Imika 4:10 - IWE ỌNỊNỊ

¹⁰ Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Imika 4:10 ပူးပေါင်းရင်းမြစ်များ

2 Ohinọyị 20:18

Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị.

2 Ohinọyị 25:4

Dị a chaka ọvọ ana kara ẹkụra, dị isoja nịnị tụ́ jịnẹ hụụnị ịnị ẹkụra ịrahụ. Ẹnịnị vị ana zị oze ịnị ụbazị ohinọyị zị oze ọbanyị ana ya ịnị akakana ọvọ ẹẹva, zwe zi oze eyi Ijodani. Ụmẹ ọnọnị isoja Anibabironi nịnị vị ana yịị kara Ijerusarẹmị.

2 Ịtọpa 33:11

Avọọ, dị Ẹnẹyịmavara navọ ka ọdọvịdị Anasiriya nịnị ệ kụ́ ịrẹkụ ngụ Ijuda. Dị ẹ za Ịmanasẹ, dị ẹ ka a ẹka, dị ẹ tụ wụ ịchẹkẹchẹkẹ, dị ẹ sị ọ na Ịbabịrọnị nị.

2 Ịtọpa 36:20

Aza chee ana ha, dị a za ọrịhị nọ Ịbabịrọnị, dị ẹ ozi ahụ ohinọyị ọnịrị ezi anị pooro ne tu ụmẹ ọnị Anipesiya va sị dọ wa ịjọva nị.

2 Ịtọpa 36:23

Ịrẹyị ọnị ọ kà yịị, Ọ kà Ẹnẹyịmavara Ohomorihi ada ayị ẹbẹẹba ọ raà sị avaba ịjọva ịrẹsụ ẹtẹ chire ọnị ụvọ. Ọ raà nyị ọnị ka ọnị ọ dà irehi Ohomorihi yị ọnị tụ Ijerusarẹmị ịnị ẹtẹ Ijuda. Avaba aza ana vị aza Ẹnẹyịmavara ẹ varẹma nọ ịzọọ agụvị ụkọrọ ọnọọ. Ẹnẹyịmavara ọ vaa ya pè wu nịnị.

Ahẹ Ụgama 106:10

Ohomorihi ộ dọ wa tụ́ hụụnị ụvọ ọnịvị ẹnịnị, ọ yị zẹẹ ka è re wa za.

Ayịsaya 43:14

Ẹwụ nịnị Anisirẹrị, Ohomorihi awụ nịnị ana vị Ọnịnị, ana dọ wụ nịnị ha ka, ọnị vaa hụ agụvị awụ nịnịị tụ́ụ nọ Ịbabịrọnị. Ọnị vaa gara oze ọbanyị ẹnịnị ana a sị enyusẹ mẹ ha. Owu ẹnẹ ẹyaa na vaa vara orere.

Ayịsaya 45:13

Ẹnẹyịmavara kà ọnị vaa sị Ịsayịrọsị kwẹẹtẹ, ka ọ mẹ̀ ịsa ana vọrọ ọnị me si. Ọnị vaa zụ ọ oze ịnị ịsa tụra ịsa ọnị aa mẹ. O vee tenyi ẹkụra anị Ijerusarẹmị da, dị ọ hụrị aza ana a za ọrịhị ụvọ. Ẹ yị vị agụvị ẹkẹhị ọ vavọọ vaa mẹ.

Ayịsaya 48:20

Ẹ jịnẹ hụrị ẹtẹ Ịbabịrọnị, ẹẹ na hara kẹnẹ! Ẹ ka enube ayohine; dị avaba aza ẹ wụ́ ọ avaba aha tụra aha ka Ẹnẹyịmavara ọ raà dọ ozi ahụ anị Isirẹrị ha.

Ijeremaya 13:4

Ọnị ọ̀ kwẹẹtẹ dị ọnị ọ̀ sị ụbaja ọnị ọnị na hị́ di ọnị sị sụ́ ọtẹ aanị nị. Ọ kà ọnị ọ̀ nọ ụtọ irehu ana aā hí Iyuhwuretisi dị ọnị ọ̀ sị na tẹ̀ ịnị anaha ịrẹta ịzọọ.

Ijeremaya 15:21

Ọ kà, ọnị vaa dọ ọnị tụ hụụnị ụvọ aza edivi nịnị anaā mẹ ezigi.

Ijeremaya 29:20

Ọ kà avaba ẹwụ nịnị ọnị ọnị dụ ne hi Ịbabịrọnị ọ̀ wụ́ o.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 48:41

Ẹkụra-ẹkụra ene hi Imowabi ọnịrị irehi ọbanyị ọnị isoja ẹnịnịị yaa sere ẹtẹ vị ọnị ẹkụra ọnọọ vaa za. Ịhị angwa vị ene vee hi isoja Animowabi nịnị anka ọnyẹnẹẹ anaa barẹẹ avọọ.

Ijeremaya 52:27

Dị ohinọyị Ịbabịrọnị ka è tụ́ wa, dị à wụ̀ wa ịzọọ nị. Avọọ a mẹ za Anijuda nịnị ọrịhị hụrị ẹkụra ẹnịnị ne hi aha ọsa nị.

Ihoseya 1:10

Anisirẹrị nịnị vaa rụrụ anka àarẹ ịnị òkū ọnị ọza ẹ yị yẹ ịrịka anị. Ịzị a ya kà a ka ẹnịnị ẹ yị va aza anị, a rẹ vaa hị́ wa ezi Ohomorihi ana yara nị.

Ihoseya 13:13

Ẹnịnị aa mẹ ụra anka ozi ene yi ka ọnị ẹ yị jịnẹ hụụnị ihi ozi ọnyị anị avọọ nị.

Ihoseya 2:14

Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Ẹtore 12:14

Dị a sị avaka ọkasịmẹ ọbanyị ẹẹva yọ ka ò si hira nọ aha anị ịnị ụnọmị nị. Ịzọọ a vaa yàa pá a mẹ ịrayị ẹẹta rị ẹjịjị, dị asị ẹwụ ọnọọ zụ kanyị ọọ nị.