Imika 4:11 - IWE ỌNỊNỊ

¹¹ Ẹwụ nịnị Anijerusarẹmị anẹkụra ọrụrụ ẹ kụ́ kwẹẹtẹ tù wu Ẹ ka à wụ Anijerusarẹmị ha, dị à jị ịzọọ eburu, dị ụhị ọ̀ nyị wa.

Imika 4:11 ပူးပေါင်းရင်းမြစ်များ

Ahẹ Ụgama 129:5

Avaba aza ana kụ́ ayị Ịzayọnị vị ana vaa sị ụhị-ụhị varẹma.

Ahẹ Ụgama 83:5

Ẹnịnị ẹ sị vabẹ, ẹ yaa gẹ eyi awụ.

Ayịsaya 10:7

Ama ịsị ẹ nyị tụ́ ịnị ayị vị irenyi. Ịsị ẹ yà ịnị ayị ẹnịnị ọ vị ka ẹ̀ na wụ̀ wa va ha, di è vú anẹkụra ọrụrụ-ọrụrụ ẹtẹ nị.

Ayịsaya 17:12

Kwaa, wáā wụ́ ekuku anẹkụra irenyi-irenyi ana aa vẹ? Ẹ yaa jị ayịị vẹ anka ókū mèẹ jị ayị, avọọ. Wáā wụ́ aza ẹnẹẹ mèe nowu? Eyee nowu anka adagu mẹ̀ẹ dà vụụ-vụụ avọọ.

Ayịsaya 29:7

Di u vene re ka avaba anẹkụra ana hara gụ dị ẹ kụ́ ịrẹkụ ẹnị ẹ kụ́ vẹ ệ ta. Ịrẹyị ẹnịnị vị ana va sị mẹẹ ọza òo rere ra ụra ịrahụ avọọ. Mi ka vị ọ va sị mẹẹ ka vi ọza vavọọ ro ịrẹyị ịrahụ kẹnẹ nị.

Ijeremaya 52:4

Ịnị ẹkụhị ẹẹwụ, ịnị ụhwẹ ẹẹwụ, ịnị ịrayị ọhụhịịna ọnị Ịzẹdẹkaya rị ohinọyị, dị Inebukadineza ọnịrị avaba isoja anị kụ́ ịrẹkụ va ngụ Ijerusarẹmị nị. Ẹnịnị ệ jị udi tụ ẹhẹẹhẹ Ijerusarẹmị. Dị ẹnịnị họ̀ kara a eyi ụvọnị, dị ẹ gù Anijerusarẹmị nịnị hi tụ́ ịnị ẹkụra nị.

Ezikẹẹrị 26:3

Avọọ, ọnị Ẹnẹyịmavara Ananyị ụkata hu ka, ọnị ọ sị vara ọnịvị ẹwụ nịnị Anitaya. Ọnị vaa mẹ ka anẹkụra ọrụrụ-ọrụrụ ẹ̀ kwẹẹtẹ tu wu nịnị anka enyi ịnị oku mẹẹ da vụụvụ avọọ.

Ezikẹẹrị 38:17

Ẹnẹyịmavara Ochẹtẹẹngụ ka, ẹwụ ọnị aa kà ịrẹyị anị hụrị ụmọrụmọ nị. Ụmẹ avọọ ọnị tụ ezi ahụ anị, ọnịsẹ Anisirẹrị nịnị ka ẹ̀ kà a ka, ẹkụhị aa vẹ, ọnị ọnị vaa tụ ọza-ịnya ka ọ̀ kwẹẹtẹ tu Anisirẹrị nịnị nị.

Ọbadaya 1:12

Ẹ́ yị vọrọ ka Anedomi nịnị ẹẹ jẹ ka ịrẹyị odivi o tu wa, a vị dị ayị ẹnịnị oo hine ka Anijuda ee vú ẹtẹ. Ẹ́ yị vọrọ ka ẹnịnị ee wu hi wa ịnị ụmẹ ọnị o si divi yị wa.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.