Imika 3:5 - IWE ỌNỊNỊ

⁵ Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Imika 3:5 ပူးပေါင်းရင်းမြစ်များ

Ụhịrẹyị 28:21

E yi zoza ka ọza ọọ̄ nyị ọza re eyi, ama aza ẹnyị vị anaa mẹ̀ ebira odivi agụvị ịsa chee ọnị o vee re dọ.

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Ijeremaya 23:27

Ọ kà ụra ẹnẹ ẹ ka ẹnị ệ ra ẹnẹ maanị aa kà aanị, vị ẹnị eyee sì ka ẹnị ẹ̀ sị mẹ ka aza anị è hí ayị anị, anka ohiku ẹnịnị me hi ayị anị di ẹ naa hẹkẹ Ịbaarị avọọ.

Ijeremaya 23:32

Ẹnẹyịmavara kà, ịzẹyịza, ọnị ọ raa và eyirazị ka ẹnị ọnịsẹ enee cheeche ka vị ẹnị ra ụra aanị nị. Avọọ ẹ maa kà a dị ẹyaa sị ireche ẹbanyị-ẹbanyị ẹnịnị kụ aza anịị nyeeyi nị. Ama ọnị ẹ́ yị tụ wa ụtụ. Ẹ́ yị nyị aha ẹnịnị ana aza aa rị vụrụ-vụrụ.

Ijeremaya 6:14

Ụvọ ẹnẹ yaa sị za aza anị ịnị ụnava ẹnị ẹ tụ̀ vị ana sị mẹ anka ọza oo rere họ̀rọ ẹngụ avọọ. Ịrẹyị yị tịtẹ ama dị ẹ yaa kà a yị aza ka ẹ yị nyị ịrẹyị.

Ijeremaya 6:4

Ẹnịnị vaa kà a ka, è tenyi ẹngụ dị ẹnị ẹ kụ ịrẹkụ ne tu Ijerusarẹmị ọọdụ. Ama dị ẹ ka ụmẹ ọ sị para hu, ẹtẹ ọ sị nyima ee hozi.

Arụwẹ 2:14

Ireche kẹnẹ ọnịsẹ Anijuda nịnị ee che yị wa nị. Ẹnịnị ẹ yị kà ịzẹyịza yị wa, ẹnịnị ẹ yị sị zụ wa ka ẹ yaa mẹ̀ ebira odivi. Agụvị avọọ ẹnịnị ẹ yị ro ka a vọrọ ka ẹnị è ro ịnẹ varẹma.

Ezikẹẹrị 13:9

Ọ kà ọnị aa vaa sị ụyaa rị ẹwụ nịnị ọnịsẹ enee re ẹtẹ apaapẹ, dị waa ka ịrẹyị ọnị waa sịị kụ azaa nyeeyi nịnị. Wẹ́ yị vaa yà ịzị aza anị ẹẹ kụ́ gụ aa geyi. Ọza ẹ́ yị vaa chẹrẹ ịrẹha awụ nịnị beri aza ana vị Anisirẹrị. Wẹ́ yị ma vana và nọ eehi awụ nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Ihoseya 4:5

Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ.

Ijowẹrị 3:9

Ẹ nọ̀ọ yị anẹkụra ọzọza; Di e tenyi ẹngụ ịrẹkụ. Ẹ hị́ ọkụrẹkụ nịnị, dị avaba isoja ẹnịnị ẹ gụ aha ọnya dị ẹ kwẹẹtẹ nọ ịrẹkụ.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Imatiwu 7:15

“Sị eyi pe ẹngụ awụ nịnị agụvị ọnịsẹ ireche nịnị. Ẹẹ̄ sị ịtụmpaha atẹmẹẹ kú ẹngụ, ama ịnịnẹ ẹnịnị, akatapooro odivi ẹ vị nị.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.