Imika 3:1 - IWE ỌNỊNỊ

¹ Ẹnẹyịmavara kà we batọ nịnị ẹwụ nịnị ọdọvịdị anovwoovu Ijekọvụ. Ọ kà ọnị ka ẹwụ nịnị ọdọvịdị Anisirẹrị è batọ di wa wụ́ ịrẹyị. Ẹwụ nịnị a vọrọ ka ọ̀ yẹ ịsa ana vọrọ nị.

Imika 3:1 ပူးပေါင်းရင်းမြစ်များ

Inehemaya 13:17

Mâ tụ́ ọdọvịdị Anijuda nịnị ohuvọ nị. Mị ka sị ẹ vẹ dị ẹyaa mẹ̀ ebira ọhịmị ọnọnị, dị ẹnịnị ẹ̀ yị sị ẹkụhị ụhwọtụ tịtẹ yị Ohomorihi?

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

Ayịsaya 1:10

Ẹwụ nịnị Anijerusarẹmị ẹwụrị ohinọyị awụ nịnị vị ana aa mẹ̀ ebira odivi anka Anisodọmị ọnịrị Anigomora avọọ. Batọ ịrẹyị ẹnị Ẹnẹyịmavara aa kà wụ nịnị. Sị ụtọ pe ọda Ohomorihi ayị ana aa sịị zụ̀ wụ nịnị.

Ayịsaya 10:2

Waa mẹ ọda nịnị ka wa sị mẹ ehuna yị onosiye nịnị. Waa mẹ irikichi tụ́ ịnị ịrẹyị aza amị ana aza aa mẹ ẹchakaa yị. Ịsị osoku ọnịrị ozi oku ẹ̀ẹ vụrị nyị dị ụ dọ wa nịnị. Ịhị Ohomorihi àaa sị ụyaa rị wụ nịnị, dị ọ kụ́ ịrẹyị hụrẹ aha ẹnẹẹnẹ ve tù wu nịnị nị,

Ezikẹẹrị 22:6

Wee re, avaba ọdọvịdị Anisirẹrị nịnị vị ana sị ayị tụra ụkata ẹnịnị, dị ẹyaa wụ̀ azaa ha kẹnẹ.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ezikẹẹrị 34:3

Waa kámá ịrẹva atẹmẹ anịị hú nịnị, dị waa hara ẹyị ẹnịnị hí ịtaa jị awuru chire nịnị nị. Ẹnẹ zoza hu ịnị atẹmẹ anị vị ọnị waa wụụ rị nịnị, ama wẹ́ yị tẹsị atẹmẹ ẹnẹẹ nịnị.

Ezikẹẹrị 9:9

Dị Ohomorihi tụ́ ohi ka, Anisirẹrị ọnịrị Anijuda nịnị ẹ́ ra rị ịvị ebira odivi-odivi ọ̀ yị mẹ baaba nị. Ẹnịnị ẹ́ kụ aza wụ̀ avaba aha, dị ẹ gara ebira odivi hi ẹtẹ Ijerusarẹmị nị. Ẹnịnị ka, ọnị Ẹnẹyịmavara ọ sị ẹkụra ẹnịnị hụrị ụvọ; ọnị é yi kuku re ẹnị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 6:1

Oogwoo Anijerusarẹmị ọnịrị Anịsamarịya nịnị ẹnị e ro ka ẹnị ẹ si ha dị ẹ va ẹngụ ha. Ọdọvịdị ẹkụra ẹnẹnị vị ene ro ka eni e huuna ẹkụra ana vọ agụvị avọọ di ọzọza ọ va ụpa anị nee kú.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

1 Anịkọrịntị 6:5

Ho! Ụhị ọ mā nyị wụ nịnịị? Ẹ yị daba nyị ọyẹrẹyị ọnya ịnị ẹngụ awụ nịnị ana zụ mẹ̀ ọkarẹyị yị ọdọwụ ẹẹva?

Iwe Ọhụhị Imosiisi ana aa hị́ Ọyịvatụrọda 16:18

Re ka waa nyị ọmọkarẹyị nịnị ọnịrị ọdọvịdị nịnị hi ẹkụra-ẹkụra ẹnẹ Ẹnẹyịmavara Ohomorihi awụ aa sịị wụ nịnị. Ịzẹyịza ẹ vaa sịị mẹ̀ ọkarẹyị yị avaba aza nị.