Imika 3:8 - IWE ỌNỊNỊ

⁸ Ama Ẹnẹyịmavara ọ raà mẹ ka ẹ̀ ma nyị ụkata ẹtẹẹtẹrẹ Ộ mẹ ka ma yẹ ịsị ẹ vị ịzẹyịza. Dị ayị amị ọ̀ rẹ vị dị maa kà a yị ovwoovu Ijekọvụ ebira odivi ẹ́nịnị. Mị ka maa kà a yi Anisirẹrị ebira odivi ẹnị ẹ yaa mẹ.

Imika 3:8 ပူးပေါင်းရင်းမြစ်များ

Ijoovu 32:18

Agụvị ka ịrẹyị vị ene hí mi ịnẹ booro aanị, mẹ yị zụ za a ka mẹ yị kà a.

Ayịsaya 58:1

Ẹnẹyịmavara kà yị Ayịsaya ka, “Nowu tụ ẹba ọmẹzụ-ọmẹzụ, ọngwẹ awụ ọ̀ tụ ẹba anka ọpanyị aa sụ ịrẹyị avọọ. Kà a yị aza anị Anisirẹrị ịvị ẹnẹ ẹ yaa mẹ̀.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ijeremaya 1:18

Ọ kà dị Ẹnẹyịmavara kà, re, hụrị ajịnị, ọnị ọ mẹ̀ ọnị ka ọnị ọ̀ ya anka ẹkụra ana jị ọvọ kara avọọ, ọnị ọ̀ ya anka ọhẹ ana a sị enyusẹ mẹ, dị ọnị ọ̀ rẹ ya anka ugene ana sị enyusẹ ọkatẹngụ mẹ avọọ nị. Ẹnẹyịmavara kà agụvị ka avaba Anijerusarẹmị ẹnịrị ohinọyị Anịjuda nịnị, ẹnị ọdọvịdị nịnị beri ẹnị ohirẹsụ irehi Ohomorihi nịnị vaa kwẹẹtẹ tụ ọnị.

Ijeremaya 20:9

Ọnị ọ̀ọ va kà a ka ọnị aa sị ayị hụụnị ịrẹyị Ẹnẹyịmavara dị asị ọnị kụkụ ka a ịrẹyị anị, dị ịrẹyị anị aa rị ọnị ayị anka ịra avọọ. Ọnị ộ sị vụrị ka asị ọnị kà a ama ọnị ẹ yị zụ za a.

Ijeremaya 6:11

Ọnị ka, ọnịrị ọyịkụ Ẹnẹyịmavara ọ vị booro aanị nị. Ọnị ẹ yị kụkụ zụ zaa. Dị Ẹnẹyịmavara va ka ẹ yị ọnị ka, ọnị ọ̀ và a ku ezweyi-ezweyi ene hi ịnị orere ọnịrị ezwọọmụha nịnị ịzị ẹẹ kụ ẹngụ gụ hi. Ọ kà, ẹvarose vị ana vaa za, azọkụ ene si bo nyẹmba ẹ yị vaa ha.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Ezikẹẹrị 16:2

Ozi-ọza, ọnị ọ̀ sị zụ̀ Anijerusarẹmị nịnị avaba ịsị eenyisi ẹnẹ ẹyaa mẹ, dị ọnị ọ̀ kà a yị wa ka.

Ezikẹẹrị 20:4

Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza òó tenyi ẹngụ ka ọnị aa ka ịrẹyị yị aza ẹnẹnị, ọnị kà a yị wa. Ẹnẹyịmavara kà ọnị ọ̀ tama wa ayị avaba ịsị ohiku ẹnịnị mẹ anaa nyị ọnị ịhyẹrẹ.

Ezikẹẹrị 22:2

Ọnị ozi-ọza, ọnị oo tenyi ẹngụ ka ọnị aa mẹ̀ ọkarẹyị yị Ijerusarẹmị agụvị aza ana aa wụụ ha ịzọọ aanị? Ọnị ọ̀ sị zụ̀ wa gedebee avaba ịsị edivi ẹnẹ ẹ yaa mẹ.

Ezikẹẹrị 23:36

Ezikẹẹrị ka Ẹnẹyịmavara ộ kà a yị ọnị ka, ozi-ọza, ọnị óó tenyi ẹngụ ka ọnị aa mẹ̀ ọkarẹyị yị Ohora ọnịrị Ohoriba? Ọnị òo tenyi ẹngụ, ọnị ọ̀ kà a yị wa ịsị edivi ẹnẹ ẹ mẹ ana vị enyisi.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Ezikẹẹrị 43:10

Ezikẹẹrị ka Ẹnẹyịmavara ộ kà a yị ọnị ka, ọnị ozi-ọza ọ̀ kà a yị Anisirẹrị nịnị irehi Ohomorihi ọnọnị mẹmẹ yà. Ẹnịnị è jị eyi ngụ á mẹmẹ mẹ̀ eto ana a sị da a, dị ụhị ebira odivi ẹngụ ẹnịnị ọ̀ nyị wa.

Imatiwu 7:29

Agụvị ka vị aa zụ̀ wa ịsa anka ọza ana nyị ọda avọọ nị; ọ yị zụ̀ wa ịsa, anka ọ́zwọzọda nịnị mẹ̀ẹ̄ zụ̀ ọza ịsa.

Ịmaakị 3:17

Ijemiisi, ozi Izebedi, ọnịrị Ịjọọnụ ọyịnyara Ijemiisi, ẹnị Ijeesu rẹ hị́ “Iboyanagisi” (iruvo ọsọnị ọ vị “ezi apaana ihinẹba”),

1 Anịkọrịntị 2:4

M màa kà ịrẹyị dị maa kà enube ọyịza, mẹyị sị ịrẹyọyẹ ọza kụ́ irenu hwere-hwere. Ama Ụhwẹ Ọnịnị ọ́ọ sị ụkata anị zụ̀ wụ nịnị ịnị ịrẹyị ọnị maa kà.