Imika 4:1 - IWE ỌNỊNỊ

¹ Ụmẹ aa vẹ dị ataba ịzị dà irehi Ẹnẹyịmavara tụ́ aanị kuku vaa vị ataba ana nẹba hu ataba ana vọ, dị ọ da jịnẹ wa. Anẹkụra ọrụrụ-ọrụrụ vee tụraa hi ịzọọ.

Imika 4:1 ပူးပေါင်းရင်းမြစ်များ

Oyinyima 49:1

Ijekọvụ ộ hị́ ezi anị dị ọ ka ẹ̀ kụ́ ẹngụ gụ dị ọnị ọ kà a yị wa ịsị e vee tù wa ịrẹma ụhwọọ nị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ahẹ Ụgama 22:27

Avaba anẹhẹ vaa tamayị Ẹnẹyịmavara, dị ẹ và ka a vẹ Avaba anẹhẹ vaa vẹ dị ẹ va tana tụra ẹtẹ yị ọnị.

Ahẹ Ụgama 48:1

Ẹnẹyịmavara vị ana nyayịnẹ nyị ụbanyị Ọnị a vọrọ ka aza ẹ̀ẹ sị ụbanyịị yị ịnị ẹkụra Ohomorihi ayị ịzị ataba anị yà nị.

Ahẹ Ụgama 86:9

Ẹnẹyịmavara avaba anẹhẹ ọnị ụ tụ́ vẹ ẹhẹ vaa vẹ dị e kú ẹtẹ kụ́ wụ, Ẹnịnị vaa sị ụbanyịị yị wụ.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ayịsaya 43:6

Mị vaa kà a yị Aneyi ẹbẹẹba ka ‘Hụrẹ wa ụvọ’, dị mị kà a yị Aneyi ụvẹtẹ ka, ‘A sị ụ za wa jẹẹ.’ Kụ́ ezi ọnọrụ amị hụrẹ aha ẹnẹẹnẹ vẹ, dị ụ wa kụ́ ezi anẹẹ amị hụụ ịzị ẹhẹ na ta hi vẹ.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 54:2

Dà ajẹngụ awụ gana hu avọọ. Tana ịta ọnị ụ sị jị oze irehi awụ. Dà obo awụ gọdọ, dị u we hi ọchị ọnị ụ sụ́ obo ajẹngụ za katẹngụ.

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijeremaya 26:18

Ụmẹ ọnị Ihezekaya sị vị ohinọyị Ijuda, ọnịsẹ ana aā hị́ Imika hụrị ẹtẹ Imoreseti ộ ka ịrẹyị Ẹnẹyịmavara Ochẹtẹẹngụ yị avaba aza ka: E vee hùru anka a mee huru aarẹ avọọ, ọ ka, a vaa jị Ijerusarẹmị eburu saka-saka dị Irehi Ohomorihi kụkụ vara iruku tịtẹ.

Ijeremaya 3:17

Ọ kà, ụmẹ ọnọọ vị ana a kụkụ vaa hị́ Ijerusarẹmị aha udi ohinọyị Ẹnẹyịmavara. Avaba anẹhẹ vaa vẹ ịzọọ vaa hẹkẹ ọnị. Ẹnịnị ẹ yị kụkụ vaa mẹ ayị ọkatẹngụ ẹnịnị anaa sị wa mẹ̀ ebira odivi enee si.

Ijeremaya 31:12

Ẹnịnị vaa vẹ, dị ẹ jẹ ịrẹsụ dị ẹyaa jị ahẹ boro-boro. E vee hine ayị agụvị ịsọyịza ẹnẹ Ẹnẹyịmavara mẹ yị wa. E vee hine ayị agụvị ịsọyịrị, eche, ọnịrị angwẹ beri ịsụpa ọnị ọ vaa sịị yị wa. Ẹnịnị vị ana vaa yà anka ụbazị ana a da enyi hi avọọ. Ẹnịnị é yi me vene re ayodu.

Ijeremaya 48:47

Ama, Ẹnẹyịmavara kà, ụmẹ rẹ vanaa vẹ, dị ọnị mẹ ka bo zee yị Imowabi, dị ọọ yara. Avaba ịsa ọnị Ẹnẹyịmavara kà ọnị vaa mẹ Imowabi yi o.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

Ezikẹẹrị 40:2

 nyị ẹtẹ ọnị ọnị re, dị ọnị re ka Ohomorihi ộ sị ọnị na ngụ ẹtẹ Isirẹrị, dị ọ sị ọnị na jẹẹ ịrẹsụ ataba ọnya aanị, ana nẹba ẹtẹẹtẹrẹ nị. Ọnị ô re ka irehi gụ ọvịdị anị anka ẹkụra ọbanyị avọọ.

Ezikẹẹrị 43:12

Ọda ana a mẹ tụ ịnị irehi Ohomorihi ọnọnị yị. Avaba ẹtẹ ana tịtẹ kara a, ịrẹsụ ataba vị Óhomorihi o.

