi anị.