Imika 2:4 - IWE ỌNỊNỊ

⁴ Ẹnẹyịmavara kà ịrẹyị ene vee tù wa vị ẹnị vaa sịị pa ịta. Dị a maanị aa sị orere jị wa atẹ ka, “A sị yị wụ tụ̀ ịnị ẹhẹ o! Ịhị Ẹnẹyịmavara aa naa sị ẹtẹ ayịị yị? Ọ raà sị ẹtẹ ayị dị ọ gà ẹ yị ọnịvị ana kụ́ ịrẹkụ va hụ yị nị. Dị ọ za ẹyị ọrịhị ne hi ịnị ẹtẹ ọnịnị ayị ẹnẹẹ nị.”

Imika 2:4 ပူးပေါင်းရင်းမြစ်များ

2 Ịsamụwẹrị 1:17

Ahẹ ọnọnị Idevidi jị ọnị ọ sị jị òrèrè Ịsọọrụ ọnịrị Ijonatani ozi anị nị.

2 Ịtọpa 35:25

Ijeremaya ana vị ọnịsẹ ộ chẹrẹ ahẹ ọnị ọ sị zị ẹngụ anị. Ahẹ ọnọọ aza vị ana aa jị zị ẹngụ usu anị hụrị ụmẹ ọnọọ. Â chẹrẹ ahẹ ọnọnị tụ́ iwe ahẹ orere.

Ijoovu 27:1

Ijoovu maa ka ịrẹyị anị naa, dị ọ ka,

Ayịsaya 14:4

ahẹ ọnị ụ vaa jị Anibabironi ịhị ọnọọ yị. Dị ụ ka, “Ọza ana vịdị aa mẹ ẹchakaa yị, aanị ộ ta, ọ. Ọ yị kụkụ zụ kụ́ ayị hị́ ọza.

Ayịsaya 24:3

Ohomorihi vaa za avaba ẹhẹ dị ọ tụ́ ọ osusu. Ẹnẹyịmavara kà ọnị ọ̀ kà avọọ nị.

Ayịsaya 6:11

Di mi ve họ̀ use dị mị ka Ananyị yị, ye re ụmẹ ọnị ọ maanị vaa yà nee tụ̀? Dị ọ ka pooro dị avaba ẹkụra ọnọnị ọ̀ vara eburu dị asị a kụkụ nyị aza ana ra hi ịnị anị, Avaba irehi rẹ vaa tụ́ osusu, di e re du avaba aarẹ ha.

Ijeremaya 14:18

Ọ kà, ọnị ộ nọ ịnị aarẹ, dị ọnị re oku aza ana wụ̀ va hi ẹtẹ eyi ịrẹkụ. Ịjị ọnị va nọ ịnị ẹkụra, ọnị ee re ụngwẹ maa wụ̀ azaa vaa hi ẹtẹ. Ọ kà, ọnịsẹ nịnị ẹnịrị ohirẹsụ irehi Ohomorihi aa yịị mẹ̀ ụkọrọ ẹnịnị, ama ẹnịnị ẹ yị yẹ ịsị ẹ yaa mẹ.

Ijeremaya 4:13

Ijeremaya ka, ré, ọnịvị awụ nịnị aa vẹ anka eguhi avọọ. Ụkẹkẹ ịrẹkụ anị vị ana sị mẹẹ anka okoruwa avọọ, umaata anị ẹẹ rẹ́ huni ukokoro. Ọ kà, ọ mẹ ya! Ẹnị e sị vu o! Ẹnịnị ọọ ta.

Ijeremaya 6:12

Ẹnẹyịmavara kà ọnị vaa sị ụyaa rị Anijerusarẹmị nịnị. Ọnị vaa sị irehi ẹnịnị ọnịrị aarẹ ẹnịnị beri ose ẹnịnịị yị ọza ẹnẹsa.

Ijeremaya 8:10

Ẹnẹyịmavara kà, agụvị avọọ, ose ẹnịnị vị ọnị ọnị vaa sị yị anọrụ ọsa, dị ọnị aarẹ ẹnịnị yị aza ọwọọwa. Hụụnị ozweyi na ngụ ọzọkụ ẹnịnị, avaba ẹnịnị vị anaa họ̀ ọhọha ogu kẹnẹ. Ọnịsẹ ọnịrị ohirẹsụ irehi Ohomorihi nịnị vanaa mẹ azaa rị.

Ijeremaya 9:10

Ẹnẹyịmavara kà ọnị vaa hụvị ataba nịnị ọnịrị ịzị ịsụpa nịnị naa rịị jị òrèrè, agụvị ka ẹ sị wụ. Ọza ẹ yị kụkụ zị avọọ para hu. Ọza ẹ yị kụkụ wụ̀ ịsụpa nịnị owu; inomi nịnị ẹnịrị uye ịnị avị ẹ kụ zwe si hu.

Ijeremaya 9:16

Ọ kà ọnị vaa gara wa hi ịnị akakana aza ọnị ẹnịrị ohiku ẹnịnị ẹ yị vịdị yẹ. Ọnị vaa kụ ịrẹkụ tu wa, dị ọnị dụ wa nee tu ịjị ọnị ọọ sị wa vú ẹtẹ saka-saka.