Ịdanịyẹrị 10:14

Ộ ka, ọnị ọ zị vẹ ọ yị va ka ẹ yị ọnị ịsị e ve tu aza anị ụhwọ, agụvị ka ẹtẹ ọnị re aanị ẹ yị vị ịrẹyị ọ yaanị ọ vị.

Ịdanịyẹrị 2:28

Ọ kà, ama â nyị Ohomorihi ana ya ẹbẹẹba anaā sịị ịsa ana tẹẹ zụ aza. Ọ raà sị zụ ohinọyị Inebukadineza ịsa ana vaa mẹ ụhwọọ. Ọ kà, ẹtẹ ọnị ohinọyị ré ịnị ụra ọnị ọ raà yị.

Ịdanịyẹrị 2:35

Kẹnẹ, dị avaba ẹngụ anị ana vọ ana a sị enyusẹ irenyi-irenyi mẹ ẹnị rẹ kwọ̀rọ̀ va ha anka azịzẹ avọọ, dị ahị kụ ọ ne hu saka-saka nị, ọza ẹ yị vè ne re ịpa anị. Ama dị ịrẹta ana va sụ ịsa ọnọọ ịpẹtahụ aanị ọnị vana vara ataba ọbanyị tụ avaba ẹhẹ nị.

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 7:14

Ọ kà, â sị ụkata ọnịrị ụbanyị ohinọyịị yọ, agụvị dị avaba anẹhẹ ẹẹ hẹkẹ ẹ. Ụkata anị ọnịrị ịjọva ọnị ọ vaa mẹ̀ ẹ yị vaa nyị ẹzẹtẹ.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ịdanịyẹrị 7:22

Dị Ọza ana yara pooro zịna-zịna vẹ, dị ọ mẹ̀ ọkarẹyị yị wa nị, Ohomorihi ene hu kere-kere ộ jị ịhị yị aza nị. Ịjọnọọ dị a va sị ụkata yị aza Ohomorihi ka ẹ sịị mẹ ịjọva nị.

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ihoseya 3:5

Ama ịrẹma anị, Isirẹrị vaa vaka Ẹnẹyịmavara ọnịrị Idevidi ohinọyị ẹnịnị vẹ ịnị angwahi ọnịrị ẹgahị. Ẹnẹyịmavara vaa mẹ ọyịza yị wa.

Imika 3:12

A vaa hụ agụvị awụ nịnị gara Ịzayọnị anka a mèe huru aarẹ avọọ. Ijerusarẹmị vị ana vaa jị eburu, dị Ataba oni irehi Ohomorihi jẹẹ ịnị anị vị ana vaa vara iruku.

Ịzakaraya 14:10

Avaba aha vaa vara inozi hụrị Ịgẹba na ngụ Irimoni, ụvẹtẹ Ijerusarẹmị. Ẹ vaa ya anka ẹtẹ Araba avọọ nị. Ama Ijerusarẹmị vaa kụ́ nọ udi anị hụrị oze ọbanyị Ịbẹnjamịnị na ngụ oze ọbanyị Ịpaapa, na ngụ oze ọbanyị ịnị Ịkọna. Hụrị ịnị irehi ọgọdọ Ịhananẹrị na ngụ ịnị ụkọ ohinọyị.

Ịzakaraya 2:11

Ụmẹ ọnọọ, anẹkụra ọrụrụ vaa vẹ ịda Ẹnẹyịmavara, dị ẹ vị aza anị, dị ọ ra beri wa. Ẹnịnị vaa yẹ ka Ẹnẹyịmavara Ochẹtẹẹngụ ọ tụ́ oni hí wa nị.

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Anihiburu 1:2

Ama ịnị ụmẹ ọnọnị ana vị ụmẹ ọdịrẹma aanị, oze ịnị ụvọ Ozi anị ọ zị kà ịrẹyịị yị nị. Ohomorihi ọ sị ọọ nyị ka ọnị ọ̀ sị avaba ịsa yọ. Oze ịnị ụvọ Ozi anị ọnọọ ọ rẹ zị mẹ avaba ẹhẹ nị.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ẹtore 20:4

Di mi re aga ohinọyị ẹnyị ọnịrị aza ana yaayịtẹ ịnị anị nị. Â sị ọda yị wa ka ẹ̀ mẹ̀ ọkarẹyị. Me re re ụhwẹ aza ana vịdị jị ịrẹsụ agụvị ka ệ kà ịrẹyị ịzẹyịza oni Ijeesu sị zụ̀ ọnịrị agụvị ịrẹyị Ohomorihi. Ẹnịnị ẹ́ yị rẹ hẹkẹ uye ịnị avị ọnọọ ọnịrị ori anị; ẹnịnị ẹ́ yị rẹ dọ apọtẹrẹwa tụ́ ini ibe ẹnịnị, à vị ịnị ụvọ ẹnịnị. Ẹnịnị ẹ́ sị yára booro aanị, dị ẹnịrị ohinọyị oni Ohomorihi nyị ka ọ̀ dọ yị há dudu mẹ ohinọyị mẹ ịrayị akahị nị.