Imika 3:6 - IWE ỌNỊNỊ

⁶ Ẹwụ nịnị ọnịsẹ we mē vene re ẹtẹ nịnị. Aawụ nịnị ộ ta ịnị ẹhẹ We yi mē vene re ẹtẹ dị wa va zụ kà ịsẹ nịnị agụvị ka waa kụ́ aza amịị nyee eyi.

Imika 3:6 ပူးပေါင်းရင်းမြစ်များ

Ahẹ Ụgama 74:9

Yẹ yị kuku re apọtẹrẹwa ọnyọọnyị, yẹ yị rẹ kụkụ nyị ọnịsẹ ikonya, ana vọ, nyị ọza ana yẹ ịzị ị maanị vee re nee tù.

Ayịsaya 29:10

Ẹnẹyịmavara ọ raà mẹ ka waa sụ ara ụtọ nịnị. O reè gù ẹwụ nịnị ọnịsẹ eyi ka asị u kuku re ẹtẹ nịnị.

Ayịsaya 59:10

Ẹ ka ẹnị aa sị ụvọ sì ẹtẹ anka ogweyi avọọ nị. Ọọdụ vị ọnị ẹnị aa hyẹdụ anka ịrahụ avọọ. Eni e yi dahi hụụnị ọza ene su.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 15:9

Ọnyozi ọnị ezi ịhịmba su, vị ọnị ewu za, dị â tụ kẹẹkẹẹ. Ọọdụ anị ọ sị vara ịrahụ yọ; asị ụhị mẹ nyị ọ, dị ayị anị sị du nị. Ẹnẹyịmavara ọ́ sị ọ ka, ọnị vaa navọ ọnịvị Anijuda nịnị ka ẹ̀ vaa wụ́ ẹnịnị ana kụkụ yị yara.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ezikẹẹrị 13:9

Ọ kà ọnị aa vaa sị ụyaa rị ẹwụ nịnị ọnịsẹ enee re ẹtẹ apaapẹ, dị waa ka ịrẹyị ọnị waa sịị kụ azaa nyeeyi nịnị. Wẹ́ yị vaa yà ịzị aza anị ẹẹ kụ́ gụ aa geyi. Ọza ẹ́ yị vaa chẹrẹ ịrẹha awụ nịnị beri aza ana vị Anisirẹrị. Wẹ́ yị ma vana và nọ eehi awụ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

Emọsị 8:11

Ananyị Ẹnẹyịmavara kà, ụmẹ aa vẹ ọnị ọnị vaa mẹ ka ẹnịnị ẹẹ vụva ka ẹnị ẹ wụ́ ịrẹyị anị ịzọọ

Imika 2:6

Dị ọnịsẹ ireche nịnị, ka asị mị rẹ kà ịrẹyị yị ẹnị nị. Ẹ ka asị mị rẹ ka ẹngụ ịrẹyị ẹnẹẹ yị ẹnị Ẹ ka Ohomorihi ọ yị vavọọ vaa mẹ ụhịị nyị ẹnị. Anisirẹrị, ọ́ọ́ vọrọ ka wa maanị kà nịnị