Ezikẹẹrị 16:44

Ẹnẹyịmavara kà, ẹwụ nịnị Anijerusarẹmị, aza enee che ụhịrẹyị vaa maanị sị ịrẹyị awụ nịnịị che ụhịrẹyị ka, ọnyị ọnịrị ozi vị ọnyọọnya.

Ezikẹẹrị 2:10

Ọza ọnọọ ộ ngwara iwe ọgọdọ ọnọnị, dị ọnị ré ka â chẹrẹ ịsa hị́ ọ eyi ẹnyị, eyi ọsa nị. Orere anaa jị oku oo sụ̀, ịrẹyị anaa kà ayị ọza oo du, ọnịrị ịrẹyị o du wu kù kẹnẹ a vavọọ chẹrẹ hi avaba anị nị.

Ijowẹrị 1:13

Ẹwụ nịnị ohirẹsụ irehi Ohomorihi anaā mẹ̀ ịsọvọ ịrẹsụ ụta anị, kụ ẹnya arụwẹ, dị waa jị òrèrè nịnị! Sị avaba ịrahụ ọyịvụrụ zị ẹngụ ịnị irehi Ohomorihi agụvị ka ẹ yị nyị akụ ọnịrị eche ọyị mẹ̀ ịsọvọ ịnị irehi anị.

Ijowẹrị 1:8

Waa jị òrèrè nịnị anka ozwoorihi anaa ba arụwẹ ọza ana ka ọnị aa nyị ọ ene su avọọ.

Emọsị 5:1

Ẹnẹyịmavara, ô hị́ Anisirẹrị, dị ọ ka e batọ ahẹ ọnị ọnị aa sị zị ẹngụ yi wa.

Emọsị 5:17

Ẹ vaa wụ́ owu ịnị avaba ụbazị ịvayịnị ẹnịnị, agụvị ka Ẹnẹyịmavara ká ọnị vaa che ụbazị parahu dị ọnị o du ịsa ene hi ịnị anị va ha.

Imika 1:15

Ẹnẹyịmavara kà ọnị vaa mẹ ka ọnịvị aza ene hi Imaresa ẹ̀ kụ́ ịrẹkụ va hụ́ wa dị ẹ dọ wa ẹtẹ. Aza ẹbanyị Anisirẹrị vi ene vee zwe na tẹ̀ ịnị ụtẹha Adurami.

Imika 1:8

Di Imika ka ọnị vaa hụ agụvị ịrẹyị ọnọnị dị ọnị aa tụ́ orere boro-boro. Ọ kà ọnị aa ngụ ọ zịịzị, dị ọnị ẹ yị sị adava tụ́ ahụ. Ọ kà ọnị ẹ yị hyakụ aa sị ịtaa kú ẹngụ. Ọ kà ọnị vee nowu anka irezi enyi, dị ọnị ee ti anka ogugu avọọ.

Imika 2:10

Kwẹẹtẹ we zwe ka we yi kuku re aha tẹ ịzẹnị nịnị. Ebira odivi awụ nịnị ọ sị ịzẹnị du ẹngụ o si du ta, aza ọ yị kuku zụ tenyi ọ.

Ihabaku 2:6

Aza ẹnẹ ẹ yaa mẹ ẹvaya yị vaa jị ahẹ mẹ wa isiya. Dị ẹ yaa kà a ka ọ yị vee zee yị aza anaa mẹ ọza rị, dị aa kụ́ ogu aza gụ́ tẹ̀ yị ẹngụ ẹnịnị.

Ịzẹhwanaya 1:2

Ẹnẹyịmavara kà ọnị vee vu avaba ịsavịsavị ene hi ẹhẹ ẹtẹ saka-saka.

Ịrịka 23:18

Dị Ịbaraamị tụ̀ ohi ka Ịbarakị ozi Izipọ si ụtọ pe ẹtẹ dị ọ wụ́ ịrẹyị anị.

Ịrịka 23:7

Dị Ịbaraamị kà, Ịbarakị ohinọyị Animowabi ộ sị ọnị hụrị ịrẹsụ ataba Aramị vẹ ịzẹnị nị. Ọ kà ọnị o chi hi Anisirẹrị, dị ọnị o du wa.

Ịrịka 24:15

Ịbaraamị kà, ịrẹyị ọnị ozi Ịbẹyọ kà vị ịzẹyịza.

Ịrịka 24:3

di o nyima aa ka ịsẹ ka: Ịrẹyị ọnị Ịbaraamị ozi Ịbẹyọ ka yị, ịrẹyị anị vị ịzẹyịza.

Ịmaakị 12:12

Ọdọvịdị Aniju nịnị ê sì oze ka ẹnị ẹ̀ za a, ama angwa aza ee hí wa. Ệ yẹ ka eni ee che ụhịrẹyị ọnọọ yị nị. Dị ẹnịnị na a vọ, di e si hu aa na nị.

Iwe Ọhụhị Imosiisi ana aa hị́ Ọyịvatụrọda 28:29

Ọọdụ goro-goro vị ọnị ụ vaa sị ụvọ si oze nịnị anka ogweyi avọọ. Avaba ịsị ụ wàa mẹ, e yi vee zozaa yị wụ. Aza vị ana vaa mẹ ẹvayaa yị wụ, dị ẹyaa sị ụkata-ụkataa dọ wụ ịsa. We yi vee re ọzaa gụ wụ ụvọ nịnị.