Imika 3:2 - IWE ỌNỊNỊ

² Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ.

Imika 3:2 ပူးပေါင်းရင်းမြစ်များ

1 Ohinọyị 21:20

Ịjị Erija maanị na kà ụtụ yị Ahabị, dị Ahabị tụ́ ohi dị ọ ka, “We re si mi ree, ẹwụ ọnịvị amị?” Di Erija ka, “Hiin, me si wu re, agụvị ka wa sị ẹngụ awụ ná tụ́ ini ebira odivi ọnị waa mẹ ini eyi Ẹnẹyịmavara.

2 Ịtọpa 19:2

dị ọnịsẹ Ijehu ozi Ihanani jịnẹ ne tu ọ nị. Dị ọ họ̀ ọ ka sị ẹ vẹ dị ọ na gụ ọza odivi ụvọ, di o sì ịrẹyị aza anaā nyị ịhyẹrẹ Ẹnẹyịmavara? Ịsị ọnị ọ mẹ aanị ọ raà mẹ ka Ẹnẹyịmavara ọọ kụ́ ayị hi ọ.

Ahẹ Ụgama 15:4

Ẹngụ aza ẹnẹẹ èe re aza edivi ẹ yị vaa sị ụbanyịị yị wa ama aza ene hí angwa Ẹnẹyịmavara kẹnẹ ẹ vaa sị ụbanyịị yị nị. Ẹngụ aza ẹnẹẹ ẹ̀ẹ kà a ka ẹnị aa mẹ ịrẹyị vị ẹ yaa mẹ̀ ẹ nị, òo zee e eyi ịrẹyị ọnọọ ọ̀ kụ́ tù wa.

Ahẹ Ụgama 53:4

Di Ohomorihi ka aza edivi ẹnẹnị ẹ yị yẹ ịrẹyịị? Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ Ẹ yị hyakụ kà a ka ẹnị aa mẹ ịpọdaa hi Ohomorihi.

Ụhịrẹyị 28:4

Aza ẹnẹ ẹ yị saasa ọda Ẹnẹyịmavara vị anaa tụ́ aza ọhịmị ụka. Ama aza anaa saasa ọda anị vị ana va eyi ịrazị ka aza ọhịmị.

Ayịsaya 3:15

Ẹmị Ananyị wụ, ẹmị Ẹnẹyịmavara Ochẹtẹẹngụ mee họ̀ use mị ka si u ro dị ụ maanị nyayịnẹ aa chamayịị yị aza amị nịnị? Sị ẹ vẹ dị ụ maanị aa za wa eyi kwọrọ ẹtẹ?

Ayịsaya 5:20

Wa sị dà nịnị, ẹwụ nịnị ana ka ịsa odivi ọ kụkụ vị ịsa ozoza, dị ịsa ozoza ọnị kụkụ vị ịsa odivi nị. Wa raà sị ịrahụ vara ọọdụ, dị ụ sị ọọdụ vara ịrahụ nịnị nị. Ụ ka ịsa ene hine ọnị kụkụ vị ọnyịrẹyị nị.

Ayịsaya 57:12

Wê ro ka ịsa ana vọrọ ụ waa mẹ nịnị nị, ama mị vaa sị iruvo awụ nịnịị tụ ẹhẹ. Ori awụ nịnị ẹ yị va zụụ gụ wụ nịnị ụvọ.

Ezikẹẹrị 11:7

Avọọ, ọnị Ohomorihi Ananyị ụkata hu kere-kere aa kà a yị wụ nịnị ka, ịzẹyịza, Ijerusarẹmị vị ụnọkọ ana a sịị̄ mẹ̀ ịsa, ama oku aza ọnị ụ wụ nịnị ẹ̀ vị uye ana yà ịnị anị nị. Wẹ́ yị vaa ya ịnị anị nịnị, vị́ ọnị vaa dụ wụ nịnịị hi ẹhẹ nị.

Ezikẹẹrị 22:27

Ẹnị ọdọvịdị ene hi ịnị ịjọva vị ana sị mẹẹ anka akatapooro ana wụ̀ uye, di aa na rị avọọ. Ẹnịnị vị anaā wụ̀ aza agụvị ẹnị ẹ̀ sị nyị ẹkẹhị.

Ezikẹẹrị 24:4

Ẹnịnị ẹ̀ tọ̀ uye ozoza-ozoza hi ọ, ụvọ ọnịrị usi uye. Ẹnịnị ẹ̀ rẹ tọ̀ọ ịpa ana nyị ẹchụkụ hi ịnị ụnọkọ ọnọọ.

Ezikẹẹrị 34:3

Waa kámá ịrẹva atẹmẹ anịị hú nịnị, dị waa hara ẹyị ẹnịnị hí ịtaa jị awuru chire nịnị nị. Ẹnẹ zoza hu ịnị atẹmẹ anị vị ọnị waa wụụ rị nịnị, ama wẹ́ yị tẹsị atẹmẹ ẹnẹẹ nịnị.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Imika 2:8

Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Iruuku 19:14

“Anẹkụra anị ệ nyị ịhyẹrẹ anị, dị ẹ tụ́ aza saasa a ka ẹ̀ kà a ka eni e yi sì ka ọ̀ vị ohinọyị ẹnịnị nị.

Ịjọọnụ 18:40

Dị avaba aza ẹnẹẹ re nowu zẹtẹ, dị ẹ ka, “Eyiye, asị ụ hụrẹ ọnọrụ ọnọnị ụvọ yị; vana hụrẹ Ibaraba ụvọ yị!” Ibaraba ọnị vị oyi.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Aniroomi 1:32

Ẹnịnị ệ yẹ ka ọda Ohomorihi ộ kà a ka ẹngụ ọza ana àa vavọọ mẹ, vị ana a vọrọ ka à wụ. Ama ẹyaa yịị mẹ̀ ẹ, ẹ rẹ yaa sị ọtụụ kà aza ẹnẹsa ana aa mẹ̀ ẹ ịrẹma.

Aniroomi 12:9

Ayị ọnya a vọrọ ka ye sii sì ịrẹyị ọza nị. Waa nyị ịhyẹrẹ ịsa edivi, dụ wa sị ụvọ za ịsa ọyịza.

2 Itimoti 3:3

E yi kuku vee ro ịrẹyịị yị ọza; ẹnịrị aza ẹ̀ẹ zyaazị, e mē vene ze; dị eyee du ọza ịrẹsụ. Dị ẹyị zụ sị ụvọ za ẹngụ ẹnịnị, dị ẹyaa mẹ anka uye ịnị avị avọọ, dị ẹyaa nyị ịhyẹrẹ ịsa ene zoza.