Imika 2:8 - IWE ỌNỊNỊ

⁸ Ama pooro va ngụ ụmẹ ọnọnị, aza amị vana kwẹẹtẹ tu mi anka ọnịvị amị avọọ. Aza ana aa parahu hẹẹ, di è yi pè wu nịnị kụ̀ ịrẹkụ wa za wa, wa dọ wa awuru ozoza eni e chire.

Imika 2:8 ပူးပေါင်းရင်းမြစ်များ

2 Ịsamụwẹrị 20:19

Ẹyị vị ọnya ịnị ẹkụra ẹngwọọrọ ọnịrị ẹkụra ana nyị ịzẹyịza ịnị ẹtẹ Anisirẹrị. Ama ụ ka àa chaka ẹkụra ọnọnị. Yàa yà ini Anisirẹrị, sị ẹ vẹ dị ụ ka aa chaka ịsa ana vị ịsa Ẹnẹyịmavara?”

Ahẹ Ụgama 55:20

Ọza ana vịdị vị ọta amị vị ana kụkụ kwẹẹtẹ tù ọta anị ọ yị kụkụ jẹẹ pè ịrẹyị ẹnị ẹ vịdị kà tịtẹ.

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ijeremaya 12:8

Ọ kà, aza anị vị ana kụkụ sị mẹẹ anka idu ana yà ịnị iruku avọọ yị ọnị. Ẹnịnị ee nowu ka ẹnị ee si ọnị, agụvị avọọ ọnị ọ yị kụkụ sì ịrẹyị ẹnịnị.

Imika 3:2

Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ.

Imika 3:3

Waa nọ wa ịtụmpaha, waa chaka wa ẹchụkụ waa vọ wa anka uye ana chịnẹ avọọ. Mị ka waa nọ aza anị ịtụmpaha anka uye ịnị avị avọọ di waa rị wa nị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.